Skógræktarritið - 15.05.2011, Page 86

SKÓGRÆKTARRITIÐ 201184
sett þar mjög markvisst í um 150 hektara svæði á
síðastliðnum 20 árum. Árangurinn er fram úr björt-
ustu vonum. Sérstaklega fannst okkur áhugavert að
sjá hversu vel heppnaðir blandskógar lerkis og stafa-
furu virtust vera. Þó svo að lerkið væri að jafnaði
enn sem komið er nokkuð á undan furunni í vexti
þá fannst okkur sem furan væri að sækja á og ekki
mikil hætta á lerkið næði að kaffæra hana áður en
kæmi að fyrstu grisjun. Ætla má að lerkið geti bætt
vaxtarform og viðargæði stafafur-
unnar með því að þrengja að henni
og veita henni þar með mikla sam-
keppni fram að fyrstu grisjun.
Áfram lá leiðin út í Hróarstungu
meðfram Fljótinu en þetta svæði
kom inn í Héraðsskóga árið 2000.
Við keyrðum fram hjá víðfeðmum
gróðursetningum í landi Dagverð-
argerðis, Vífilsness, Vífilsstaða og
Heykollsstaða. Allt virtist þetta vera
meira og minna samfellt skógræktar-
svæði og ekki annað að sjá en ár-
angur væri enn sem komið er mjög
góður.
Enn var ekið og farið yfir Fljótið
hjá Lagarfossvirkjun og yfir í Hjaltastaðaþinghá.
Við stoppuðum á Víðastöðum, ystu skógræktarjörð-
inni í Hjaltastaðaþinghá. Nú vorum við um 80 kíló-
metrum utar en innsta skógræktarjörðin í Fljótsdal
og einungis um 10 km frá hafi.
Margir höfðu efasemdir um skógrækt svo utarlega
á Héraði þegar hafist var handa við nytjaskógrækt á
Víðastöðum árið 2000. Árangurinn kom okkur svo
sannarlega á óvart og skemmtilegt að sjá hversu vel
elstu gróðursetningarnar virtust dafna.
Hlutfall gróðursettra tegunda í Héraðsskógum árin 1991– 2010.
Heimild: Héraðs­ og Austurlandsskógar.
Horft til suðurs frá Miðhúsaseli.