Goðasteinn - 01.06.1977, Qupperneq 115

Kirkja á Álandseyjum.
1 Norðurlandaófriðnum mikla á fyrstu áratugum 18. aldar urðu
Álendingar mjög hart úti, svo sem Svíar yfirleitt, enda batt Pétur
mikli keisari þá enda á sigurgöngu Karls 12. og lagði sænska stór-
veldið í rúst. Árið 1714 hertóku Rússar Álandseyjar og hófu þaðan
gríðarlegar árásir á austurströnd Svíþjóðar. Álendingar flýðu undan
innrásarliðinu og héldu flestir til sænska meginlandsins og dvöld-
ust þar til friðarsamningum var lokið 1722. Héidu þeir þá heim
og tóku að reisa land sitt úr rúst eftir hervirki Rússa. En raunum
þeirra af völdum hernaðar var ekki þar með lokið, því að í ófriðn-
um 1808-09 hertóku Rússar eyjarnar ásamt Finnlandi og urðu Svíar
að sætta sig við það til frambúðar. Rússar hreiðruðu um sig á
Álandseyjum og hófu snemma að reisa þar mikil hernaðarmannvirki
og flotastöð í Bomarsundi. Hugsuðu þeir sér að gera eyjarnar að
ósigrandi útverði rússneska keisaradæmisins, eins konar Gibraltar
Goðasteinn
113