Bókatíðindi - nov. 2025, Side 68

KIL
Stjórnspeki Snorra Sturlusonar
eins og hún birtist í Heimskringlu
Höf: Sigurður Líndal
Sigurður Líndal lýsir hér hvernig átök tveggja
hugmynda um lög birtast í Heimskringlu
Snorra Sturlusonar: hinnar fornu germönsku
hugmyndar um að þau myndist við sammæli
á þingum, og nýrri hugmyndar um að þau
séu fyrirmæli konunga af Guðs náð.
134 bls.
Hið íslenska bókmenntafélag
KIL
Structural alteration
of Manuscripts in the Arnamagnæan Collection
Höf: Beeke Stegmann
Beeke Stegmann rannsakar í þessari bók vinnubrögð
Árna Magnússonar en hann tók í sundur handrit
sem hann hafði safnað, endurraðaði hlutunum og
lét binda að nýju. Lesendur fá ekki aðeins betri
skilning á sögu handritanna í safni Árna heldur
varpar höfundur einnig ljósi á starfshætti eigenda
handrita og umsjónarmanna fyrr á tíð.
400 bls.
Stofnun Árna Magnússonar í íslenskum fræðum
GOR
Stærðfræði 1 með kennslumyndböndum
Höf: Gísli Bachmann, Helga Björnsdóttir og
Þorsteinn Kristjáns Jóhannsson
Ný og endurskoðuð kennslubók sem er ætluð
nemendum sem ekki hafa hlotið nægan
undirbúning í stærðfræði til þess að hefja
nám á öðru þrepi í framhaldsskóla. Hún er
jafnframt hugsuð fyrir þá nemendur sem hafa
lokið fornámsáföngum í stærðfræði.
166 bls.
IÐNÚ útgáfa
IB
Syng, mín sál
40 söngvar úr íslenskum handritum fyrri alda
Höf: Árni Heimir Ingólfsson
Ómissandi bók fyrir allt áhugafólk um íslenska
tónlistarmenningu. Lögin sem hér eru loks gerð
aðgengileg eru af margvíslegum toga en eiga það
sameiginlegt að hafa fyrir óralöngu lífgað upp á
tilveruna í hrjóstrugu landi á hjara veraldar.
124 bls.
Veröld
IB
Söguþættir landpóstanna
Ritstj: Helgi Valtýsson
Umsj: Guðjón Ragnar Jónasson
Landpóstar urðu þekktir menn á sinni tíð og nutu
virðingar fyrir hreysti og ósérhlífni. Í vetrargaddi
og ófærð, skammdegismyrkri og stórhríð,
brutust þeir yfir heiðar og fjalladali og létu sér
fátt fyrir brjósti brenna. Þeim var líka einatt vel
fagnað þegar þeir riðu í hlað og tilkynntu komu
sína með því að blása í póstlúðurinn.
246 bls.
Veröld
SVK
Sjálfstjórn og bolmagn sveitarfélaga
Ritstj: Eva Marín Hlynsdóttir, Gunnar Helgi
Kristinsson, Sigurður Á. Snævarr og Trausti Fannar
Valsson
Í bókinni leitast höfundar við að greina hvernig
sveitarstjórnarskipan Íslands þjónar þeim
hlutverkum sem almennt má telja að henni séu
ætluð. Hér er lagt mat á stöðuna út frá fyrirliggjandi
rannsóknum og almennum hugmyndum um
hlutverk og markmið sveitarfélaga.
200 bls.
Háskólaútgáfan
IB
Skagfirskar æviskrár
Skagfirskar æviskrár 1910-1950. 10. bindi
Ritstj: Hjalti Pálsson og Ingimar Jóhannsson
Tuttugasta og fyrsta bókin sem Sögufélag Skagfirðinga
gefur út af Skagfirskum æviskrám og hin tíunda
frá tímabilinu 1910 til 1950. Bókin inniheldur
samtals 87 æviskrárþætti fólks sem bjó eða hélt
heimili í Skagafirði á fyrri hluta 20. aldar. Bókin
er 406 blaðsíður með 160 ljósmyndum.
406 bls.
Sögufélag Skagfirðinga
SVK
Sýnisbók íslenskrar alþýðumenningar
Skrifarar sem skreyttu handrit sín
Alþýðulist og skreytingar í handritum síðari alda
Höf: Kjartan Atli Ísleifsson
Í bókinni er fjallað um skreytingar í íslenskum
pappírshandritum frá lokum 17. aldar til
upphafs þeirrar 20. Viðfangsefnið bregður nýju
ljósi á íslenska lista- og menningarsögu og
eru birtar um 150 litmyndir úr handritum frá
rannsóknartímanum. Hér er á ferðinni verk fyrir
allt áhugafólk um myndlist í nútíð og fortíð.
300 bls.
Háskólaútgáfan
KIL
Skrifin hans afa
Höf: Sveinn Sveinsson
Umsj: Sigurður Sigursveinsson og Sveinn
Runólfsson
Greinasafn Sveins Sveinssonar (1875-1965)
bónda á Norður-Fossi í Mýrdal. Stórmerk
heimild um veröld sem var.
317 bls.
Bókaútgáfan Sæmundur
TÍM
SÓN
tímarit um ljóðlist og óðfræði
Ritstj: Soffía Auður Birgisdóttir
Ársritið SÓN birtir greinar á sviði ljóðlistar og
skáldskaparfræða, ný ljóð og ritdóma. Sónarskáldið
2025 er Kristín Ómarsdóttir. Í heftinu birtist
jafnframt, Fæðingarríma frá 18. öld - um getnað,
meðgöngu, fæðingu og fæðingarhjálp - og greining
á vögguvísunni Sofðu unga ástin mín, þar sem
athyglinni er beint að jöklahljóðum vísunnar.
Óðfræðifélagið BOÐN
B Ó K A T Í Ð I N D I 2 0 2 5 GOR Gormabók  HSP Harðspjalda bók  HLB Hljóðbók  IB Innbundin bók  KIL Kilja  RAF Rafbók  G Sveigjanleg kápa  TÍM Tímarit  LKO Landakort68
Fræðirit, frásagnir og handbækur