Borgfirðingabók - 01.12.2012, Qupperneq 102

102 Borgfirðingabók 2012
óvíða eða hvergi mun til jafns á Íslandi. Sagt er að Mývetningi sem
lét sér ekki allt fyrir brjósti brenna hafi blöskrað flugnagerið er hann
kom að ósnum. Þeir sem viðkvæmir eru fyrir flugu skyldu hyggja að
þessu og búa sig í samræmi við það en fresta för sinni ella. Þess er enn
ógetið að girðing liggur meðfram Grímsá að sunnanverðu. er á henni
hlið á móts við Strengjavað, Gullberastaðarsel og við Reyðarvatnsós.
Gegnt er á milli árinnar og girðingarinnar, en girðingarspotti liggur
úr henni í Grímsá á móts við ármót Lambár. Norðan ár er á þrem
stöðum þvergirt að ánni. Tvær girðingar með skömmu millibili rétt
innan Jötnabrúar og innundir Lambá. Á þessum girðingum eru hlið
og er brýnt að þeir sem um hliðin ganga láti í þau á eftir sér. Segjum
sem svo að einhverjir vilji ganga meðfram ánni sér til fróðleiks og
skemmtunar. Ég læt það liggja milli hluta hvort gengið er norðan ár
eða sunnan, hvort tveggja hefur kosti og galla. ef gengið er sunnan ár
er hægt að komast til byggða þurrum fótum, illa skæddur án þess að
snúa við eða fara úr. Nyrðri leiðin gefur ef til vill meiri tilbreytingu.
Rétt er hafa meðferðis landakort til þess að glöggva sig á fjöllum er
sjást kunna í fjarska. Ég tel sjálfsagt að hefja förina neðst og hafa
hallann í fangið. Þannig nýtur landslagið sem fyrir augu ber sín best.
Staðháttalýsing
Allt frá mynni Lundarreykjadals og fram fyrir Oddsstaði er Grímsá
víðast lygn og flúðalaus þó með smá strengjum hér og þar. Við
svokallaða Jötnabrú breytir áin um svip og fellur hún þangað allt frá
upptökum í fossum, flúðum og strengjum. Víða eru krappir og djúpir
hyljir undir fossum. Botninn er berar klappir eða grjót vatnsbarið.
Grunn gljúfur eru að ánni hér og þar, einkum neðan við fossa. Hvönn
og eyrarrós prýða bakka árinnar víða. Kría verpir hér og þar og sjá
má straum- og stokkönd og oft ýmsa aðra sundfugla. Rennsli Grímsár
verður að teljast fremur jafnt eftir því sem gerist um borgfirskar ár
enda stendur að henni sterkur lindastofn.
Við skulum hefja ferðina neðan undir Oddsstaðarfjárhúsunum.
Vestan þeirra sker allmikið gljúfragil hlíðina, heitir það Húsagil.
Falla til þess tveir lækir sem sameinast skammt ofan gljúfurs. Kemur
sá vestari úr Reyðartjörn, en sá eystri úr mýrarflæmi því er Lymska
nefnist. Neðan við gilkjaftinn eru grýttar eyrar sem vatnið hripar ofan
í, í þurrkatíð. Á eyrunum vestan gilsins stóð skilarétt Lunddælinga og