Goðasteinn - 01.03.1965, Page 60

Óskar ]ónsson:
llillllillg
Jón Hallilórsson
fyrrv. kaipitÉir
Jón Halldórsson, bóndi og fyrrv. kaupmaður í Suður-Vík í
Mýrdal er látinn. Með honum er horfið af sjónarsviðinu síðasta
barn þeirra hjóna Halldórs Jónssonar og Matthildar Ólafsdóttur,
er frægastan gerðu garðinn í Suður-Vík. í hugum þeirra, sern
aldnir eru í Vestur-Skaftafellssýslu og víðar um land, ríkir enn
mynd rismestu og göfugustu höfðingshjóna, er uppi voru á þeim
tíma þar í sveit og þó víðar væri leitað. Með þeim reis mikill
og fagur meiður, sem líkur bentu til að lengi fengi staðizt. Byggt
var upp blómlegt heimili, er sterkar stoðir stóðu undir og gjöful
náttúrugæði. Valið lið dugmikiis fólks valdist á heimili hinna
stjórnsömu húsbænda. Efnileg börn þeirra hjóna prýddu heimil-
ið og styrktu vaxtarmöguleika þess. 1 árdagssól rísandi menning-
ar og manndóms vaknandi þjóðar hófst hér sterkur stofn af
m.iklum efnum og mannkostum, sem flestir hugðu óhaggandi vígi
þróttmikillar ættar og fjölmenns heimilis. - En hinn mikli ör-
lagavaldur, er skiptir, hjó þó hár til rótar. Laufmikill meiður tók
að fella blóm cg blöð. Hið mannmarga og glæsilega Suður-
Víkurheimili tók að blása upp af ýmsum atvikum, eigi sízt af
veðrum þess tíma, er þrifið hefur ómjúkri hendi kjarna þess
58
Goðasteinn