Heimili og skóli - 01.03.1975, Page 21

frá þrem merkum rannsóknum er lágu fyrir
frá þjóðum Yestur-Evrópu. Sú fyrsta leiddi
til mikils rits er hefur að geyma 15 ritgerð-
ir og kallast ritgerðasafnið: Permanent Edu-
cation, ævimenntun. Hin önnur bar þann
árangur að búið var út mikið vinnuskema
er kallast Grundvallaratriði samræmdrar
menntastefnu, Fundamentals for integrated
educational policy. Og hin þriðja hefur
skapað hið merkasta fræðirit Evrópsk full-
orðinsfrœðsla nú og í framtíðinni, To-day
and to-morrow in european adult education.
En að það voru ekki evrópsku þjóðirnar
einar sem um fullorðinsfræðsluna hugsuðu
eða gerðu hana að sérstæðu menningar-
framlagi, um það bar ráðstefnan á síðasta
sumri gleggst vitni. — A þeirri ráðstefnu
mættu 400 þátttakendur frá 82 löndum, en
37 alþjóðlegar stofnanir áttu þar áheyrnar-
fulltnía. Yfirskrift hinnar þriðju ráðstefnu
Unesco var: Fullorðinsfræðslan sem þáttur
ævimenntunar, Adult Education in the Con-
text of Life-long Education. ■— Allt bend-
ir til að enn hafi verið brotið blað í mennta-
málum veraldar og við eigum eftir að kynn-
ast árangri ráðstefnunnar í framkvæmdum
og nýmyndunum fræðslumála á þessum ný-
byrjaða áratug 20. aldarinnar.
Foreldrafélag stofnað við
Glerárskóla
Annan dag febrúarmánaðar síðastliðinn
var haldinn stofnfundur að foreldrafélagi
við Glerárskóla á Akureyri.
Aðdragandi þessa fundai var á þann veg,
að hinn 24. nóvember boðuðu skólastjóri
og kennarar skólans til fundar með foreldr-
um nemenda. Voru þar kynntar hugmyndir
að foreldrafélögum eða foreldraráðum. En
hin nýju grunnskólalög gera ráð fyrir stofn-
un slíkra félaga eða ráða.
A þessum kynningarfundi var samþykkt
að vinna að stofnun foreldrafélags við skól-
ann og var kosin nefnd til undirbúnings fé-
lagsstofnunar.
Á stofnfundi voru félaginu sett lög og
fullskipuð stjórn kosin. Félagið heitir For-
eldrafélag Glerárskóla og stjórn þess skipa:
Jökull Guðmundsson, formaður.
Anna Guðrún Jónasdóttir, varaformaður.
Jón H. Jónsson, ritari.
Dagný Sigurgeirsdóttir, gjaldkeri.
Guðjón Jónsson, spjaldskrárritari.
Askell Einarsson og
Birgir Marinósson, meðstjórnendur.
Fulltrúi félagsins á kennarafundum skól-
ans er Áskell Einarsson.
HEIMILI OG SKÖLI - 15