Borgfirðingabók - 01.12.2012, Síða 218

218 Borgfirðingabók 2012
staður við starfsemi Snorrastofu með veglegum hætti, þ.e. 800.000
kr. framlagi.
Mörg undanfarin ár voru tekjur af rekstri Snorrastofu næstum alltaf
umfram gjöld. Á því hefur orðið breyting með efnahagshruninu, en
með góðu aðhaldi í rekstri og fækkun starfsmanna hefur tekist að við-
halda jafnvægi í rekstri stofnunarinnar. Stöðugildum hefur fækkað
og eru þau komin niður í 6,3 á ársgrundvelli, en í þeirri tölu er ekki
reiknað með sumarstarfsfólki. Sé störfum jafnað á allt árið má segja
að stöðugildin séu um 8 talsins. Að baki þessara stöðugilda voru 9
einstaklingar á ársgrundvelli og 17 þegar tillit hefur verið tekið til
sumarstarfsmanna og þriggja starfsmanna í unglingavinnu. Fræði-
menn Snorrastofu voru fjórir talsins, þrír á launum hjá Snorrastofu og
einn sem fjármagnar sig sjálfur. Þá voru 2 fræðimenn hjá stofnuninni
í tímavinnu við úrvinnslu fornleifa, stuttan tíma í senn.
Stór hluti starfsmanna Snorrastofu kemur með einhverjum hætti
af þjónustu við ferðamenn og áhugafólk um sögu og bókmenntir,
auk þess sem stofnunin er með starfsfólk í útiverkum á sumrin. Þá
koma að öðru leyti fjölmargir sem verktakar að vinnu í Snorrastofu;
fræðimenn, iðnaðarmenn, bókhaldarar, hönnuðir o.s.frv.
Miðlun og móttaka gesta
Í Snorrastofu er sóknarhugur í fólki og löngun til að styrkja stöðu
menningarmiðstöðvar á staðnum – þróun gestastofu, verslunar og
upplýsandi og aðgengileg sýning eru mikilvægir áfangar á þeirri leið.
Sem fyrr segir var mjög gestkvæmt í Reykholti árið 2011. Salan
í verslun Snorrastofu hefur verið góð í kjölfar efnahagshrunsins og
náði hún síðan nýjum hæðum 2011, m.a. vegna öflugra starfsmanna,
breiðara vöruvals og nýrra innréttinga, sem m.a. voru smíðaðar af
einari Guðmundssyni húsgagnasmiði. Starfsmenn gestamóttöku
voru fjórir, en auk dagnýjar emilsdóttur móttökustjóra naut Snorra-
stofa starfskrafta Sigrúnar Þormar og systranna Bergþóru og Vigdísar
Bergsdætra. Þá komu aðrir starfsmenn Snorrastofu til hjálpar þegar
mikið lá við, auk þess sem stofnunin naut ómetanlegrar aðstoðar
sr. Geirs Waage allt sumarið, enda afar eftirsóttur fyrirlesari. Óskar
Guðmundsson og greinarhöfundur komu einnig að fyrirlestrahaldinu.
Þeim fer stöðugt fjölgandi sem óska sérstaklega eftir fyrirlestrum,
ýmist löngum eða stuttum. Þetta er ánægjuleg þróun á hefð, sem