Bændablaðið - 13.06.2024, Page 43

43SkoðunBændablaðið | Fimmtudagur 13. júní 2024
Nú í byrjun júnímánaðar fengu
landsmenn yfir sig sannkallað
vetrarveður sem varði í marga
daga. Á sama tíma var sauðburði
að ljúka hjá flestum sauðfjár-
bændum og merar í óðaönn að
kasta folöldum.
Tímasetningin
var því afar
óheppileg fyrir
slíkt veður svo
ekki sé meira
sagt. Bændur eru
harðgerðir eftir
átök við óblíð
náttúruöfl og
vanir að bjarga sér
sjálfir. Þeir eru flestir lítið fyrir það
að biðja um aðstoð, en bæta frekar
við sig verkum. Þannig hafa þeir lagt
í mikla vinnu við að bjarga búfénaði
í hús eða önnur skjól og hugsa um
hann meðan óveðrið stóð yfir. Vegna
mismunandi aðstæðna og veðurs er
líklegt að sums staðar hafi verið
erfiðara við þetta að eiga en annars
staðar. Þá er líklegt að eitthvað af
fé hafi króknað í veðurofsa, kulda
og blautum krapasnjó þrátt fyrir
baráttu bænda þeim til bjargar og að
eftirköst vegna undanvilltra lamba,
júgurbólgu og annarra krankleika
verði nokkur.
Það var ánægjulegt fyrir bændur
að verða vitni að því að lögregla,
Almannavarnir, Bændasamtökin,
stjórnvöld og fleiri skyldu láta
sig málið varða og nú þegar hefur
undirritaður fengið símtal frá
átakshópi sem myndaður var þar
sem spurt var út í stöðuna á okkar
bæ og boðin aðstoð ef á þyrfti að
halda. Það ber að þakka og passar vel
við það sem bændum var sagt eftir
óveðrið og fjárfellinn sem fylgdi í
september 2012. Þá var gefið út að
bændur skyldu vera óhræddir við
að hringja í Neyðarlínuna 112 ef
hætta væri á ferðum og þeir réðu
ekki við aðstæður einir. Þá yrði allt
gert til að senda aðstoð. Þá mun
átakshópnum ætlað að vinna áfram
að samantekt upplýsinga um tjón
bænda af óveðrinu ásamt þeim miklu
kalskemmdum í túnum sem hafa
komið upp á ákveðnum svæðum.
Þá væri frábært og upplífgandi fyrir
sauðfjárbændur ef ráðherra tæki sig
til og færi að tillögum umboðsmanns
Alþingis og gerði upp misræmi í
greiðslum fyrir ull sem upp kom
fyrir nokkrum árum vegna breytinga
uppgjörstímabils ullar. Því miður
stefnir í dag í að Bændasamtökin,
fyrir hönd sauðfjárbænda, þurfi
að fara í mál við ríkið til að knýja
fram leiðréttingu sem þó er nú
þegar viðurkennd af hálfu ríkisins
með réttarsátt við nokkra bændur
á síðasta ári.
Nú þegar óveðrinu er loks lokið
líta sauðfjárbændur bjartari augum
til framtíðar. Innan tíðar fer fé til
fjalla, fræ í flög og áburður á tún.
Lífið kemst í fastar skorður á ný
og gott er að hafa jákvæðni að
leiðarljósi í framhaldinu. Styðjum
hvert annað og hvetjum til dáða.
Tökum höndum saman og
berjumst fyrir tilverurétti íslensks
landbúnaðar og bændastéttar, bæði
gagnvart óblíðu veðurfari og ekki
síður stjórnvöldum.
Enginn bóndi. Enginn matur.
Ekkert líf.
Höfundur er sauðfjárbóndi
og ýmislegt fleira.
ÖFLUG VÖKVADRIFIN VERKFÆRI FRÁ HYCON
DÖNSK GÆÐASMÍÐI OG ÁRATUGA REYNSLA
Tangarhöfða 1, 110 Reykjavík / 551 5464 / wendel.is
Brothamrar Kjarnaborvélar Steypusagir Vatnsdælur GlussadælurNiðurrekstarhamrar
Kynning verður á Fusion Vario Plus!
Léttar
veitingar
í boði!
Viðburður
hefst kl. 16 og
lýkur kl. 19
SLÁTTUHÁTÍÐ - 14. JÚNÍ!
Gunnbjarnarholti
Shane McKenna frá McHale verður á staðnum!
McHale tækin verða í aðalhlutverki en til sýnis verða einnig tæki frá öðrum
framleiðendum, má þar nefna Bergmann heyhleðsluvagn, Holaras
stæðugerðarbúnað, Giant liðléttinga, Sulky áburðardreifara og Hispec
keðjudreifara.
Smiðjuvellir 9 300 Akranes 430 6600 akur@akur.is
AKURShús - íbúðarhús og frístundahús
Afhent óuppsett í einingum eða uppsett á byggingarstað
– Allt eftir þínum óskum
Kynntu þér
húsabæklinginn
okkar á akur.is
og fáðu
verðáætlun í
húsið þitt
Íslensk hönnun & framleiðsla
ára
1959- 2024
Sendu okkur línu á akur@akur.is
Högni Elfar
Gylfason.
Og svo kom vorið
Frelsinu fegnar að loknu óveðri. Mynd / Högni Elfar