Skógræktarritið - 15.10.2010, Qupperneq 84

83SKÓGRÆKTARRITIÐ 2010
Skoðunarferð
Eftir hádegið var svo haldið í skoðunarferð á vegum
Skógræktarfélags Árnesinga. Byrjað var á að ganga
að Tryggvagarði á Selfossi, þar sem Helga Jónsdóttir
afhjúpaði bautastein til minningar um Tryggva
Gunnarsson, sem garðurinn heitir eftir, en garður-
inn var fyrsta verkefni félagsins. Því næst var farið
í smá ökuferð um bæinn og svo haldið að Snæfoks-
stöðum í Grímsnesi, sem er svæði Skógræktarfélags-
ins. Þar var farið í skoðunarferð um skóginn og var
meðal annars komið við í skemmu félagsins, þar sem
kynntar voru vörur úr íslenskum viði. Guðmundur
Magnússon, trésmiður í Steinahlíð, kynnti klæðn-
ingu unna úr íslenskum viði og Ragnhildur Magn-
úsdóttir, kölluð Ranka í Kotinu, var með útskornar
fígúrur. Endað var við Árvakir, hús Skógræktar-
félagsins, þar sem afhjúpaðir voru þrír bautasteinar,
með nöfnum deilda Skógræktarfélags Árnesinga,
formönnum og stjórnarmönnum og starfsmönnum
félagsins og gerðu það Óskar Þór Sigurðsson, Böðv-
ar Guðmundsson og Jóhannes Helgason. Óskar Þór
var einnig gerður að heiðursfélaga Skógræktarfélags
Íslands við þetta tækifæri. Vettvangsferðinni lauk
svo með skógarveislu í skjólinu í skóginum.
Laugardagur 28. ágúst
Á laugardagsmorgninum hófust fundarstörf með
áhugaverðum fræðsluerindum. Ólafur Sturla Njáls-
son frá Gróðrarstöðinni Nátthaga fjallaði um evr-
ópulerki, Ragnar Sigurbjörnsson, prófessor og for-
stöðumaður Jarðskjálftamiðstöðvar Háskóla Íslands
á Selfossi sagði frá stofnuninni og jarðskjálftum á
Suðurlandi, Jón Kr. Arnarson frá Landbúnaðarhá-
skóla Íslands fjallaði um trjárækt við erfið skilyrði,
Egill R. Sigurgeirsson læknir sagði frá býflugum
og hunangsframleiðslu og Eiríkur Benjamínsson
fjallaði um sitkagreni.
Skoðunarferð
Eftir hádegið var svo haldið í vettvangsferð í Hellis-
skóg, skógræktarsvæði Skógræktarfélags Selfoss.
Leiddi Bjarni Harðarson gönguna. Fyrst var komið
við í garði Guðna Ágústssonar alþingismanns og
fyrrverandi landbúnaðarráðherra en svo haldið
til Hellisskógar. Þar sagði Björgvin Eggertsson
frá Hellisskógi og Skógræktarfélagi Selfoss og svo
gróðursetti Óskar Þór Sigurðsson, með aðstoð sona
sinna, perutréð sem Skógræktarfélagi Selfoss hafði
hlotnast í gjöf á föstudeginum. Eftir gróðursetningu
var gengið um skóginn að Stóra-Helli, er skógurinn
Ólafur Njálsson flytur erindi um evrópulerki. Mynd: RF