Heilbrigt líf - 01.12.1942, Side 29

flokkana í þeim kosningafaraldri, sem nú gengur yfir land-
ið, er svo ofstækiskennt, að til vandræða má telja fyrir
heilbrigða hugsun fámennrar þjóðar, sem reynir að halda
uppi menningarlífi í erfiðu landi.
Stefán Klettafjallaskáld fann mjög til stjórnmálaof-
stækisins, sem kringum hann var í Kanada. f bréfi til
kunningja síns segir hann svo: Nú er andlegt hrakviðri
— fylkiskosningar í Manitoba.
Það er að vísu huggun, að víðar er pottur brotinn en á
íslandi!
Á ekki aS bæta í tímariti voru birtist á s. 1. ári stórmerk
hveitibrauJSm? ritgerð eftir próf. Níels P. Dungal, þar sem
bornar voru fram nýjar tillögur til umbóta
á hveitibrauði hér á landi (Heilbr. Líf 1. árg., bls. 107—
123). Höf. lýsir þar hveitineyzlu landsmanna, sem nemur
um 5 þús. smálestum á ári. Hann bendir á, að hverju leyti
heilhveiti sé áfátt, og ber loks fram tillögur um, hvernig
tiltækilegt væri að bæta bæði fjörefnum og eggjahvítu-
efnum 1 hveitið, til þess að auka hollustu þess. Próf. Dun-
gal beindi að síðustu máli sínu til manneldisráðs ríkisins
— forseti þess er landlæknir — og gerði sér vonir um, að
tillögur sínar yrðu teknar til greina.
Málið hefir legið í þagnargildi síðan próf. Dungal birti
hina merku ritgerð sína, sem bar með sér mikinn lærdóm,
en jafnframt ríkan áhuga á því að auka hollustu daglegs
brauðs. Manneldisráðið hefir mér ekki vitanlega látið á
sér bæra. Ber að skilja það svo, að málið sé í rannsókn,
eða hafi verið lagt á hilluna? Vitanlegt er, að sums staðar
erlendis er hveitibrauðinu sinnt mjög mikið, og hafa Bret-
ar t. d. komið því á hjá sér að bæta B-fjörvi 1 hveitið.
íslendingar ættu öðrum fremur að vera á verði í þessu
máli, vegna þess hve erfitt er hér um fjölbreytt fæði.
Heilbrigt líf
155