Læknaneminn - 01.04.1991, Blaðsíða 60

Ferðin til Egyptalands
Bjarni Össurarson og Steinar Guðmundsson
læknanemar
Það var 1. ágúst 1990 sem við flugum til
Egyptalands, daginn fyrir innrás Iraka í Kuwait. 1
Egyptalandi dvöldum við í mánuð. Hluta ferðarinnar
sem stúdentar inni á spítala, en lengst af vorum við
venjulegir túrhestar á ferð og flugi í bókstaflegri
merkingu, að kynna okkur land og þjóð. Hér á eftir fer
ferðasagan í stórum dráttum ásamt ýmsum
fróðleiksmolum um Egyptaland.
Á arabísku er Egyptaland nefnt Masr.
Egyptaland er á norð-austur hluta Afríku og tengist
Asíu í gegnum Sinaí skagann. Landið á landamæri að
Libýu í vestri, Súdan í suðri, Saudi-Arabíu í suð-
austri, ísrael í austri og Miðjarðarhafi í norðri.
Einungis um 4% af landinu er byggilegt og
ræktanlegt landsvæði en stærsti hluti þess er
eyðimörk. Nílarfljót sker landið tvennt frá suðri til
norður eða frá landamærum Súdan til Cairo en þar
klofnar áin í tvær ár sem renna í Miðjarðarhafið.
Svæðið fyrir norðan Cairo er nefnt Neðra Egyptaland
en landið sunnan við Cairo að Súdan, Efra
Egyptaland.
Egyptareru rúmlega 51 milljón manns þar sem
95% þeirra búa á bökkum Nílar. Þéttbýli er þar mikið
og jafnvel talið vera með því mesta sem gerist í
heiminum, sem endurspeglar mikilvægi Nílar fyrir
landið. I höfuðborginni, Cairo einni búa um 14
milljónir en næst stærsta borg Egyptalands er
Alexandría en þar búa um 4 milljónir. Þessar borgir
blésu út í sex daga stríðinu 1967 þegar flóttamenn frá
svæðinu í kringum Súezskurðinn streymdu frá
stríðssvæðunum.
Um 85%Egyptaerumúhameðstrúaren um 14%
kristnir. Arabíska er ríkismál en flestir menntaðir
Egyptar tala a.m.k. eitt eða tvö önnur tungumál,
yfirleitt ensku eða frönsku.
Eftir ánægjulegt 6 tíma flug með Scandinavian
Airline System (SAS) frá Kaupmannahöfn lentum við
í Cairo heitt ágústkvöld. Við stigum út úr flugvélinni
bjartsýnir og fullir eftirvæntingar. Enginn tók þó á
móti okkur frá epypsku skiptinemasamtökunum en í
staðinn “handtók” okkur brosmildur egypskur
leigubílsstjóri sem ísífellu endurtók: “No probleml”.
Sá fyrsti en ekki sá síðasti sem reyndi að greiða úr
málunum með þessari mótsögn! Við höfðum verið
varaðir við ágengi innfæddra við túrhesta en þrátt fyrir
ítrekaðar tilraunir til að losna, kurteisis- sem
dónalegar, fór karl hvergi. Að lokum, eftir mikið japl,
jaml og fuður gáfumst við upp og leyfðum honum að
aka okkur á næsta hótel þar sem hægt væri að hringja
til Ismailia þar sem illa gekk að hringja frá
flugvellinum. En Ismailia er borg við Suez skurðinn
þar sem fulltrúi skiptinemasamtakanna átti heima og
þar sem spítalinn “okkar” er. Fyrir utan
flugvallarbygginguna beið fákurinn sem reyndist vera
innlend framleiðsla, eftirlíking af Moskóvits árgerð
"60. Vinur okkar ók okkur rakleiðis á næsta hótel sem
reyndist vera Hótel Beirút og varð okkur nú ekki um
sel. Heldur var farið að dýpka á bjartsýninni og brúnin
að síga. Borguðum við nú karli 20 pund (1 EP = 20
ÍKR) og afþökkuðum frekari “þjónustu”. Okkur til
mikillar furðu og gleði fór hann án frekari
málalenginga. “No problem". Við hringdum til
Ismailia og “fræddi” viðmælandi okkar þar sem ekki
reyndist mikill ensku snillingur, á því hvert við ættum
að fara. Þegar við vorum rétt búnir að snúa okkur við
til brottfarar, dúkkar ekki “hjálparhellan okkar” aftur
58
LÆKNANEMINN 1 1991 44. árg.