Ársrit Torfhildar - 01.04.1987, Síða 75

Elín Garöarsdóttir:
Uppáhalds bækurnar mínar tíu.
Það sem hér fer á eftir er stuttur bókaþáttur sem ég nefni
uUppáhalds bækurnar mínar tíu" en gæti allt eins heitið „Þær
hef ég oftast lesið" eða „Þær tæki ég með mér á eyðiey".
Lesnar bækur eru í sífelldu endurmati hjá okkur og afstaða
til þeirra gömlu breytist þegar nýjar eru lesnar. Þetta koma þau
inn á sem hér nefna tíu bækur þótt á misjafnan hátt sé. Þau
höfðu nokkuð frjálsar hendur með nánari skilgreiningu á
viðfangsefninu eins og kemur fram í formála þeirra.
Upphaflega ætlaði ég aðeins að fá þau þrjú til að skrifa en svo
þegar ég ákvað að skrifa líka samkonar lista vandaðist málið. Ég
komst ekki hjá því að nefna bækur sem eitthvert hinna hafði
einnig valið. Sérstaklega varð val okkar Silju Aðalsteinsdóttur
líkt. Rétt er að geta þess að umsögn Silju birtist upphaflega í
2. hefti Veru nú í apríl sl. og birtist hér með góðfúslegu leyfi
Silju.
Silju þarf varla að kynna fyrir lesendum. Hún lauk cand.
mag.-prófi frá Háskóla íslands árið 1974, og starfar nú sem
útgáfustjóri barna- og unglingabóka hjá Máli og menningu og
ritstjóri Tímarits Máls og menningar ásamt því að vera í stjórn
Félags áhugamanna um bókmenntir. Fleira mætti tína til en þetta
verður að duga í bili.
Ástráður Eysteinsson er þýðandi og einnig stundakennari í
Almennri bókmenntafræði við Háskóla íslands en þaðan lauk hann
BA-prófi í þýsku og ensku árið 1979. Hann hefur stundað
framhaldsnám á Englandi, í Þýskalandi og nú síðast í Banda-
ríkjunum. Hann mun verja doktorsritgerð sína við Iowa-háskóla
nú í sumar.
Kristján Kristjánsson er stúdent frá Menntaskólanum á Akureyri
1982 og lauk BA-prófi í Almennri bókmenntafræði frá Háskóla
íslands 1986. Hann starfar núnasem blaðamaður á Helgarpóstinum.
Elín Garðarsdóttir (undirrituö) er nemandi á 3. ári í Almennri
bókmenntafræði. Hún er stúdent frá Menntakólanum við sund
1982.
73