Læknaneminn - 01.04.1998, Page 57

Lífeðlisfræði rannsóknir á meltingarvegi.
Mynd 7. Sextíu mínútna hluti af 24 tíma sýru-
stigsmælingu í sjúklingi með brjóstverki sem
tengist sýrubaltflæði. Sjúklingur hefur merkt
inn á hvenær hann fékk brjóstverk.
SEINKUÐ MAGATÆMING
(GASTROPARESIS)
Algengasta ástæða til þess að rannsaka lífeðlisfræði
maga er grunur um seinkaða magatæmingu eða
gastroparesis. Seinkuð magatæming lýsir hreyfisjúk-
dómi í maga sem leiðir til seinkaðrar magatæmingar.
Tafla VI sýnir helstu ástæður fyrir seinkaðri magatæm-
ingu.
Helstu einkenni seinkaðrar magatæmingar er að við-
komandi verður fljótt saddur, finnur fyrir sviðaverk
ofan nafla, uppþembu, ógleði og oft uppköstum sér-
staklega eftir máltíðir. Langtímavandi leiðir síðan yfir-
leitt til þyngdartaps. Helstu rannsóknaraðferðir á maga-
tæmingu eru ísótóparannsóknir, ómskoðun, öndunarpróf,
electrogastrography og antroduodenal þrýstingsmæling
og verður gerð í stuttu máli grein fyrir hverri aðferð.
Röntgenrannsóknir með skuggaefnum eru mjög
hentugar til þess að greina vefrænar ástæður fyrir seink-
aðri magatæmingu eins og t.d. æxli eða sári sem hefur
valdið mikilli bólgu og leiðir þannig til seinkaðrar
magatæmingar. Hefðbundnar röntgenrannsóknir eru
hinsvegar ekki góðar til þess að meta starfræna eigin-
leika magans og þær geta heldur ekki metið nákvæm-
lega tæmingartíma.
maga þar sem verður slökun í magaveggnum.
Síðan sígur fæðan niður í corpus hluta maga og
byrja þá rythmiskar vöðvahreyfingar sem færa
fæðuna í áttina að pylorus sem er þá lokaður.
Innihaldið hreyfist þannig fram og til baka og
brotnar smám saman niður í litlar agnir. Þegar
fæðuagnirnar eru orðnar minni en 1 mm. er
þeim ýtt yfir í skeifugörn.
LÆKNANEMINN • 1. tbl. 1998, 51. árg.
55