Fréttablaðið - 07.05.2022, Qupperneq 88

Viðmótshöfundurinn Salvar
Þór Sigurðarson, einn mesti
aðdáandi myndasögunnar
Calvin og Hobbes, gleðst í
tilefni dagsins, en í dag er Free
Comic Book Day. Hann segir
höfund Calvin og Hobbes
snilling sem hafi lyft mynda-
söguforminu á hærra stig.
emd@frettabladid.is
„Ég var sirka tíu ára þegar ég
fékk fyrstu bókina um Calvin og
Hobbes og man eftir að hafa fund-
ist það skemmtilegasta bókin sem
ég átti. Ég á mjög hlýjar minningar
um þessa karaktera,“ segir Salvar,
og vísar þar til myndasögu um þá
félaga Calvin og Hobbes sem kom
út í dagblöðum í Bandaríkjunum á
árunum 1985 til 1995.
Fjörugt ímyndunarafl
Myndasagan naut gríðarlegra vin-
sælda þar í landi og fjallar um Calv-
in, sem er mjög hugmyndaríkur en
frekar óstýrlátur sex ára drengur, og
Hobbes, sem er tuskudýrið hans. En
í huga Calvin er Hobbes lifandi.
„Það fer í raun eftir því hver er
að horfa. Ef einhver fullorðinn, til
dæmis foreldrar hans eða kennari
eru í kring, þá er Hobbes tuskudýr.
En þegar þeir eru bara tveir er hann
ógurlegt lifandi tígrisdýr,“ segir Sal-
var, og bætir við að fjörugt ímynd-
unaraf l Calvins sé í raun rauði
þráðurinn í gegnum sögurnar, þar
sem þeir lenda í ýmsum ævintýrum.
Salvar segir að snilldin við Calvin
og Hobbes sé ekki eingöngu mynda-
sagan sjálf, heldur einnig höfundur
hennar. „Þegar ég fór að kynna mér
Bill Watterson og hans karakter
jókst áhuginn og virðingin fyrir
verkinu. Sagan var í raun hans leið
til að tjá allar hliðarnar á sjálfum
sér. Hans líf endurspeglast í persón-
unum og því sem þeir lenda í. Það er
bara einhver snilld í þessu sem erfitt
er að benda á nákvæmlega hver er,“
segir Salvar og hlær.
Listræna gildið meira virði
Rúmlega tíu árum eftir að mynda-
sagan birtist fyrst ákvað Watter-
son að setja þar punktinn yfir i-ið
og hætta að teikna þá Calvin og
Hobbes, þrátt fyrir svakalegar vin-
sældir og mikla eftirspurn – ekki
bara í Bandaríkjunum heldur á
heimsvísu. Salvar segir ástæðuna
að baki því vera að Watterson hefði
náð öllu því fram sem hann gæti á
þessum miðli, og því væri þessum
kafla lokið. Þegar allt kom til alls
hefði Wattson í raun verið sama
um gróða, enda hefði hann gefið út
einhverju sinni að hann ynni ein-
göngu að þeim verkefnum sem gæfu
honum einhverja lífsfyllingu.
„Það er eitthvað svo geggjað að
vita til þess að listræna gildið var
honum meira virði en peningar.
Þetta er mjög fersk hugsun í heimi
þar sem maður verður eiginlega að
græða. Hann hafði rosa sterka sann-
færingu um það sem hann vildi gera
og var sama um hvað öðrum fannst
um það,“ segir Salvar, og bætir við:
„Það er eiginleiki sem margir, og að
minnsta kosti ég, ættu að tileinka
sér meira.“ n
Hætti með heimsfræga
myndasögu á toppnum
Salvar keypti á dögunum fjórar bækur með Calvin og Hobbes og les þær með syni sínum. FRÉTTABLAÐIÐ/SIGTRYGGUR ARI
Það er eitthvað svo
geggjað að vita til þess
að listræna gildið var
honum meira virði en
peningar.
Salvar Þór Sigurðarson
Í kvöld er flogið til Mílanó. Við
stöllur skelltum okkur í Hörpu í gær
í PCR-próf, og á meðan við stóðum
í röð mættum við röð af fullum
köllum í bananabúningum, sem
hrópuðu á okkur: „Tiktok-Frétta-
blaðsins!“ Sem er ágætis áminn-
ing fyrir þá sem ekki vissu af því
góða efni sem þar er að finna. Við
vorum að hakka í okkur sushi eins
og gamlir fresskettir klukkustund
seinna, þegar símarnir víbruðu
með kærkomnum tilkynningum
um að hvorug okkar væri með
Covid. Léttirinn var ólýsanlegur.
Við höfum eftir áreiðanlegum
heimildum að Íslenski hópurinn
í Tórínó hafi náð fyrsta slökunar-
deginum í gær síðan hann lenti.
Keyrslan á þeim er auðvitað búin
að vera svakaleg og hátíðargestir
og fjölmiðlar láta þau ekki í friði,
rokkstjörnu-stæl. Það er ekki
síst bróðir systranna og fjórði
meðlimur bandsins, Eyþór Ingi,
merkilegt nokk annar maðurinn í
röð sem heitir Eyþór Ingi sem fer
á stóra sviðið fyrir Íslands hönd,
sem vakið hefur mikla athygli fyrir
íslenskan þokka og fegurð. Ítalskar
unglingsstúlkur eru í þessum töl-
uðu að prenta út plaköt af þessum
heitasta kúreka norðursins.
Hópurinn hefur stutt við efna-
hag gestgjafanna með verslunar-
og kaffihúsaferðum. Í dag ætla
þau að skella sér í sveitaferð í
ítalska vorinu sem hljómar ekki
illa. Næst tekur við sunnudagur
með opnunarhátíð; mánudagur
með æfingu og þriðjudagur með
undankeppni verða síðan þyngstu
dagarnir í dagskránni hingað til.
Við sitjum ekki saman í flug-
vélinni en ætlum hugsanlega að
reyna að sjarmera einhvern Ítala til
að skipta um sæti við okkur, með
öllum ráðum, sveiflandi höndum,
fótum og gulum hárlengingum. Við
gistum síðan í mannaboxum á flug-
vellinum í Mílanó í nótt. Nú hefst
ævintýrið. Og þið getið fylgt okkur
til Ítalíu á samfélagsmiðlum! n
Mannabox og bananabúningar
Nína Richter
og
Ingunn Lára
Kristjánsdóttir
Fréttablaðið á Eurovision
@frettabladid.is @frettabladid @frettabladid_is
Velkomin á
Borgarsögusafn
Aðalstræti!
Götuleikhús, víkingar,
andlitsmálning, dans
og tónlist.
Velkomin á opnun
götuhátíðar og sýningar
í Aðalstræti
laugardaginn 7. maí kl. 13-16.
Ljósmynd: Aðalstræti1898, Sigfús Eymundsson.
Borgarsögusafn,
Aðalstræti 10
101 Reykjavík
Opið alla daga 10:00–17:00
www.borgarsogusafn.is
LÍFIÐ FRÉTTABLAÐIÐ 7. maí 2022 LAUGARDAGUR