AVS. Arkitektúr verktækni skipulag - 01.03.1994, Qupperneq 72

að til var rit, þar sem saga garðsins var skráð, auð-
veldaði mjög þennan hluta verksins. í framhaldi af
þessu var samin verkáætlun og miðaði hún við að
endurnýjun garðsins skyldi unnin á 5 árum. Við mat
á umfangi verksins og við gerð verkáætlunar varð
að taka mið af þeim fjármunum sem til ráðstöfunar
voru og þeirri fagþekkingu sem til staðar var. Þau
atriði sem mest gildi þóttu hafa fyrir garðinn og stefna
skyldi að því að endurnýja voru:
■ Hlaðinn grjótgarður sem skapar umgjörð um garð-
inn. Fjarlægja ætti trégirðingu á vesturhlið og endur-
hlaða grjótvegg sem þar hafði staðið.
■ Trjáumgjörð garðsins þótti mikilvægt að endurnýja
með því að fella strax þau tré sem voru að falli komin
og gróðursetja þar ný í staðinn. Þetta skyldi þó gert
á þann veg að tré sem hugsanlega gætu staðið ein-
hvern tíma yrðu látin vera og endurnýjuð seinna,
þannig að ný tré gætu smátt og smátt yfirtekið og
haldið uppi reisn garðsins.
■ Allur norðurhluti garðsins með hlöðnum stöllum,
gosbrunni og vatnsþró.
■ Einstakir munir s.s. aðalhlið (endurnýjað tréhlið frá
1932), hvalbein, minnismerki og garðhýsi.
■ Stígar yrðu endurbættir og opin svæði garðsins
sem áður voru matjurtareitir (tilraunareitir) yrðu gras-
lögð og komið í rækt.
■ Gróðurbeð yrðu hreinsuð af illgresi og þeim komið
í fyrra horf.
MENNINGARVERÐMÆTI
Þá staðreynd að eiginleg garðlist á íslandi á sér
stuttan feril má ef til vill rekja til sögu okkar. Einnig
má staðhæfa að garðlist á fslandi sé ung ef miðað
er við önnur Evrópulönd. Ennfremur má álykta að
hér á landi nái garðar síður þeim háa aldri sem þeir
ná á meginlandinu og má fyrst og fremst kenna veðr-
áttu um. Sú reynsla sem fengin er með Skrúð hefur
sýnt að aldamótagarður, sem í dag er orðinn um 90
ára, er kominn að falli. Þó má áætla að með breyttu
tegundavali.öðrum ræktunaraðferðum og bættu
viðhaldi geti garðar orðið enn eldri á íslandi. En
hvernig og hvar átti að byrja þegar verið var að tala