Morgunblaðið - 31.12.2022, Blaðsíða 32

32 MORGUNBLAÐIÐ TÍMAMÓT 31.12.2022
Morgunblaðið/Eggert
Börnin örugg á Íslandi
APRÍL Fjölmörg börn eru í hópi flóttamanna frá Úkraínu sem tóku að streyma til landsins
eftir að stríð braust þar út hinn 24. febrúar. Vel hefur verið tekið á móti flóttamönnunum og
ýmislegt gert til að létta þeim lífið í nýju landi. Í byrjun apríl var opnað athvarf fyrir börn frá
Úkraínu í Hátúni 2 í Reykjavík í Fíladelfíuhúsinu. Þar er boðið upp á morgunverð og hádegis-
verð, aðstöðu fyrir foreldra og leikföng sem börnin geta leikið sér með.
Morgunblaðið/Eggert
Sinubruni í upphafi árs
JANÚAR Nóg var að gera hjá slökkviliðinu fyrsta dag
ársins 2022 á höfuðborgarsvæðinu en útköll voru á
fimmta tug. Stór sinubruni var í Úlfarsárdal og sást víða
að. Varðstjóri á vakt hjá slökkviliðinu á höfuðborgar-
svæðinu sagði bókstaflega brjálað að gera hjá sínu liði.
Morgunblaðið/Kristinn Magnússon
Harmleik-
ur við Þing-
vallavatn
FEBRÚAR Fjórir létust þegar lítil
flugvél hafnaði í Þingvallavatni þann
3. febrúar 2022. Um borð í vélinni
voru flugmaðurinn Haraldur Diego,
ásamt þremur erlendum ferða-
mönnum frá Bandaríkjunum, Belgíu
og Hollandi. Leitin að vélinni var ein
umfangsmesta leit síðari ára. Í fyrstu
var leitað við Úlfljótsvatn en eftir að
vísbending barst beindist kastljósið
að Þingvallavatni. Fljótlega varð
ljóst að vélin hefði farið þar niður um
ís. Nokkrum vikum síðar tókst að
hífa vélina upp úr vatninu, en bíða
þurfti eftir því að hlýnaði verulega í
veðri, en kuldinn og ísinn á vatninu
hamlaði því að hægt væri að ná
vélinni upp fyrr. Vélin reyndist vera á
48 metra dýpi og aðgerðir við að ná
henni upp tæknilega flóknar.
Alls tóku um 55 manns þátt í
aðgerðunum.
FRÉTTAMYNDIR AF INNLENDUM VETTVANGI
Morgunblaðið/Árni Sæberg
Hermenn stíga á land í Hvalfirði
APRÍL Allt gekk að óskum þegar lendingaræfing bandarískra landgönguliða, sem haldin
var í tengslum við varnaræfingu Atlantshafsbandalagsins, Norður-Víking, fór fram á Mið-
sandi í innanverðum Hvalfirði í apríl síðastliðnum. Landgönguliðar komu af skipi sjóhersins,
sem hélt til í mynni Hvalfjarðar, með þyrlum og svifnökkvum. Þeir sem komu á svifnökkvum
fóru á land á bryndrekum en áhöfn þyrlunnar á tveimur jafnfljótum.