Bændablaðið - 04.04.2023, Page 73

73 Bændablaðið | Þriðjudagur 4. apríl 2023
Efni: Þingborgarlopi 100-110 gr
Dóruband 12 litir 10-15 gr af hverjum
eða 150 gr af einum lit.
Sokkaprjónar 4.5 og 5 mm
Hringprjónn 60 sm langur, 4.5 og 5
mm.
Aðferð: Peysan er prjónuð í
hring neðan frá og upp og er með
laskaúrtöku. Lesið uppskriftina áður
en hafist er handa.
Útaukning á ermum: Í upphafi
umferðar; prjónið eina lykkju, aukið
um eina, prjónið þar til 1 lykkja er eftir
í umferðinni, aukið um eina lykkju og
prjónið svo þá síðustu.
Laskaúrtaka: Laskaúrtaka er þar
sem ermar og bolur mætast, á fjórum
stöðum. Það eru 6 lykkjur í hverri
úrtöku, þrjár af bol og þrjár af ermi.
*Prjónið 2 lykkjur saman, prjónið tvær,
takið eina lykkju óprjónaða, prjónið
eina og steypið þeirri óprjónuðu yfir.
Endurtakið þrisvar sinnum þar sem
bolur og ermar mætast. Prjónið eina
umferð án úrtöku. * Endurtakið frá
* til *.
Það getur verið mjög hjálplegt að
nota google til að finna leiðbeiningar
á alnetinu um úrtökuna.
Peysan
Bolur: Fitjið upp í aðallit 100 lykkjur
á hringpjrón 4.5 mm. Tengið í hring
og prjónið 3 umferðir brugðið. Skiptið
yfir á hringprjón 5 mm og prjónið
fyrsta litinn, * 5 umferðir slétt prjón
í lit og eina umferð slétta með aðallit
og 3 umferðir brugðnar í aðallit. *
Endurtakið frá * til * þar til kominn
er níundi litur, prjónið 2 umferðir
af honum.
Ermar: Fitjið upp í aðallit 32 lykkjur
á sokkaprjóna 4.5 mm, tengið í hring
og prjónið 3 brugðnar umferðir. Skiptið
yfir á sokkaprjóna 5 mm og prjónið
ermi með sömu litasamsetningu og
bolinn og endið á sama lit 2 umferðir
sléttar. Í þriðja lit hefst útaukning:
Prjónið 3 umferðir af lit, aukið út
í umferð 4 í litnum, prjónið umferð
5. Endurtakið útaukningu með sömu
aðferð í hverjum lit upp ermina 4
sinnum. Nú ættu að vera 42 lykkjur
á erminni.
Axlastykki: Takið 3 fyrstu og 3 síðustu
lykkjur á ermum og setjið á nælu.
Setjið 6 fyrstu lykkjurnar á bol á nælu.
Prjónið ermi við bolinn 36 lykkjur,
prjónið 44 lykkjur af bol, setjið næstu
6 lykkjur af bol á nælu, prjónið hina
ermina við og svo 44 lykkjur af bol.
Hefjið úrtöku eins og lýst var að ofan.
Haldið áfram að prjóna með úrtöku og
með sömu aðferð við litaskiptingar þar
til 48 lykkjur eru eftir. Prjónið hálsmál
með aðallit 6 umferðir sléttar og fellið
af frekar laust. Lykkjið saman undir
höndum lykkjurnar sem geymdar voru
á nælum. Gangið vel frá öllum endum.
Þvottur: Þvoið flíkina í höndum með
volgu vatni og mildri sápu. Kreistið
vatnið vel úr og leggið á handklæði
til þerris.
Uppskrift peysunnar er
samvinnuverkefni nokkurra
Þingborgarkvenna, þeirra Katrínar
Andrésdóttur, Halldóru Óskarsdóttur,
Hörpu Ólafsdóttur, Önnu Dóru
Jónsdóttur og Margrétar
Jónsdóttur.
Laxveiðimaður framtíðar
Nafn: Guðmundur Ísak Pétursson.
Aldur: Nýorðinn 12 ára.
Stjörnumerki: Steingeit.
Búseta: Stokkhólmur, höfuðborg
Svíþjóðar.
Skóli: Örbyskolan.
Skemmtilegast: Smíða trjákofa og
gróðurhús, leika úti með fjarstýrðan bíl.
Uppáhaldsdýr: Capybara (flóðsvín),
stærsta nagdýr í heimi
Uppáhaldsmatur: Tacos.
Uppáhaldslag: „He is a capybara“.
Uppáhaldsbíómynd/sjónvarpsefni:
„Fast and the furious“.
Æfirðu íþróttir eða spilarðu á
hljóðfæri: Æfi ísbandý og er í
skátunum.
Hvað ætlar þú að verða þegar þú
verður stór: Arkitekt.
Mest spennandi sem þú hefur gert:
Veiða fyrsta laxinn minn í Norðurá.
Minnisstæðast frá liðnu sumri:
Húsbílaferðalag um Svíþjóð,
Danmörku og Þýskaland.
Galdurinn við Sudoku-þrautirnar er að setja réttar tölur, frá 1–9, í eyðurn ar. Sama talan má ekki koma
fyrir tvisvar í línu lárétt og lóð rétt og heldur ekki innan hvers reits sem afmarkaður er af sverari lín um.
SUDOKUÞRAUTIR Bændablaðsins
Þung Þyngst
Létt Miðlungs
ERFINGJAR LANDSINS
HANNYRÐAHORNIÐ
Barnapeysa fyrir 2–4 ára
Guðmundur Ísak er bróðir hennar Katrínar Evu
sem var hjá okkur í síðasta tölublaði og, eins og
áður sagði, er fjölskyldan búsett í Svíþjóð.
Við hvetjum sem flesta til að hafa samband ef ykkur langar að vera með!
Hafið samband: sigrunpeturs@bondi.is

Þingborg
.
Gleðilega páska!