Læknaneminn - 01.04.1998, Side 79

Eiríkur Benjamínsson
læknar sem rukka sjúklinga beint fyrir vinnu sína séu
einir ábyrgir fyrir þvi ef óhöpp eða mistök verða, sem
leitt gætu til bótaskyldu. Þarna er læknirinn ábyrgur
fyrir allri aðstöðu, tækjum og gæðum þjónustunnar.
Þetta gildir jafnt þótt aðstaða sé leigð hjá opinberum
aðilum. Allir sem stunda slíkar lækningar ættu því að
kaupa háa ábyrgðartryggingu, sem gildir áfram þótt
starfi sé hætt, því möguleiki er á málsókn svo lengi, sem
einhver sjúklinganna er enn á lífi. Þeir sem ekki hafa
slíka tryggingu ættu að forðast lækningar í “óvernduðu
umhverfi”. Ef læknir eða læknanemi veitir hjálp í við-
lögum er rétt að taka alls ekki greiðslu fyrir, segjast vera
læknir eða læknanemi og helst láta viðkomandi biðja
um aðstoð. Þetta er afar áríðandi erlendis þar sem við-
komandi hefur ekki lækningaleyfi.
Hér hefur verið farið yfir noltkur helstu atriði þess
sem læknar og læknanemar þurfa að hafa í huga við val
á tryggingum. “ Það tryggir enginn eftirá
Séreignasjóðir eða sameignarsjóðir hafa mikið verið
í pólitískri umræðu nýlega og verða áfram í vetur. Of
langt yrði að rekja hér kosti og galla þessara ólíku sjóða.
Þó vil ég taka fram að sameignarsjóður líkt og lífeyris-
sjóður lækna veitir mikla örorkutryggingu og makalíf-
eyri auk þess að greiða lífeyri til æviloka, hvenær sem
þau svo verða.

APÓTEK
SÍMI 511 5070
HRINGBRAUT 119
LÆKNANEMINN • 1. tbl. 1998, 51. árg.
77