Skógræktarritið - 15.10.2010, Page 26

25SKÓGRÆKTARRITIÐ 2010
Þingvallaskógur
Höfundur Guðjón Jensson
Við minningarlund Jóns frá Skógarkoti. Þarna vaxa prýðilega ýmsar tegundir barrtrjáa, meira að segja skógarfurur.
Fyrsta minning um störf í þágu skógræktar
Einn rigningardag vor eitt fór eg með foreldrum
mínum í stórri drossíu austur í Þingvallaskóg.
Líklega mun þetta hafa verið vorið 1955 en þá á
útmánuðum hafði geysað eitt lengsta og grafalvar-
legasta verkfall Íslandssögunnar sem frægt er fyrir
margra hluta sakir. Sjálfur var eg ekki nema tæplega
3ja vetra gamall og þennan úrkomusama dag átti
fyrir mér að liggja fyrsta þátttaka mín í skógræktar-
starfi! Ekið var um Mosfellsdal til Þingvallar niður
Almannagjá eins og þá tíðkaðist og áfram austur í
Vatnsvik. Gengið var þaðan í dálitla brekku þar sem
verið var að höggva niður og ryðja burt birkirunnum
til að rýma fyrir öðrum trjáplöntum. Þarna var tekið
rösklega til hendinni og kappsamlega unnið, karl-
menn munduðu axir og sagir en kvenfólk og börn
ruddu og báru hrísið og greinar í kesti. Þess ber að
geta að þetta var viðurkennd aðferð í skógrækt á
þeim tíma en á sér fáa formælendur nú í dag. Líklega
var litli labbakúturinn öðrum meira til trafala en