AVS. Arkitektúr verktækni skipulag - 01.09.1995, Side 82

Jónas Kristjánsson. Fyrri athuganir í sambandi viö
Noregssýninguna komu einnig til góða.
Arkitektarnir sáu einnig ástæðu til að sýna fram á
suðurskandinavískan byggingarstíl með hliðsjón af
þeim danska (Trelleborgarhúsið).
Trelleborgarstíllinn kemur glöggt fram í fjósinu sem
verið er að byggja í víkingagarðinum nú í sumar til
að sýna gestum byggingaraðferðir fyrri tíma.
Til að sýna fram á enn meiri breidd í byggingarstíl
víkingatímabilsins hafa verslunarhús Kaupvangsins
fengið tilsnið af stíl Fledebyhúsanna í Danmörku, en
þó byggð með ívafi af norsku stafaburðarvirki. Mikil-
vægt er að undirstrika að vestur- norski stíllinn frá
Oma sem að mestu samsvarar Stöng í Þjórsárdal
myndar stærsta og mikilvægasta þáttinn í Víkinga-
garðinum. Það var því með miklu stolti að arkitekt-
arnir nýttu sér það tækifæri að koma íslenskri sögu
og samtengdum söguuppruna íslands og Noregs
svo sterkt og sleitulaust til skila.
Hús „hrafnastúlkunnar" (óskilgetinnar dóttur jarlsins)
er hannað í mun frjálsari stíl þar sem líta á út fyrir að
hún hafi byggt það sjálf með eigin handafli. Smiðirnir
urðu örvinglaðir og forviða þegar arkitektinn nefndi
að þetta væri alltof nákvæm smíði. Þeir eru vanari
ávítum fyrir skort á nákvæmni....ekki satt!
Á arkitektastofu Guðmundar Jónssonar í Osló unnu
einnig íslendingarnir Guttormur Magnússon og Ing-
unn H. Hafstað að verkefninu. Einkum hafði Gutt-
ormur ábyrgðarmikið starf. ■
80