Börn og menning - 2024, Side 21

19
b&m
fallegan íverustað, leika sér að uppfinningum og
eiga í baráttu við hinn illa Kött, sem er bæði gráð-
ugur og ósvífinn.
Ríkuleg myndlýsing og dýrslegur
mannheimur
Við fyrsta lestur fannst mér ekkert ógurlega mikið
til bókarinnar koma, til þess var sagan of einföld og
látlaus, en eftir því sem leið á beindust augun meira
að ríkulegum myndunum. Þar er um verulega auð-
ugan garð að gresja og strax með fyrstu opnumynd-
unum er okkur lesendum boðið í þeysireið skynj-
unar og forvitni. Þetta á ekki síst við um fyrstu tvær
opnurnar, sem auðvelt er að gleyma sér við í langan
tíma. Teiknistíll Bregnhøis er meira frjálslegur en
fínpússaður og inn á opnumyndir sínar hleður hann
endalausum smáatriðum sem gleðja augu og huga.
Á fyrstu opnumyndinni er Mús t.d. kynntur til sög-
unnar í texta á hægri síðu („Mús sat úti í garði og
prjónaði húfur“) en það tekur augun svolitla stund
að finna Mús á myndinni, jafnvel þótt hann sé stærri
en önnur atriði. Á þessari fyrstu opnumynd kemur
einnig í ljós að þótt Mús búi í „mannheimi“, þar
sem t.d. gömul kona gefur öndunum brauð, búi
einnig í söguheiminum dýr með eiginleika sem telj-
ast mannlegir, sbr. fjörlegan hóp músa sem staddur
er í miðri lautarferð og dansar við dúndrandi tón-
list úr útvarpstæki. Þetta er því okkar hversdagslegi
heimur eins og við þekkjum hann – með dýrslegri
viðbót.
Þetta tvöfalda eðli söguheimsins er síðan undir-
strikað rækilega á annarri opnumyndinni, þar sem
Mús reynir að selja prjónahúfur sínar á líflegum
götumarkaði bæjarins. „Það gekk aldrei neitt voða-
lega vel,“ segir textinn okkur, og sölumaðurinn
Mús situr hnípinn og afskiptur með grænu prjóna-
húfuna sína á höfðinu og tvær eins húfur til sölu
á teppi fyrir framan sig. (Kannski gengur honum
illa vegna þess að hann er að selja eigin sjálfsmynd?
BÓKARÝNI