Læknaneminn - 01.09.1969, Qupperneq 44

LÆKNANEMINN
ýmsum þáttum uppbyggingarinn-
ar.
Auk þess sem sænska ríkið ver
allmiklu fé til þróunarlandanna,
verja ýmis áhugamannasamtök í
Svíþjóð allmiklu fé til uppbygg-
ingarstarfsemi í þessum löndum.
Má þar nefna sænska trúboðasam-
bandið og félagsskap, sem kallast
„Rádda barnen“ og starfrækir
mjög vel útbúið barnasjúkrahús í
Jemen og á Arabíuskaga. Hann
vinnur einnig að útrýmingu berkla-
veiki og holdsveiki á stóru svæði
við Viktoríuvatnið í Tanzaníu, legg-
ur mikið af mörkum til útrýming-
ar holdsveiki í Ethiopiu og rekur
umfangsmikla starfsemi á sviði
almennrar heilsugæzlu barna í
Addis Ababa í Ethiopiu.
Ethiopia liggur í norð-austur-
horni Afríku, á milli 4. og 16. gr.
norðlægrar beiddar. Að flatarmáli
er landið um 800 þús. km2. Því er
skipt niður í 12 fylki. Mestur hluti
landsins liggur hærra en 1500 m
yfir sjó, og stærsti hluti þess er
ein samfelld háslétta, sundurskor-
in af djúpum gljúfrum og dölum,
og upp úr hásléttunni gnæfa f jalla-
tindar allt upp í 4.500 m hæð yfir
hafflöt. Vegna hæðarmismunar
hinna ýmsu landshluta er loftslag-
ið mjög breytilegt, hitabeltislofts-
lag á láglendi, víða mjög heitt og
rakt, en temprað loftslag og mjög
þægilegt og heilnæmt uppi á há-
sléttunni. Úrkoman er breytileg
eftir hæð yfir hafflöt — meiri eft-
ir því sem neðar dregur. Skiptast á
þurrkatímabil og rigningatímabil.
er stendur yfir í 4 mán., frá júní
til september. Ársúrkoman i
Addis Ababa er rnn 1000 mm.
Rignir venjulega í kröftugum
skúrum, en bjart er á milli. Land-
ið er mjög strjálbýlt eða aðeins
um 17 íbúar á km2. Úr jörðu er
numin platina, salt og gull. Álitið
er, að margir aðrir málmar leynist
í jörðu, en það er lítið sem ekkert
kannað ennþá. Yfir gullnáminu,
sem er í eigu keisarans og ríkisins,
ríkir mikil leynd. Nægilegt vatn
finnst í landinu, en lítið er um
vatnsveitur og áveitur. Mikið er
um fallvötn, en vatnsorkan er að-
eins að mjög litlu leyti nýtt ennþá.
Mestir eru fossarnir í Bláu Níl, er
kemur úr Tanavatninu og samein-
ast Hvítu Níl við Kartum í Súdan
og myndar % hluta vatnsmagns
Hvítu Nílar. Þannig berst úr há-
fjöllum Ethiopiu hin frjósama
mold Nílarósa. Aðeins 4% af yfir-
borði landsins er þakið þéttum
skógi og um 25% savannagróðri.
Skóginum hefir verið eytt um
aldaraðir vegna ofbeitar og öflun-
ar eldiviðar. Álitið er, að 50%
landsins sé ræktanlegt.
Láta mun nærri, að um 22 millj.
manna byggi Ethiopiu, og þar af
eru um 40% yngri en 15 ára. Þjóð-