Skógræktarritið - 15.05.2020, Page 104

SKÓGRÆKTARRITIÐ 2020102
í átt að markmiði okkar, að bjóða upp á
nýjan valmöguleika við lífslok þar sem þinn
hinsti vilji er virtur og kjósir þú slíkt, að tré
vaxi upp til minningar um þig.
Bálstofa
Hönnun og skipulag bálstofu Trés lífsins
er komið vel á veg en bálstofan verður
óháð trúar- og lífsskoðunarfélögum og
opin öllum. Mikið verður lagt upp úr því
að bálstofan verði hlýlegt rými og henti
vel fyrir hinstu kveðjustundir, en athafna-
rými verður í húsnæðinu. Athafnarýmið
verður einnig til útleigu fyrir aðra viðburði
svo sem skírnar-, fermingar-, afmælis- og
brúðkaupsveislur. Einnig verður í húsnæði
Trés lífsins kyrrðar- og hugleiðslurými
þar sem syrgjendur geta átt stund í ró og
næði fyrir eða eftir kveðjustund, eða eftir
gönguferð í nágrenni bálstofunnar sem
er skógi vaxið. Staðsetning bálstofunnar
verður kynnt opinberlega á vormánuðum.
Ofninn í bálstofu Trés lífsins verður
umhverfisvænn, það er, hann verður búinn
fullkomnum mengunarhreinsibúnaði og
kyntur með umhverfisvænum orkugjöfum.
Fyrirtækið sem framleiðir ofninn hefur
framleitt slíkar vélar í áratugi og eru
sérfræðingar á sínu sviði og leggja mikla
áherslu á umhverfismál.
Óski aðstandendur þess verður mögulegt
að vera viðstaddur á meðan bálförin fer
fram og fylgja hinum látna þannig síðasta
spölinn. Að bálför lokinni fá aðstandendur
duftkerið afhent og verða við hinsta vilja
hins látna, hvort sem viðkomandi vildi láta
jarðsetja duftkerið í duftreit, ofan á gröf í
kirkjugarði, dreifa öskunni eða gróðursetja
hana ásamt tré í minningagarði.
Minningagarðar
Tré lífsins mun setja á stofn minningagarða
um allt land þar sem hægt verður að gróður-
setja ösku hinna látnu ásamt tré sem vex
upp til minningar um viðkomandi. Þessir
garðar verða utan kirkjugarða en í grennd
við þéttbýliskjarna og von okkar er sú að
koma á samstarfi við skógræktarfélög um
land allt til þess að sjá um gróðursetningar,
merkingar á trjánum og umhirðu garðanna.
Þarna myndu vaxa upp persónulegir
skógar þar sem við getum horft á líf spretta
af lífi og til verða almannarými sem henta
fullkomlega til útivistar. Þessir garðar
munu geyma skóga sem eru friðhelgir þar
sem að grafreitum fylgir vernd samkvæmt
íslenskum lögum og þeim má ekki spilla.
Hvert tré í minningagörðunum verður
merkt þeim sem undir hvílir þannig að þau
sem ganga um garðana geta með snjalltækinu
Teikning af bálstofu í Beesd, Hollandi, sem aðstandendur Trés lífsins heimsóttu í desember 2019.