Læknaneminn - 01.10.1987, Blaðsíða 75
safns Lsp. Hingað til hafa læknanem-
ar haft takmarkaðan aðgang að lækn-
isfræðibókasöfnum. Með fyrirhugaðir
endurskipulagningu á kennsluhátt-
um í læknadeild má gera ráð fyrir að
fyrirlestrum fækki mikið, enda er það
kennslufyrirkomulag úrelt orðið.
Verður lögð aukin áhersla á sjálfstætt
nám stúdenta. Bókasöfn verða því æ
mikilvægari námsgagnabankar en
verið hefur hingað til. Audio-visual
kennslugögn verða ómissandi sér-
staklega m.t.t. hinnar nýju kennslu-
aðferðar sem er víða að ryðja sér til
rúms í læknaskólum erlendis, svokall-
að „problem approach" - eða
„problem orientated learning“. Þetta
mun leiða til aukinnar aðsóknar stúd-
enta á læknisfræðibókasöfn, sem
nauðsynlegur þáttur í námi þeirra.
Oflun þekkingar með iestri tíma-
ritsgreina um nýjustu framfarir í
læknavísindum er orðinn mikilvægur
hluti afnámi í læknisfræði. Aðstaða til
ljósritunar slíkra greina er því alger
nauðsyn.
Þetta nýja bókasafn er stórt spor í
framfaraátt, en fullnægir að svo
komnu máli ekki þörf læknanema fyr-
ir lesaðstöðu og kemur ekki í stað
Tjarnargötu 39.
Aukning á viðunandi lesaðstöðu í
tengslum við bókasafn Lsp. til handa
læknanemum gæti hugsaniega komið
í stað Tjarnargötu 39. Þar sem hús-
næðið að Tjarnargötu 39 er lélegt og
við skiljum erfiðar aðstæður til við-
halds á því, munum við ekki setjaokk-
ur á móti sölu þess ef tryggt verður að
andvirði sölunnar renni til fram-
kvæmda á viðunandi aðstöðu í stað-
inn.
Má benda á að í upphaflegum
teikningum af bókasafni Lsp. er gert
ráð fyrir mun fleiri lesborðum en nú er
fyrirhugað auk fundar og kafíiaðstöðu
í tengslum við bókasafnið.
Staða læknanema gagnvart bóka-
safni Landspítalans í dag er sú að yfir-
bókavörður og starfslið þar er okkur
ákaflega vinveitt og vill allt fyrir okk-
ur gera. Unnið er að því að lengja
opnunartíma safnsins en utan þess
getum við sótt lykla til vaktmanna.
Hugmyndir eru uppi um vistlegri inn-
réttingu lesstofunnar og með hillum
til geymslu persónulegra bóka, en
íjárveitingu skortir.
Háskólasj úkrahúsið
Landspítalinn -
University Hospital -
draumur eða veruleiki?
A síðustu dögum í deildarráði bár-
ust þau óvæntu tíðindi að bæði heil-
brigðis- og mennatmálaráðuneytið
væru búin að staðfesta formlega, að
Landspítalinn væri kennslusjúkrahús
Háskóla íslands. Væri það kjörið
verkefni næstu stjórnar að beita sér
fyrir útgáfu bæklings til að bera út
þessar fregnir, sérstaklega á Land-
spítalanum. Með honum mætti út-
skýra tilgang og mikilvægi kennslu-
stofnana almennt fyrir þeim sem ekki
vita.
Stúdentaskipti við
Bretland
F.L. stóð fyrir þeirri nýjung að
stofna til stúdentaskipta við Bretland
utan IFMSA, þar sem Bretar eru ekki
aðilar að þessum alþjóðlegu samtök-
um læknanema. Fóru fimm stúdentar
í sumar, tveir af fjórða ári og þrír af
fimmta ári, í skiptum fyrir stúdenta
frá Sheffield og Southhampton. Þótti
þetta takast vel og töldu íslensku
stúdentarnir sig hafa lært mikið af
þessu. Bresku stúdentarnir voru einn-
ig mjög ánægðir með dvöl sína hér á
landi.
Þar sem þessi skipting grundvallast
aðallega á umfangsmiklum bréfa-
skiptum legg ég til að skipuð verði
sérstök nefnd í tengslum við stúdenta-
skiptastjóra til að annast þessi skipti
því von er á framhaldi næsta sumar.
Möguleikar eru á skiptum við Uni-
versity of Edinburg og Leicester auk
Sheffield og Southhampton.
Stjórnarsamstarfið
12. grein laga Félags læknanema
segir orðrétt: Formaðurfélagsstjórnar
skal vera úr síðari helmingi námsins
og er helsti formælandi félagsins út á
við. Hann boðar stjórnarfundi og
stýrir þeim. Einnig setur hann félags-
fundi og skipar fundarstjóra og fund-
arritara þeirra.
Er þetta talsverð einfoldun á starfi
og skyldum formanns gagnvart fé-
laginu og Iangar mig hér að reyna að
útskýra starf formanns og stjórnar
svolítið nánar. Hlutverk stjórnar er að
leggja línurnar í allri starfsemi félags-
ins. Formenn hinna ýmsu nefnda og
ráða eru ábyrgir gagnvart stjórn, en
starfa þó sjálfstætt. Hlutverk for-
manns er eins og að ofan greinir að
boða stjórnarfundi, stýra þeim, hafa
yfirsýn og samræma alla félagsstarf-
semina eftir fongum.
Til þess að þetta takist verður að
vera gott og náið samband milli for-
manns, stjórnar og formanna hinna
ýmsu nefnda og ráða, þannig að sam-
ræmi náist í hinni fjölbreyttu dagskrá.
Nefndir sem vinna hver í sínu horni
án samræmingar ieiða af sér óskapn-
að. Auk þess að sitja í stjórn hafa sum-
ir stjórnarmenn sín sérsvið sem þeir
fást við en eru eins og aðrir ábyrgir
gagnvart stjórn og skýra frá starfsemi
sinni á stjórnarfundum.
Það er því kostur að sem flestir
mæti á stjórnarfundum til þess að
upplýsa aðra og samræma aðgerðir.
Hugmyndin um formannafundi mán-
aðarlega er góð en í reynd líður of
langur tími á milli þeirra til að gang
verði af þeim, þar sem vikulega koma
upp mál sem þarfað samræma. Helst
þyrftu formenn að mæta vikulega og
jafnvel á stjórnarfundina sjálfa. Gall-
inn er hins vegar sá að fundartími
myndi lengjast þar sem talsverður
LÆKNANEMINN ?Í987-40. árg.
73