Bókatíðindi - nov. 2025, Qupperneq 52

KIL
Fyrir vísindin
Höf: Anna Rós Árnadóttir
Anna Rós kveður sér hljóðs með vísindalegri
nákvæmni í sinni fyrstu ljóðabók. Árið 2025
hlaut hún Ljóðstaf Jóns úr Vör.
Vísindakonan tekur vinnuna aldrei með sér heim
getur ekkert að því gert að sum hús
eru í eðli sínu tilraunastofur
þakrenna dropamælir
þröskuldur loftvog
gluggi smásjá
glerskápur jarðskjálftamælir.
78 bls.
Benedikt bókaútgáfa
SVK
Gleði skipbrotanna
Höf: Giuseppe Ungaretti
Þýð: Gyrðir Elíasson
Ungaretti var eitt kunnasta ljóðskáld Ítala á
liðinni öld. Hér birtist í fyrsta sinn á íslensku
úrval ljóða úr þekktasta verki hans L'allegria
nær 100 árum eftir birtingu þess á frummálinu.
Inngang ritar Francesca Cricelli sem hefur
rannsakað verk skáldsins um árabil.
80 bls.
Dimma
KIL
Gul viðvörun
Höf: Gríma Kamban
Gul viðvörun er hlédræg bók um hinn hversdagslega
en stundum yfirþyrmandi lífsháska sem býr
í vitund mannsins, með dæmum úr sögu og
bókmenntum og fortíð höfundar.
36 bls.
Bókaútgáfan Sæmundur
KIL
Hallormsstaðaskógur
Söguljóð fyrir börn
Höf: Ása Hlín Benediktsdóttir
Höfundur texta og skreytinga dvaldi einn vetur á
Hallormsstað og þá varð til þessi yndislestur, sem
lýsir vel upplifun fólks í skóginum við Fljótið, þar
sem náttúran umvefur okkur á alla vegu.
Í bókinni er tengill inn á tónlist Charles Ross. Einstök
upplifun fyrir börn og fullorðna að njóta samtímis
ljóða og náttúruhljóða þessa heillandi staðar.
41 bls.
Bókstafur
SVK
Hjartað varð eftir
Höf: Ása Þorsteinsdóttir
Hér birtist fyrsta bók höfundar sem ólst upp á
Unaósi í Hjaltastaðaþinghá og tengdist náttúrunni
þar sterkum böndum. Hún ákvað ung að verða skáld,
hefur verið að yrkja frá sex ára aldri. Hún hefur
staðið með vinkonum sínum fyrir upplestrarkvöldum
og ritlistarvinnustofum síðustu vetur. Áður hefur
hún birt ljóð í Bók sem allir myndu lesa: Ljóð
ungra austfirskra höfunda og Farvötn.
53 bls.
Félag ljóðaunnenda á Austurlandi
KIL
Ef ég hugsa
Höf: Jónas Gunnar Einarsson
Ef ég hugsa er þriðja ljóðabókin sem út
kemur eftir Jónas Gunnar Einarsson, áður
hafa komið út Samhengið í tilverunni
(2004) og Ljóð og kaffihús (2019)
92 bls.
Vinja bókaútgáfa
SVK
Eignatal
Höf: Francesca Cricelli
Þýð: Pedro Gunnlaugur Garcia
Francesca er brasilískt skáld, þýðandi og fræðimaður.
Hún hefur sent frá sér fjórar ljóðabækur og hér birtist
sú nýjasta frá 2024. Francesca hefur um árabil búið á
Íslandi og ljóðin bera þess merki. Þau eru fjölbreytt
og forvitnileg, einlæg og margslungin í senn.
79 bls.
Dimma
SVK
Félagsland
Höf: Vala Hauks
Fyrsta ljóðabók Völu Hauks sem hlaut Ljóðstaf
Jóns úr Vör árið 2024. Rauður þráður í bókinni eru
félagsheimili landsins fyrr og nú, hlutverk þeirra,
andblær og ásýnd. Vala yrkir beinskeytt ljóð um
lífið í landinu, samfélag og menningu, litbrigði
náttúrunnar og hugans, strjála byggð og samvistir við
aðra, með léttleika og óvanalega sýn í farteskinu.
66 bls.
Forlagið - Mál og menning
SVK
Fimm ljóð
Höf: Eiríkur Örn Norðdahl
Fimm ljóð úr smiðju verðlaunahöfundarins,
Ísfirðingsins og Nýhil-skáldsins Eiríks Arnar
Norðdahl. Hér tekst hann á við nærumhverfi sitt
síðustu fjörutíu ár; borgir og náttúru, sjoppur
og pylsur, föðurhlutverkið og tímann.
80 bls.
Forlagið - Mál og menning
IB
Flugur og fleiri verk
Höf: Jón Thoroddsen
Ritstj: Guðmundur Andri Thorsson
Ljóðbókin Flugur eftir Jón Thoroddsen kom
út árið 1922. Mun hún vera fyrsta bókin á
Íslandi sem eingöngu hafði að geyma prósaljóð.
Hún er endurútgefin í tilefni af hundrað ára
ártíð höfundar. Í þessa útgáfu hefur auk þess
verið safnað öðrum ljóðum og textum Jóns.
Guðmundur Andri Thorsson ritar eftirmála.
156 bls.
Ugla
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort52
Ljóð