Heilbrigt líf - 01.12.1942, Blaðsíða 42

Dr. G. Claessen:
ÍSLENZKT HEILSUFAR
HEILBRIGÐISSKÝRSLUR 1939
Samdar af landlækni. 196 bls., Rvík, 1941
Landlæknir er afkastamikill rithöfundur. Á ári hverju
gefur hann út efnismikla bók um heilsufar þjóðarinnar,
og er þá aðallega moðað úr öllum skýrslum héraðslækna,
auk annarra heimilda.
Hinar árlegu heilbrigðisskýrslur eru síðustu heimildir
um heilsufar landsmanna. Sá galli er á gjöf Njarðar, að
mesta nýjabragðið er af þeim, því að skýrslurnar, sem út
komu nú á öndverðu sumri, ná ekki nema til ársins 1939.
Orsökin mun vera hinar erfiðu heimtur á skýrslum héraðs-
lækna, og virðist mér athugandi fyrir heilbrgðisstjórnina,
hvort hún gæti ekki fundið ráð til þess að bæta úr því
seinlæti. Læknunum væri greiði gerður, ef gengið væri
hart eftir skýrslunum, því að ólíku auðveldara verk er að
láta frá sér skýrslu, þegar skammt er um liðið, heldur en,
þegar málið dregst á langinn. Síðustu fregnir um heilsu-
far þjóðarinnar eru sem sé Heilbrigðisskýrslur 1939. Þær
hefðu helzt átt að birtast fyrir árslok 1940. Enginn má þó
halda að landlæknir sé öfundsverður af því stappi að inn-
heimta skýrslur úr svo mörgum áttum. Mér virðist sem
komið gæti til mála, að landlæknisskrifstofan sendi full-
trúa frá sér í hringferð um landið einu sinni á ári, til þess
að ná saman þessum plöggum. Sami maður (læknir? hag-
fræðingur?) gæti jafnframt leiðbeint um skýrslugerð og
flýtt fyrir að slá botn í ábyrjaða, en ófullgerða skýrslu.
1 dagblöðunum er lítið minnst á þessa efnismiklu bók.
168
Heilbrigt líf