Læknaneminn - 01.04.1998, Síða 5

Kæru lesendur!
Að þessu sinni er Læknaneminn nokkuð frábrugðinn því sem áður hefur verið. I upphafi rit-
nefndarstarfsins var mörkuð stefna um það að blaðið þyrfti að færa nær læknanemunum sjálf-
um, bæði sem höfundum og lesendum. Vona ég að það hafi tekist. Læknanemar virðast þó
nokkuð feimnir við skrif og því þyrfti að breyta. Myndir skipa nú töluverðan sess í blaðinu. Á
síðustu árshátíð læknadeildarinnar voru allir árgangarnir festir á mynd með það í huga að birta í
Læknanemanum. Þar eru nemendurnir nafngreindir og held ég að það muni gera það að
verkum að menn grípi í blaðið oftar en ella og jafnvel þegar fram í sækir.
Einnig eru myndir af greinarhöfundum og er ég fullviss um að mönnum finnist af því gagn og
örugglega gaman. Ljósmyndari blaðsins er háskólanemi og stundar ljósmyndun í frítíma sínum
með góðum árangri eins og myndirnar bera með sér. Myndskreytingarnar eru unnar af mynd-
listarmanni og hafði hann til þess frjálsar hendur, las greinarnar og Iét hugmyndaflug sitt ráða.
Að lokum fáein orð um kennslumál. Ég get ekki hætt að undrast hve svifasein læknadeildin er í
nauðsynlegum breytingum í kennslu, sérstaklega í ljósi þess að læknisfræðin er fag sem er í
stöðugri endurskoðun og háð breytingum í hugsanagangi og verki, jafnvel róttækum breyting-
um. Þau eru ófá fögin sem við höfum stundað þar sem óánægju hefur gætt og hugmyndir um
gagnlegar og oft einfaldar breytingar komið fram. Stundum hafa kröfur um breytingar jafnvel
verið það háværar að þær hafa náð til eyrna forsvarsmanna greinanna, munnlega eða í sumum
tilvikum bréflega. Árangur þess hefur mér virst vera lítill. Það er kominn tími til að læknanám-
ið á íslandi verði tekið til gagngerrar endurskoðunar og rétt og nauðsynlegt að byrja á staðlaðri
úttekt af erlendum aðila sem sérhæfir sig í slíku.
Ég vona að menn hafi gleði og gagn af blaðinum enda þótt það sé seinna á ferðinni en
stefnt var að.
Hulda M. Einarsdóttir,
ritstjóri