Bókatíðindi - nóv. 2025, Blaðsíða 21

KIL
Sibba subb
Höf: Helgi Jónsson
Myndh: Hrannar Atli Hauksson
Nýr myndskreyttur barnabókaflokkur um
krakka sem fá eitthvað á heilann!
60 bls.
Bókaútgáfan Tindur
IB
Ljósaserían
Silfurflautan
Höf: Kristín Björg Sigurvinsdóttir
Myndir: Herborg Árnadóttir
Þegar silfurflauta Nessu hverfur á dularfullan hátt
draga Aníta og Andri fram ráðgátugleraugun.
Nú þurfa þau að hjálpast að því vinkona þeirra
á að spila á tónleikum um kvöldið svo tíminn er
naumur. Finna systkinin flautuna í tæka tíð?
80 bls.
Bókabeitan
IB RAF
Skólastjórinn
Höf: Ævar Þór Benediktsson
Myndir: Elín Elísabet Einarsdóttir
Salvar, 12 ára vandræðagemsi, sótti um stöðu
skólastjóra því honum fannst það fyndið. En fyrir
mistök fær hann starfið. Hann mætir til leiks vopnaður
ferskum hugmyndum um hvernig megi gera skólann
betri. (Pítsa og kandífloss í hádegismat! Blundtími!
Grís í hvern bekk!) Hvað er það versta sem gæti gerst?
Sprenghlægileg og hjartnæm verðlaunabók.
313 bls.
Forlagið - Mál og menning
IB
Skólinn í skrímslabæ
Höf: Bergrún Íris Sævarsdóttir
Myndh: Tindur Lilja
Mannabarnið Eva Brá er nýjasti nemandi skólans
í Skrímslabæ! Þar hittir hún fjöldann allan af
skrítnum skrímslum, til dæmis lítinn svangan varúlf,
hrekkjótta norn og vampíru með stæla. Skólinn
í Skrímslabæ er falleg og bráðfyndin saga eftir
verðlaunahöfundinn Bergrúnu Írisi, prýdd heillandi
og skemmtilegum teikningum Tinds Lilju.
96 bls.
Bókabeitan
IB
Snúlli lærir um virðingu
Höf: Helen Hafgnýr Cova
Myndir: Helen Hafgnýr Cova
Snúlli lærir um virðingu er þriðja bókin í
seríunni um Snúlla. Að þessu sinni kemst Snúlli
að því að virðing felst ekki alltaf í því að hlýða
skilyrðislaust. Virðing getur tekið á sig margar
myndir – gagnvart öðrum, sjálfum sér, hlutum og
jafnvel skógi. Hvernig mun Snúlli læra að greina
hvað á skilið virðingu og hvers vegna?
58 bls.
Karíba útgáfa
IB
Ljósaserían
Rugluskógur
Höf: Elísabet Thoroddsen og Bergrún Íris
Sævarsdóttir
Er eitthvað ævintýralegra en að sofa í hengirúmi
undir berum himni? Er einhver sem segir að
bíll geti ekki líka verið flugvél? Eða að Esjan
geti ekki heitið Skuggheimahóll – og að þar
búi skuggaverur sem elska rifrildasúpu?
72 bls.
Bókabeitan
IB
Rumpuskógur: Árás fýluskrímslisins
Höf: Nadia Shireen
Þýð: Solveig Sif Hreiðarsdóttir
Myndh: Nadia Shireen
Stórfótur leikur lausum hala í Rumpuskógi! En
mikið stendur til því íkornapar eitt ætlar að gifta
sig með pompi og prakt. Ætli skrímslið bjóði sér í
brúðkaupið? Eitt er víst og það er að Teddi og Nanna
og vinir neyðast nú til að halda á vit óvissunnar
til þess að bjarga Rumpuskógi frá þessu hræðilega
og illa lyktandi fýluskrímsli. www.kver.is
241 bls.
Kver bókaútgáfa
IB
Rækjuvík
Saga um dularfull skeyti og stuð
Höf: Lóa Hlín Hjálmtýsdóttir
Eftir langan, dimman vetur og vægast sagt
glatað vor, er sólin loksins mætt til Reykjavíkur.
Tvíburasystkinin Inga og Baldur eru komin í sumarfrí
og forvitni þeirra er vakin þegar þau finna dularfullt
flöskuskeyti. Þau ákveða að rannsaka málið á sinn
einstaka hátt og ævintýri hversdagsins hefjast!
160 bls.
Salka
SVK
Lestu sögu á 10 mínútum!
Samloka með sultu
Höf: Giuditta Campello
Skemmtileg myndskreytt saga miðuð við
yngstu lesendurna. Textinn er 400-500 orð og
skilningsverkefni eru í lok sögunnar.
33 bls.
Rósakot
SVK
Nadía og netið
Segðu frá Alex!
Höf: Caroline Engvall
Þýð: Ingunn Snædal
Myndir: Katarina Vintrafors
Það er föstudagur og Alex hlakkar til bekkjarpartísins.
Skyndilega fær hann vinabeiðni frá ókunnugri stelpu
og byrjar að spjalla. Þegar hún biður um myndir hikar
hann fyrst – en svo fer allt á versta veg. Hjálpleg og
aðgengileg bók sem hvetur börn á aldrinum 6–14 ára
og foreldra þeirra til samtals um lífið á netinu.
43 bls.
Tengd
B Ó K A T Í Ð I N D I 2 0 2 5 21GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort
Barnabækur  SK ÁLDVERK