Goðasteinn - 01.06.1977, Page 55

Fceréyingar dansa i Marymoor Park.
Ljósm. Kristinn Gíslason.
Starfsdagarnir fimm liðu allir með líkum hætti. Sumarkvöldin í
Harbin Hall eru unaðsleg í endurminningunni. Stafalogn, hlýr,
stjörnubjartur himinn, eldflugur skjóta leiftrum á svifi um gras-
flatir, runna og tré, fiðlumúsik hljómar utan og innan veggja. Nor-
rænu fiðlararnir eru að æfa sig og saman við tóna þeirra blandast
tónar lykilhörpunnar sænsku. Gamall svertingi frá suðurríkjunum
sat oft utan við húsið og starði blindum augum út í tómið. Annað
veifið greip hann gítarinn sinn og lét tónana sefa sorgir dagsins.
Eitt sinn hafði hann farið sem fulltrúi þjóðar sinnar til þjóða Suður-
Ameríku til að sameina fólkið í list listanna, tónlistinni. Mál hennar
skilja allar þjóðir.
Allt skipulag hátíðarinnar var með ágætum. Hópur háskólastúd-
enta vann að því að halda öllu í röð og reglu á hátíðasvæðinu og
hafði sér til hagræðis rafknúna vagna. Þáttur í kynningu gamla
tímans var að sjá þarna söluvagn, sem vel búinn aktygjahestur dró
um völlinn. Gaman var að sjá þarna ljóslifandi, fjaðraskreyttan
Goðasteinn
53