Ársrit Torfhildar - 01.04.1991, Qupperneq 6

Úlfhildur Dagsdóttir
Ársrit Torfhildar
MEDÚSA
fæðingin
Súrrealistahópurinii Medúsa var formlega stofnaður þann 30.
nóvember 1979. Fæðingarhríðir urðu nokkrar, og fyrsta barnið varð
Sjón-bókin Birgitta, og markar útkoma hennar stofnun Medúsu; þar
var Medúsunafnið fyrst notað. Nafnið var valið með hliðsjón af því
að þegar Medúsa dó fæddist Pegasus, sá skáldlegi hestur.
Nokkrar mannabreytingar urðu í hópnum á ferli hans, en
kjaminn var alltaf sá sami: Einar Melax, Jóhamar, Matthías Sigurður
Magnússon, Ólafur Jóhann Engilbertsson, Sjón (Sigurjón B.
Sigurðsson) og Þór Eldon.
Ekki var súrrealisminn einráður innan Medúsu, heldur voru þar
stundaðar hinar fjörlegustu tilraunir, fyrst í stað leikir, (sbr. leikir
súrrealista), sem svo þróuðust út í alvöru, og meðlimir iðkuðu
alvarlegan og uppbyggilegan lestur hinna ýmsu avant-garde stefna.
Þannig var lagður hugmyndafræðilegur grunnur. Sem dæmi um
slöngur í hári Medúsu má nefna dada (sem Olafur hélt sig að),
fútúrisma, expressionisma (Matthías fyrst og fremst) og reyndar
nokkum veginn allt annað en T.S. Eliot og Ezra Pound!!, sem þóttu
ákaflega hallærislegir. Þannig að þó medúsufélagar hafi kennt sig við
Súrrealisma voru þeir ekki reglufrík, þeir einfaldlega tóku það sem
þeim hentaði þaðan og löguðu það að sér og sínum kröfum.
UPPELDI og þroski
Sumarið 1980 koma fyrstu alvöru medúsubækurnar: Efnahagslíf
í stórborgum e. Ólaf Jóhann Engilbertsson og Lystigarðurinn e.
Matthías Sigurð Magnússon, sem seinna skrifaði bókina Hvernig á a ð
elska hendur með Sigurjóni (það er hann skrifaði bókina með
Sigurjóni). Mesta virkni hópsins var líka það haust og veturinn á eftir,
þá stóðu þeir félagar fyrir gjörningum, kvikmyndasýningum,
upplestrum - þar sem lesið var í kapp og ofan í hvern annan, keyrt
inn í upplestrarsali á bíl og drukkið blóð, skáldin komu fram
hálfnakin með lærisneiðar á höfði, og tefldu sömu megin við
taflborðið, spreyjuðu ilmvatni alltumkring og trommuðu á bækur,
4