Skógræktarritið - 15.05.2020, Blaðsíða 116

SKÓGRÆKTARRITIÐ 2020114
stöðum, og var það upphafið að skógrækt
á þessu svæði. Plantað var 2.000 plöntum
þetta sumar, aðallega greni. Í áðurnefndu
viðtali við Morgunblaðið rifjar Orri upp að
á þessum árum hafi ungmennafélagsandinn
enn verið allnokkuð ríkjandi og því hafi
nokkrir unglingar af næstu bæjum komið
til að taka þátt í þessu nýja ræktunarstarfi,
einn tók meira segja með sér harmonikku í
tilefni dagsins. Plantað var þarna flest sumur
á sjöunda áratugnum og girðingunni haldið
við en hún var ásótt af sauðfé sem var margt
í landinu á þessum tíma.
Árið 1986 gáfu foreldrar Orra þeim
systkinunum Tunguásinn. Þetta land, sem
er alls um 90 hektarar, var allt friðað og
fyrstu plönturnar settar niður í þetta nýja
svæði og lúpínu sáð í melana neðan við
Fossána. Orri starfaði jafnan mikið að
félagsmálum, þar á meðal félagsmálum og
framfaramálum skógræktarinnar á Austur-
landi. Árið 1980 gekk hann í Skógræktar-
félag Austurlands, var þar fyrst í stjórn en
síðan formaður félagsins frá 1988. Hann
gegndi því í áratugi.
Skógræktarfélag Austurlands átti þá,
og á reyndar enn, 150 hektara land í
Eyjólfsstaðaskógi á Völlum sem Guttormur
Pálsson skógarvörður á Hallormsstað,
fyrsti formaður félagsins, gekkst fyrir að
kaupa árið 1944. Gróðursetning hófst þar
1953 og í kringum 1990 fór félagið að
skipuleggja og leigja út sumarhúsalóðir
á landareigninni. Um svipað leyti hófst
jólatrjáasala úr skóginum, meðal annars
með því að bjóða fólki í skóginn til að velja
sér jólatré. Þessir tekjustofnar hafa verið
forsenda ýmissa nauðsynlegra verkefna
félagsins svo sem vega- og brúargerðar,
plöntukaupa og ekki síst skógarhús-
byggingar, en Blöndalsbúð stendur á
landinu og er leigð út árið um kring.
Baráttumál Orra til margra ára var að ná
samstöðu meðal bænda á Norður-Héraði
til að friða stórt landsvæði fyrir beit, frá
Teigará milli Hofteigs og Hjarðarhaga og
út að Hnitbjörgum í Jökulsárhlíð, alls um
í Rangárvallasýslu. Þau settust að á
Egilsstöðum og eignuðust fimm börn.
Árið 1973 stofnaði hann ásamt fleirum
Trésmiðju Fljótsdalshéraðs en því fyrirtæki
helgaði hann lungann úr sinni starfsævi
og var þar lengst af framkvæmdastjóri.
Meginverkefni Trésmiðjunnar var smíði og
uppsetning íbúðarhúsa úr timbureiningum
og á starfstíma hennar voru þar byggð um
500 slík hús. Þegar umsvif Trésmiðjunnar
voru sem mest störfuðu um 30 starfsmenn
hjá fyrirtækinu að sumarlagi og smíðuð
voru um tvö hús á mánuði.
En skógræktin blundaði alltaf með
Orra. Þegar hann var að læra húsasmíði í
Kópavogi árið 1960 ákvað hann að gera
eitthvað til að bæta meðferðina á skóginum
á sínum heimaslóðum. Eftir fund með
Sigurði Blöndal rétt fyrir páskana 1960 voru
lagðar línur um það hvernig skyldi staðið
að friðun og plöntun í skóginum sem Orri
kom fyrst í, þriggja ára gamall. Um miðjan
ágúst sama ár voru girtir af 7 hektarar
í Tunguásnum, tunga á milli Fossár og
Krakalækjar innan við bæinn á Hallgeirs-