Ársrit Torfhildar - 01.04.1987, Page 85

Ólafur Haraldsson:
Herm þú eftir mér.
Það er ekkert að. Það er allt í lagi. Himnalagi. Helvíti.
Hárburstanum hent í spegilinn. Milljón rnolar á flísalögðu
baðherbergisgólfinu. Umþaðbil þriðjungur þeirra sneri réttri hlið
I loftið og í hverjum ofurlítil mynd af henni. Þrjúhundruð og
þrjátíuþúsund andlit alveg eins. Sexhundruðog sextíuþúsund speglar
í speglinum sem áður var einn en nú þríeinn sinnum hundrað og
tíuþúsund. Tvöhundruð og tuttuguþúsund ef við reiknum með
speglunum tveimur í speglunum sem er sjálfsagt að gera til að
fá út hærri tölu. Þessir tveir speglar i speglinum eru vitanlega
augun: tvö augu. Rétt? Rétt.
Hún braut spegilinn örugglega af ásettu ráði. í æðiskasti, jú,
en það var vandlega undirbúið. Aðallega af henni auðvitað. En
ekki er laust við að spegillinn sjálfur eigi þar einhvern hlut að
máli. Eða sá eða sú sem hengir hann uppá veggi hist og her um
heimsbyggðina. Um það seinna. En varið yður ísrael, hér er átt
við venjulegan spegil. Svona rammalausan einsog er á fjórða
hverjum baðherbergisvegg húsa. Annars á það vitanlega hver við
sjálfan sig hverslags spegil hann kýs að hafa og þá á eigin ábyrgð.
Við segjurn hinsvegar öll að þessi sé ekta og sannur.
En hvers vegna brjóta hann? Á hún við einhverskonar vandamál
að stríða? Eða kemur vandamálið eftilvill ekki í ljós fyrr en glerið
brotnar í alla þessa rnola og hún sér hvers kyns er? Að spegillinn
er ekki einn heldur margur. Og er þó ekki margur heldur einn.
Til þess að nálgast vandamálið, aðdraganda, orsök og afleiðingu
skulum við athuga umhverfið og þá baðherbergið fyrst. En án þess
þó að missa nokkurntíma sjónar á viðfanginu: henni.
Þetta baðherbergi er nú ekki nema í meðallagi skipulegt. En
skipulegt engu að síður því meðallagið hlýtur að teljast þónokkuð
hátt ef við miðurn við aðra hnetti sólkerfisins. Þess vegna skulum
við byrja skipulega við vegginn gegnt dyrunum og fikra okkur
síðan að þeim og út.
Herbergið er alveg eins og það á að vera. Ekki of stórt til að
vera þröngt og ekki of lítið til að vera rúmgott. Ef tekinn er
tommustokkur og flatarmál mælt við loftið fást fimm komma tveir
83