Tímarit lögfræðinga - 01.06.2005, Side 113

113
Á VÍÐ OG DREIF
AÐALFUNDUR LÖGMANNAFÉLAGS ÍSLANDS 2004
Aðalfundur Lögmannafélags Íslands 2004 var haldinn föstudaginn 26. mars
s.á. Á dagskrá fundarins voru venjuleg aðalfundarstörf samkvæmt samþykktum
félagsins. Fundarstjóri var Jóhannes Rúnar Jóhannsson hrl. og fundarritari Guð-
mundur Ingvi Sigurðsson hdl.
1. Skýrsla félagsstjórnar og nefnda félagsins
Formaður félagsins, Gunnar Jónsson hrl., flutti skýrslu stjórnar, rakti helstu
þætti í starfsemi félagsins á undangengnu starfsári og lýsti ánægju sinni með
rekstur þess, sem hagnaður varð af þriðja árið í röð. Formaður gerði því næst
grein fyrir vinnu félagsins við verkefnið „Access to Justice“ en vísaði að öðru
leyti til þess að Jóhannes Karl Sveinsson hrl. myndi kynna málefnið síðar á
fundinum. Einnig vék formaður að framkomnum hugmyndum um skylduend-
urmenntun lögmanna. Greindi hann frá því að félagið hefði í upphafi starfsárs-
ins skipað sérstaka nefnd til að vinna að málinu og sagði að Ólafur Rafnsson
hdl. myndi gera grein fyrir helstu niðurstöðum nefndarinnar síðar á fundinum.
Formaður minntist því næst á nýstofnað félag kvenna í lögmennsku og fagnaði
aðild þess að LMFÍ. Þá fjallaði Gunnar um frumvarp til laga um breytingu á
lögmannalögum, sem lagt hefur verið fram á Alþingi, og fór stuttlega yfir
umsögn laganefndar félagsins um frumvarpið og kynningu hennar fyrir dóms-
málaráðherra og allsherjarnefnd Alþingis. Benti Gunnar á að frumvarpið og
umsögnin hefði verið kynnt á félagsfundi þann 22. janúar sl. þar sem samþykkt
hafi verið að óska eftir því við dómsmálaráðherra að hann beitti sér fyrir því að