Bókatíðindi - nóv. 2025, Blaðsíða 10

IB
Litla gula hænan
Höf: Steingrímur Arason
Myndh: Iðunn Arna Björgvinsdóttir
Þessi frægasta dæmisaga hérlendis, ættuð úr
Vesturheimi, var mörgum fyrsta lesefni ævinnar. Hún
er ekki síður eftirminnileg fyrir tæran réttlætisboðskap
sem oft er vitnað til. Í bókinni eru fleiri kunnuglegar
sögur, svo sem um sætabrauðsdrenginn og
Unga litla. Hér hafa myndir úr fyrstu útgáfu
bókarinnar frá 1930 verið endurgerðar.
160 bls.
Bókaútgáfan Sæmundur
IB
Litli prinsinn – myndabók
Byggð á sögu Antoine de Saint-Exupéry
Höf: Louise Greig og Sarah Massini
Þýð: Margrét Gunnarsdóttir
Litli prinsinn er hugljúf perla með sígildan boðskap
um það sem er mikilvægast í lífinu. Í þessari
glæsilega myndskreyttu bók er sagan löguð að
börnum og hefur fangað hjörtu ungra lesenda
víða um lönd. Fegurðin býr í hinu leynda ...
42 bls.
Ugla
IB
Litlu börnin læra - dýrin
Þýð: Andri Karel Ásgeirsson
Púslbók fyrir þau yngstu þar sem börnin geta skemmt
sér við að raða púslum á rétta staði og lært um leið
nöfn og útlit á spennandi dýrategundum.
10 bls.
Unga ástin mín
IB
Lína fer í lautarferð
Höf: Astrid Lindgren
Þýð: Sigrún Árnadóttir
Það er indæll haustdagur. Tommi og Anna eru í
leyfi frá skólanum og Línu finnst tilvalið að fara í
lautarferð út í haga. Á vegi þeirra verða bæði sauðþrá
kýr og nautheimskur tarfur – auk þess sem herra
Níels hverfur sporlaust. En Lína er bæði sterk og
ráðagóð og getur leyst hvers kyns vanda. Sígild
saga eftir Astrid Lindgren í nýjum búningi.
40 bls.
Forlagið - Mál og menning
IB
Jólakötturinn
Höf: Jóhannes úr Kötlum
Myndir: Þórarinn Leifsson
Hér birtist kvæðið sígilda eftir Jóhannes úr Kötlum
með teikningum Þórarins Leifssonar. Kötturinn sem
við þekkjum öll stekkur fram á nýjan og ferskan hátt
og teikningar Þórarins gera hann bæði skelfilegan
og afar skemmtilegan. Einnig fáanleg á ensku.
40 bls.
Forlagið - Mál og menning
IB
Kúkaveislan mikla
Höf: Sofie Østergaard
Myndh: Malene Høegh
Þýð: Pétur Már Ólafsson
Mamma Egils segir að hann verði að fara á
klósettið. Kúkinn í honum langi svo mikið niður
í holræsið til að hitta kúkinn úr öllum hinum
krökkunum í götunni og halda kúkaveislu!
29 bls.
Veröld
IB
Kvíðapúkinn
Stuðningsrit fyrir börn með kvíða
Höf: Arna Lind Viðarsdóttir
Aron er með skrítna tilfinningu í maganum þegar hann
á að fara í leikskólann. Mamma hans segir honum þá
frá kvíðapúkanum. Hún segir að púkinn komi þegar
við kvíðum einhverju sem við þurfum bara alls ekki að
hafa áhyggjur af. Með því að ræða um kvíðann tekst
Aroni að ná stjórn á honum og verða vinur púkans.
30 bls.
Óðinsauga útgáfa
IB
Kötturinn Emil sem allir vildu eiga
Höf: Helga Ólafs
Myndir: Gerður Steinars
Hjartnæm saga byggð á sönnum atburðum. Það
var á köldu vetrarkvöldi að kötturinn Emil hvarf
sporlaust frá heimili sínu í Mosfellsbæ aðeins tveggja
ára. Heimilisfólkið leitaði hans logandi ljósi en Emil
fannst hvergi. Í heil sjö ár átti Emil viðburðaríkt
líf langt frá fjölskyldu sinni en vonin um að þau
fengju að sjá hann aftur slokknaði aldrei.
52 bls.
Sögur útgáfa
IB
Lára fer á hestbak
Höf: Birgitta Haukdal
Myndir: Anahit Aleqsanian og Elen Nazaryan
Láru finnst hestarnir á reiðnámskeiðinu svolítið
stórir og ætlar varla að þora að fara á bak. Atli
vinur hennar er vanur hestum úr sveitinni hjá
afa sínum og ömmu og gefur Láru góð ráð.
Hversdagssögur Birgittu Haukdal um Láru og
bangsann Ljónsa hafa verið metsölubækur í fjölda
ára og vinsæl leiksýning verið gerð eftir þeim.
41 bls.
Forlagið - Vaka-Helgafell
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort10
Barnabækur  MYNDRÍK AR
Gefum
börnum
bækur