Morgunblaðið - 03.11.1981, Blaðsíða 14
14 MORGUNBLAÐIÐ, ÞRIÐJUDAGUR 3. NÓVEMBER 1981
Lækjarás, nýtt dagheimili fyrir vangefna:
„Og lýsi ég yfir
blessun guðs
á þessum stað“
sagði herra Pétur Sigurgeirsson
við formlega opnun hússins
Krá formlegri opnun Lækjaráss við Stjörnugróf. Magnús Kristinsson formað-
ur Styrktarfélags vangefinna í ræðustól.
LÆKJARÁS við Stjörnugróf, nýtt
dagheimili fyrir vangefna hér í borg-
inni var formlega tekið í notkun á
fóstudaginn var. Var húsið reist á
vegum Styrktarfélags vangefinna.
Viðstaddir opnunina voru m.a. herra
Pétur Sigurgeirsson hiskup íslands,
Svavar Gestsson félagsmálaráð-
herra, Kgill Skúli Ingibergsson borg-
arstjóri og Magnús Kristinsson for
stjóri Styrktarfélags vangefinna.
Við opnunina hélt Magnús
Kristinsson ræðu, bauð gesti vel-
komna og þakkaði þeim sem hlut
áttu að byggingu hússins. Bygg-
ingarframkvæmdir við heimilið
hófust í maí 1977 en rekja má upp-
hafið að stofnun þessa heimilis til
landssöfnunar Hjálparstofnunar
kirkjunnar haustið 1976, en það ár
helgaði Hjálparstofnunin málefn-
um vangefinna og safnaði fé til
byggingar svokallaðs „afþrey-
ingarheimilis". Söfnuðust þá alls
um 150.000 nýkróna sem afhentar
voru Styrktarfélaginu til bygging-
arinnar.
Byggingarkostnaður nemur nú
um 2,5 milljónum króna en frá
Styrktarsjóði vangefinna komu
650.000, frá Framkvæmdasjóði ör-
yrkja og þroskaheftra 1,10 millj-
ónir en eigið framlag var 600.000
kr. Stærð heimilisins er rúmlega
757 fermetrar og er það ætlað
25—30 manns. Forstöðukona
Lækjaráss hefur verið ráðin
Arnheiður Andrésdóttir þroska-
þjálfi.
í ræðu sinni þakkaði Magnús
Kristinsson gjafir sem húsinu
hafa verið gefnar en árið 1979 af-
henti kvennadeild Reykjavikur-
deildar Rauða kross Islands kr.
700.000 til kaupa á húsgögnum í
borð- og dagstofu. Þá gaf Oddfell-
owstúkan Skúli fógeti nr. 12 kr.
100.000 til kaupa á húsgögnum í
skrifstofu og í læknaherbergi og
fleiri gáfu gjafir. í einni álmu
Læjaráss hefst nýr þáttur í starf-
semi Styrktarfélags vangefinna en
það er rekstur verndaðs vinnu-
staðar fyrir vangefna og munu
12—14 einstaklingar starfa þar.
Er það von félagsins að hluti þess
fólks eigi síðar eftir að fara út á
hinn almenna vinnumarkað.
Þegar Magnús hafði lokið máli
sínu mælti herra Pétur Sigur-
geirsson bænarorð og flutti heilla-
óskir frá Hjálparstofnun kirkj-
unnar. „Og lýsi ég nú yfir blessun
guðs á þessum stað," sagði Pétur í
lokin. Svavar Gestsson félags-
málaráðherra tók næstur til orða
og óskaði þeirri starfsemi sem í
húsinu væri að hefjast, allra
heilla. Sagði hann við þetta tiiefni
að ríkisstjórnin myndi innan
skamms leggja fram frumvarp til
laga um málefni fatlaðra þar sem
þeim yrði komið inn í samræmda
heildarlöggjöf. Þá flutti Egill
Skúli Ingibergsson borgarstjóri
kveðjur borgarstjórnar og óskaði
til hamingju yfir þeim árangri
sem náðst hefur með byggingu
þessa húss.
Á eftir ræðuflutningi og form-
legri opnun Lækjaráss var við-
stöddum boðið í kaffiboð í hinu
nýja húsi og boðið að skoða sig
Almennar sam-
komur ý Laug-
arneskirkju
ALLA miðvikudagana i nóvember
verða almennar samkomur í Laug-
arneskirkju kl. 20.30. I>essar sam-
komur verða með einfoldu sniði,
miklum almennum söng, vitnisburð-
um ungs fólks og hugleiðingu út frá
Guðs orði. Kinnig fáum við heim-
sóknir sönghópa og kóra.
Samkomur með þessu sniði hafa
verið reyndar í öðrum kirkjum með
góðum árangri. Þessi samkomu-
kvöld eru skipulögð m.a. í tilefni af
1000 ára afmæli kristniboðs á ís-
landi og þykir okkur eðlilegt að
minnast þess með „evangeliskum"
samkomum, þar sem megininntak-
Laugarneskirkja:
ið er boðun kristinnar trúar. Aður
höfum við minnst þessara tíma-
móta með kirkjukvöldi á föstu.
Fyrsta samkoman í þessari sam-
komuröð verður miðvikudaginn 4.
nóvember kl. 20.30. Margrét Hró-
bjartsdóttir safnaðarsystir verður
ræðumaður kvöldsins en auk henn-
ar talar Ástríður Haraldsdóttir
formaður Æskulýðsfélags Laug-
arnessóknar. Eftir samkomuna
verður hægt að fá kaffi og gos-
drykki í kjallarasal kirkjunnar, en
hvatt verður til þess að samkomu-
gestir doki við og spjalli saman. Þá
verða kristilegar bækur til sölu.
Við vonumst til þess að margir
sjái ástæðu til að sækja þessar
samkomur og njóti þess að fá upp-
fræðslu í kristinni trú og taka þátt
í lofgjörð og tilbeiðslu.
Jón D. Hróbjartsson,
sóknarprestur.
11. einvígisskákin:
Karpov þakkaði öflugu
klappliði góðan stuðning
Margeir Pétursson skrifar
frá Merano
KKAM að II. skákinni var þad jafn-
an Korrhnoi, sem fékk meira lófa-
klapp frá áhorfendum hér í Merano
við upphaf skákanna. Kn um helgina
barst Karpov öflugt klapplið, þar
sem var rútufarmur af sovézkum
sendiráðsstarfsmönnum á Ítalíu.
I*eir hylltu Karpov svo kröftuglega
er hann gekk inn á sviðið að aðrir
áhorfendur, sem voru þó á annað
þúsund, áttu fullt í fangi með að
jafna metin.
Klappliðið og húrrahrópin
minntu meira á knattspyrnukapp-
leik en skákeinvígi, en siðan var
snarlega þaggað niður í áhorf-
endaskaranum svo alvaran gæti
hafist.
Korchnoi, sem hafði hvítt, tefldi
byrjunina hratt og hann virtist
mæta vel undirbúinn til leiks.
Karpov varð að láta af hendi peð
og eftir það snérist baráttan um
hvort heimsmeistaranum tækist
að finna nægilegt mótspil fyrir
liðsmuninn.
Það tókst honum með nýrri
peðsfórn í 24. leik og.skákin varð
mjög tvísýn. Meðal hinna fjöl-
mörgu stórmeistara í blaða-
mannastúkunni voru skoðanir
mjög skiptar um ágæti stöðunnar.
Sumir virtust einblína á peðið sem
Korchnoi hafði yfir en aðrir bentu
á biskupapar Karpovs og óvirka
menn áskorandans. Hinir síðar-
nefndu virtust hafa mikið til síns
máls. Korchnoi tók að þessu sinni
enga áhættu og jafntefli var sám-
ið.
Áhorfendur voru ánægðir með
skákina, hún var mun líflegri en
10. skákin. Margir meistarar voru
á þeirri skoðun að taflmennska
Korchnois mætti vera betri en al-
mennt dáðust menn að útsjónar-
semi heimsmeistarans, sem þurfti
að leysa úr erfiðum vandamálum
eftir vel heppnaða byrjun áskor-
andans.
11. einvígisskákin í Merano:
Hvítt: Korchnoi.
Svart: Karpov.
Drottningarbragð.
I. c4 — e6, 2. Rc3 — d5, 3. d4 —
Be7, 4. Rf3 — Rf6, 5. Bf4
Korchnoi beitti þessu afbrigði
tvívegis í einvíginu 1978 og vann
þar af eina skák en tveimur lauk
með jafntefli. Nú reynjr hann það
í fyrsta skipti í þessu einvígi.
0-0, 6. e3 — c5, 7. dxc5 — Bxc5, 8.
Dc2 — Rc6, 9. Hdl — Da5, 10. a3 —
Be7, 11. Rd2 — e5, 12. Bg5 — d4,
13. Kb3 — DdK
I 23. einvígisskákinni 1978 lék
Karpov hér 13. — Db6, en því
svaraði Korchnoi með 14. Bxf6 —
Bxfe, 15. Rd5 og tókst að ná
nokkru betra tafli.
14. Be2
Eins og Friðrik Ólafsson benti á
er hugsanlega betra að leika fyrst
14. exd4 — exd4 og síðan 15. Be2,
Skák
Margeir Pétursson
því ef þá 15. — a5? þá 16. Rb5.
— a5!
Þessari hvössu leikaðferð beitti
Beljevski gegn Portisch á Moskvu-
mótinu í vor. Teflendur fylgja nú
þeirri skák um sinn.
15. exd4 — a4
16. Rxa4 — Rxd4
Ef 16. - Hxa4? þá 17. d5 - Ra5,
18. d6 — Bxd6, 19. Rc5 og hvítur
nær vinningsstöðu.
17. Rxd4 — exd4, 18. b3
Svartur er á grænni grein eftir
18. 0-0 - Da5,19. Bxf6 - Bxf6, 20.
b3 - Bd7.
— Da5+, 19. Dd2!
í áðurnefndri skák sinni við Belj-
cvsky lék Portisch hér 19. Bd2 og
fékk lakari stöðu eftir 19. — Bf5!,
20. I)b2 — De5. Þessi endurbót
Korchnois var auðvitað fyrirfram
undirbúin og fram að þessu hafði
hann eytt aðeins sáralitlum tíma, en
Karpov tæpri klukkustund.
— Bxa3, 20. Dxa5
Að sögn aðstoðarmanna
Korchnois höfðu þeir undirbúið
framhaldið 20. 0-0, en það er auð-
vitað meistarinn sjálfur, sem hef-
ur síðasta orðið og e.t.v. hefur
Korchnoi séð eitthvað yfir borð-
inu, sem honum líkaði ekki við.
— Ilxa5, 21. Bxf6 — Bb4+
Þessi milliskák var nauðsynleg
til að taka hrókunarréttinn af
hvítum.
22. Kfl — gxf6, 23. Hxd4 — He5,
24. g4!
Scirawan, aðstoðarmaður
Korchnois, og fleiri stórmeistarar
litu nú framtíðina björtum augum
fyrir Korchnois hönd. „Peð er allt-
af peð,“ sagði Najdorf, en Karpov
lumar á nýrri peðsfórn, sem gefur
honum mjög virka stöðu.
— b5!, 25. cxb5 — Bb7, 26. f3
Þessi leikur kom flestum meist-
urunum sem fylgjast með skák-
inni hér í Merano á óvart. Flestir
áttu nefnilega von á skiptamuns-
fórninni 26. Hxb4 — Bxhl, 27. f3
en Vlastimil Hort í skákskýring-
unum fann vörn eftir miklar
vangaveltur: 26. Hxb4 — Hfe8! og
nú 27. Rc3 - Bxhl, 28. f3 - He3,
29. Rd5 - Hxe2, 30. Rxf6+ - Kf8,
31. Rxe8 - Hxe8, 32. Hf4 - Hb8
eða 27. f3 - Hxe2, 28. He4!? -
Hxe4, 29. fxe4 — Bxe4, 30. Hgl —
Bd3+ og svartur heldur í báðum
tilfellum sínu.
— Hfe8, 27. Bdl — Hxb5
Þótt hvítur sé ennþá peði yfir
áttu nú fáir von á því að Korchnoi
tækist að nýta sér það til vinnings.
Menn hans eru mjög óvirkir, en
svartur hefur biskupaparið og
mun virkari stöðu. Áskorandinn
eyddi hér miklum tíma, án þess að
honum tækist að finna sterkara
framhald, enda litlar líkur á því að
það sé til í stöðunni.
28. Kg2 — Kg7, 29. Kf2 — Ba5, 30.
Hfl — He7, 31. h3 — h6, 32. Bc2 —
Hc7, 33. Hc4 — Hxc4, 34. bxc4 —
Hb4, 35. c5 — Bc6
Hér hóf Korchnoi að undirrita
blað sitt og Karpov sá það og fór
hann að dæmi hans. Þar með hafði
jafntefli verið samið í þessari ann-
ars athyglisverðu stöðu.