Læknaneminn - 01.04.1991, Síða 67

Vísindaferð til Húsavíkur
Siggi, Tommi og Steinar
Eftir því sem árin líða og lengra líður frá því við
hófum nám í læknadeild sjáum við betur og betur hve
mikilvægt er að hafa sem víðastan sjóndeildarhring í
því starfi sem bíður handan við hæðina. Með þetta að
leiðarljósi var á sjötta áratugnum fundið upp á því að
fara í ferðir um landsbyggðina til efla samhug
nemenda og auðvelda þeim að sjá nám sitt og sjálfa sig
í víðara heildrænu samhengi. I upphafi fannst
mörgum sem þessi markmið ferðanna væru
hálfhjákátleg og full hátíðleg og höfðu gárungarnir
því á orði að þetta væru sannkallaðar vísindaferðir.
Hefur sú nafngift loðað við ferðirnar æ síðan. En að
öllu gamni slepptu verður að segjast að
“vísindaferðirnar” svokölluðu hafi skilað ríkulegri
uppskeru í gegnum árin sem aftur hefur komið fram í
bættu sambandi læknis og sjúklings í hvívetna.
Með tímanum hefur myndast fast fyrirkomulag
á skipulag ferðanna sem miðast að því að gera ferðina
þægilegri og ánægjulegri fyrir hina verðandi lækna
(sjá mynd I).
Innan vébanda Félags læknanema starfar hópur
læknanema að því að skipuleggja hinar ýmsar
uppákomur innan læknadeildar. í þessum hópi eru
fulltrúar allra áranna sex sem valdir eru á Aðalfundi
Félags læknanema haust hvert. Vegna þess hve vel
þetta fyrirkomulag endurspeglar þrá hins almenna
læknanema eftir lýðræðislegu þjóðskipulagi úti um
heimsbyggðina alla þar sem hver einstaklingur, sama
hversu smár hann er, hefur tækifæri til að koma
hugmyndum sínum á framfæri, hefur þessi hópur
verið nefndur Fulltrúaráð. A aðalfundinum eru einnig
valdir fulltrúar í önnur ráð og nefndir en það er önnur
saga. Undir starfsvið Fulltrúaráðs fellur einnig
skipulagning vfsindaferðanna okkar. Bak við
skipulagningu vísindaferða liggur, eins og gefur að
skilja, gífurlega mikil vinna sem hinir þrautseigu
fulltrúar í fulltrúaráði hafa skilað með mikilli prýði á
undanfömum árum sem og áratugum. Til að gefa
hinum almenna læknanema hugmynd um það sem
gerist bak tjöldin hjá þessu góða fólki birtum við
eftirfarandi skipurit sem unnið er af nokkrum
áhugasömum háskólanemum á þriðja ári í
félagsfræði. Einnig má hugsa sér framkvæmd
skipulagningar og stefnumörkunar með öðrum hætti.
Sérstaklega mætti ígrunda deiliskipulag fyrr og þá
með víðara og öðru sjónarhorni.
Síðastliðið haust var fariö til Húsavíkur í ferð
vísinda. Fjölmenntum við allir og var það fín ferð.
LÆKNANEMINN 1 1991 44. árg.
65