Börn og menning - 2024, Blaðsíða 47

45
b&m
RÝMI FYRIR ALLS KYNS
TILFINNINGAR
BÓKARÝNI
Líflegt samspil texta og mynda
Bókin um Pómeló og líf hans undir biðukollunni
fellur vel að þörfum yngstu lesandanna. Á yfirborð-
inu er sagan einföld, en eins og gagnrýnandi sann-
reyndi með kvöldlestri fyrir tveggja og sex ára getur
hún einnig skemmt eldri börnum og kveikt alls
kyns umræður. Litríkum og líflegum myndunum er
látið eftir að segja ýmislegt sem ekki kemur skýrt
fram í knöppum textanum og undir einföldu yfir-
borði búa textatengsl við aðrar barnabókmenntir og
ýmis tilefni til heimspekilegra vangaveltna.
Hinn rauði þráður textans eru
tilfinningar og líðan Pómelós,
sem lýst er fallega og blátt áfram. Í fyrsta hluta bókar-
innar er vellíðan í forgrunni, í öðrum hlutanum ótti
og í þeim þriðja og síðasta er sjónum beint að því
sem gleður Pómeló og skemmtir honum.
Eins og fram kemur af bókartitlinum líður Pó-
meló vel undir biðukollunni sinni, en stundum er
hann líka hræddur þar. Höfundar bregða upp lif-
andi myndum af því sem gleður Pómeló eða veldur
honum kvíða og ótta, án þess þó að leitað sé lausna
eða leiða til að komast hjá kvíðavaldandi aðstæðum,
og undirstrikað hvernig jafnvel einar og sömu að-
stæðurnar geta vakið gerólíkar tilfinningar – allt
eftir hugarástandi þess sem upplifir þær.
Pómeló © Benjamin Chaud