AVS. Arkitektúr verktækni skipulag - 01.03.1994, Qupperneq 22

nota og þær eru aðgengilegri en ýmis erlendur
gróður sem ekki er til sölu á markaðnum. Þess skal
gæta að ganga vel um þar sem gróður er tekinn og
hreinsa ekki upp tegundina af fundarstaðnum. Þær
plöntur sem lifa niðri í eða á vatninu hafa, auk skraut-
gildis, því hlutverki að gegna að auka súrefnisinnihald
vatnsins og keppa við þörunga um uppleyst næring-
arefni. Þær hjálpa því til við að halda tjörninni hreinni
og stuðla að jafnvægi í lífríki tjarnarinnar.
Einna þægilegast er að rækta vatnagróður í net-
körfum eða pottum. Þá er auðvelt að lyfta þeim upp
til að skipta þeim eða færa þær til. Venjulega þarf
að vefja þunnum jarðvegsdúk utan um jarðvegs-
hnausinn svo jarðvegurinn skolist ekki út. í tjörnum
með náttúruyfirbragði mætti gróðursetja beint í jarð-
vegslag á botni tjarnarinnar eða á hillur við bakkann.
Þá verður hins vegar erfitt að hafa einhverja stjórn á
gróðrinum. Þriðji kosturinn er að útbúa sérstök af-
mörkuð beð á botni eða á hillum við bakkann. Þá
fæst meira jarðvegsrými fyrir gróðurinn og gróðurinn
getur ekki vaxið algjörlega stjórnlaust.
Gosbrunnar og lækir krefjast dælu þar sem sjaldnast
er völ á sírennsli sökum kostnaðar. Til eru tvær gerðir
af dælum til notkunar í görðum, dælur sem staðsettar
eru ofan vatns og dælur sem staðsettar eru niðri í
vatninu. Fyrir flestar minni tjarnir, gosbrunna og læki
eru dælur sem staðsettar eru niðri í vatninu afar
hentugar. Stærri verkefni gætu þurft dælu sem stað-
setja þarf í sérstöku rými ofan vatns.
í Laugardalnum er að finna nokkurt úrval af mismun-
andi tjörnum. Stærsta tjörnin er í Fjölskyldugarðinum
en svo eru nokkrar minni tjarnir í Húsdýragarðinum
og í Grasagarði. Allar þessar tjarnir eru meira eða
minna manngerðar. Sumar þeirra eru tengdar grunn-
vatnsrennsli í dalnum og þurfa því lítið eða ekkert
annað vatn til viðhalds.
Tjörnin í Fjölskyldugarði er þétt með leirdúk en ofan
á honum er grúsarlag til hlífðar. Á nokkrum stöðum
við bakkann hefur verið plantað íslenskum tjarnar-
og mýrargróðri. Tjarnirnar í nyrsta hluta Grasagarðs-
ins eru grafnar niður í mýri sem þarna var. Enginn
þéttidúkur er í botninum en kann að reynast nauð-
synlegt að þétta botninn því yfirborð tjarnanna er ekki
nægilega stöðugt.
Inni í gróðurskála Grasagarðs er tjörn sem þétt er
með PVC- dúk. í henni eru vatnaliljur og annar vatna-
gróður sem hægt er að hafa ef tjörnin er undir þaki.
EGLA
-RÖÐOG
REGLA
Margir litir margar stærðir.
Þessi vinsælu bréfabindi
fást í öllum helstu
bókaverslunum landsins.
20