Morgunblaðið - 03.11.1981, Blaðsíða 23

MORGUNBLAÐIÐ, ÞRIÐJUDAGUR 3. NÓVEMBER 1981
23
Tekst Skúla og Jóni
að vinna til verðlauna
á HM- í kraftlyftingum?
- keppni hefst á morgun og þeir eiga góöa möguleika
• Skúli Oskarsson hofur mikla reynslu í keppnum á stórmótum í lyftingum.
Hann hefur undirhúió sig vel fvrir HM-keppnina sem fram fer á Indlandi.
Jóhannes Hjálmarsson
kemur heim úr
frækilegri för
Á morgun, miðvikudag, hefst
heimsmeistaramótió í kraftlyfting-
um í ('alcutta á Indlandi. Tveir ís-
lenskir keppendur verda þar á meðal
keppenda. Skúli Oskarsson, sem
keppnir í 75 kg. flokki og Jón l’áll
Sigmarsson sem keppir í 125 kg.
flokki. Vmsir spyrja, hví verið sé að
senda íslenska keppendur svo lang-
an veg og dýran. Hvort virkilega sé
von um árangur. l»essu er best svar
að með því að líta á þátttöku íslands
á undanrórnum mótum.
Árið 1975 var í fyrsta skipti ís-
lenskur keppandi meðal þátttak-
enda. Það mót var í Birmingham,
Englandi og keppandi Skúli
Óskarsson. Hann fékk á mótinu
bronsverðlaun, á eftir Bandaríkja-
manni með gull og Zamhíumanni
með silfur. Zambíumaður þessi
var Peter Fiore og átti Skúli mjög
góða tilraun við þyngd sem nægt
hefði honum til silfurs.
Fiore þessi átti eftir að koma
meira við lyftingasögu Skúla. Árið
1976 hafði Skúli meiðst á báðum
öxlum, meiðsli sem áttu eftir að
há honum æ síðan. Hann var því
frá keppni, er HM var haldið í
Bandaríkjunum það ár. Á því móti
sigraði Breti með 677,5 kg.
1977 hagaði svipað til og nú.
Mótið var haldið í Ástralíu og var
talið að hugsanlegur árangur
okkar manna réttlætti ekki svo
dýra ferð. Það mót vannst af
Bandaríkjamanni sem lyfti 707,5
kg. I öðru sæti varð Fiore og þriðji
Backlund, Svíþjóð.
Eftirá þótti illt að Skúli skyldi
heima sitja, þar sem hans árangur
á sama tíma hér heima hefði gefið
möguleika á 1. sæti.
Árið 1978 dró til tíðinda. Þá var
mótið haldið í Turku, Finnlandi.
Meiðsli Skúla háðu honum enn í
bekkpressunni, en í hinum tveim-
ur greinunum var hann orðinn
geysisterkur. Til leiks voru mættir
allir sterkustu mennirnir og var
flokkur Skúla sá fjölmennasti á
mótinu.
Rick Gaugler frá USA var tal-
inn mjög sigurstranglegur. Hann
hafði unnið bandaríska meistara-
mótið með yfirburðum og átti
heimsmetið í samanlögðu í flokkn-
um. Þá var einnig mættur Peter
Fiore, sem nú var orðinn breskur
ríkisþegn. Skildu hann og Skúli nú
eigast við á ný. Finninn Jouku Ny-
yssönen átti einnig eftir að halda
uppi heiðri Finna með sóma.
Gaugler átti slæman dag. I
fyrstu greininni, hnébeygju, féll
hann úr og þar með hans vonir um
heimsmeistaratitil.
Við þetta glæddust vonir Islend-
inga og Breta. I hnébeygjunni var
Skúli yfirburðamaður. Hann tók
7.5 kg. forskot á Fiore og átti hugi
og hjörtu áhorfenda þar sem ann-
arsstaðar. I síðustu tilraun var
stöngin hlaðin í nýtt heimsmet,
300.5 kg. fyrir Skúla. Hann lyfti
þyngdinni, en af einhverjum
ástæðum var lyftan dæmd af hon-
um og þurfti Skúli að bíða í tvö ár
í viðbót til að sá draumur rættist.
í næstu grein, bekkpressu fór á
annan veg. Fiore lyfti 180 kg. á
móti aðeins 130 kg. hjá Skúla.
Finninn Nyyssönen lyfti 175 kg.,
þannig að röðin var orðin verulega
breytt.
í réttstöðulyftunni sýndi Skúli
sínar bestu hliðar. Fiore lyfti 265
kg. og var þá kominn með í sam-
anlögðu 732,5 kg. Finninn lyfti 270
kg. og hafði þá lyft 720 kg. í sam-
anlögðu. En Skúli hafði ekki sagt
sitt síðasta orð. Hann byrjaði á
280 kg., sem gaf honum þriðja
sæti, síðan lyfti hann 297,5 kg. og
skaut sér upp fyrir Finnann. Til
að ná gullinu og heimsmeistara-
titlinum þurfti Skúli því að lyfta
310 kg. í þriðju tilraun.
Eftirvæntingin og spenningur-
inn í salnum var gífurlegur, mátti
heyra saumnál detta. Smám sam-
an losnaði þessi ógnarþyngd frá
gólfinu, þyngd sem er 4 sinnum
líkamsþyngd Skúla og 10 kg. bet-
ur. Áhorfendur risu úr sætum, því
meir sem þyngdin fór ofar, og þá
fylltist salurinn sárri vonbrigða-
stunu, greipar Skúla héldu ekki
þyngdinni þó aflið væri nóg til að
lyfta henni. Lauk þar með viður-
eign Fiore og Skúla á sama veg og
í fyrra skiptið.
Eftirá sögðu bresku þjálfararn-
ir, að þeir hefðu ekki verið í rónni
fyrr en að þessari lyftu lokinni.
Larry Pacifico, nífaldur heims-
meistari í greininni sagði: „Ef ég
hefði átt að kjósta besta mann
mótsins hefði ég ekki verið í vafa,
Skúli er stórkostlegur." Ekki ama-
leg ummæli frá slíkum manni.
Á þesu móti keppti einnig Óskar
Sigurpálsson og hafnaði hann í 6.
sæti í 110 kg. flokki.
Árið 1979 var mótið haldið í
Dayton, Ohio, USA. Flest aðildar-
ríki Alþjóða kraftlyftingasam-
bandsins sendu lið til keppninnar
og Island sendi 6 keppendur. Þeir
voru Kristján Kristjánsson, ÍBV,
Skúli Óskarsson, UÍA, Sverrir
Hjaltason, KR, Gunnar Stein-
grímsson, ÍBV. Óskar Sigurpáls-
son, ÍBV og Arthúr Bogason, IBA.
Glæsilegur árangur náðist hjá
okkar mönnum og lentu allir í
5.-6. sæti í sínum flokkum, nema
Skúli Óskarsson, sem féll úr.
Vegna fjölda keppenda okkar
fékk Skúli ekki þá aðstoð, daginn
áður en hann keppti, sem hann
þurfti. Það leiddi til þess, að hann
gætti ekki að líkamsþunga sínum í
tíma. Frá þessu er svo sagt í
ársskýrslu LSI: „Skúli reyndist við
fyrstu viktun einu kílói of þungur
og hófust hjá honum örvænt-
ingarfullar tilraunir til að ná þvi
af. Kappdúðaður varð hann að
hlaupa sér til svita og það merki-
lega og ótrúlega gerðist, að einum
og hálfum tíma síðar við lok vigt-
unar stóðst hann vigt. Var nú
stutt til þess að keppnin hæfist
hjá honum. Ekki kræsilegt að fara
að keppa þreyttur eftir það sem á
undan var búið að ganga."
Keppninni er svo lýst: „290 kg.
voru á stönginni og einungis Skúli
og heimsmethafinn áttu eftir að
fara upp á pallinn. Skúli var kall-
aður upp og við hvatningaróp fé-
laga sinna gekk hann að stönginni
til að lyfta. Við fylgdum honum
með augunum og sáum hann byrja
lyftuna án þess að bíða merkis
dómarans og klára hana auðveld-
lega. Rauð Ijós komu réttilega frá
dómurunum þremur. Aftur skyldi
reynt við sömu þyngd, en nú gerist
það ótrúlega, að keppnisbúningur-
inn sprakk og tilraunin eyðilagð-
ist. Þrjár mínútur voru til stefnu,
þar til Skúli yrði að vera byrjaður
sína síðustu tilraun við 290 kg.
Skúli náði að skipta um búning og
byrja tilraunina áður en klukkan
féll, en flýtti sér of mikið og lyftan
ónýttist og verðlaunadraumar Is-
lands úr sögunni. Skúli var ekki
einn um að vera óheppinn, því vin-
ur hans, heimsmeistarinn Fiore
frá í fyrra, féll einnig úr.
Árið 1980 var HM haldið í Tex-
as, USA. Ákveðið var að senda
ekki keppendur á það mót. Ástæð-
an var aðallega sú, að LSI, sem
hefur yfirstjórn bæði kraftlyft-
inga og lyftinga, hélt hér á landi
um svipað leyti NM unglinga í
lyftingum og taldi það nægilegt
verkefni. Skúli notaði nú tækifær-
ið til að einbeita sér að langþráðu
heimsmeti. Það tókst hjá honum
hinn 1. nóv. 1980, er Skúli lyfti
315.5 kg. í réttstöðulyftu í 75 kg.
flokki og varð fyrstur Islendinga
til að setja heimsmet.
Nú á árinu 1981 verður HM
haldið í Indlandi og var ákveðið
hjá LSI að senda einungis þá sem
möguleika ættu á verðlaunasæti.
íslandsmet Skúla í 75 kg. flokki er
742.5 kg. sett árið 1979. Á Evrópu-
meistaramótinu í vor lyfti Skúli í
næsta flokki fyrir ofan 770 kg. og
stefnir hann að því að ná þeirri
þyngd nú í 75 kg. flokknum.
Heimsmeistarinn Gaugler frá
Bandaríkjunum verður líklega
ekki með í Calcutta og er ekki lík-
legt að maður verði sendur i hans
stað.
Frá Canada kemur hættulegasti
andstæðingur Skúla, læknirinn
Mauro De Pasquale, sem fékk
silfurverðlaun í fyrra og lyfti 765
kg. Frá Svíþjóð kemur Lars Back-
lund, sem var með bronsverðlaun
og lyfti einnig 765 kg., öruggur
keppnismaður, sem vann Evrópu-
meistaratitilinn 1979 og 1980.
Frá Bretlandi kemur Steve Al-
exander Evrópumeistarinn 1981,
vann það mót á 732,5 kg. og er í
stöðugri framför. Ástralíumenn
binda miklar vonir við Waddel,
sem á 722,5 kg. og sækir stöðugt í
sig veðrið.
Ekki er hægt að segja með vissu
hvaða keppandi verður í 75 kg.
flokki frá Japan. Meistaramótið
vannst á 680 kg. af Nakagawa, en í
næsta flokki fyrir ofan 3,5 kg. yfir
75 kg. mörkunum vann Nakao með
nýju japönsku meti 767,5 kg. Hann
gæti orðið hættulegur, ef hann
færi í flokkinn til Skúla.
Tommy Ward frá Írlandi lyfti
705 kg. á írska meistaramótinu og
gerir þjálfari hans sér vonir um
740 kg. á HM, en sú þyngd gæti
þýtt verðlaun í svækjunni í Cal-
cutta.
Aðrir keppendur í flokknum
verða frá Noregi, Finnlandi,
Belgíu, Frakklandi, Sviss, Hol-
landi, Spáni, Ítalíu, Þýskalandi,
Bolivíu, Brasilíu, Nýja Sjálandi og
auðvitað Indlandi, en indverska
metið er 587,5. Keppendur þessara
þjóða verða ekki í verðlauna-
baráttunni.
Jón Páll Sigmarsson er aðeins
21 árs og hefur ekki áður keppt á
heímsmeistaramóti. Hann er þó
ekki óþekktur, sterkasti kraftlyft-
ingamaðurinn á íslandi og á þest
912.5 kg. Hann hefur tvívegis unn-
ið til silfurverðlauna á Evrópu-
meistaramóti. I Zúrich 1980 og
Parma 1981, auk þess að hafa ver-
ið Norðurlandameistari í þyngsta
flokki bæði síðustu ár, og sett
nokkur Evrópumet í réttstöðu-
lyftu.
Líklegur sigurvegari í flokki
Jóns er E. Hackett, USA, en hann
lyfti á bandaríska meistaramótinu
990 kg.
Roger Ekström, Svíþjóð, Evr-
ópumeistarinn 1981 á best 912,5
kg. verður örugglega í verðlauna-
sæti og gæti allt eins farið að Jón
Páll færi upp fyrir hann. Baráttan
um næstu sæti, ef Jón Páll verður
undir í baráttunni við Ekström,
verður þá milli hans og Seese,
Þýskalandi, Kjell Ivar Wien, Cap-
ica, Ástralíu og ef til vill Saarela-
inen, Finnlandi.
ÞAI) KR ekki á hverjuni degi seni
Akureyringar eignast heimsmeistara
í íþróttum. Kinn slíkan eignuðust
þeir þó eigi alls fyrir löngu er Jó-
hunnes Hjálmarsson gerði sér lítið
fyrir og sigraði í sínum flokki á
heimsmeistaramóti öldunga í kraft-
lyftingum, sem fram fór í Naperville,
útborg ('hicago í Bandaríkjunum.
Jóhannes sneri heim úr þessari
frægðarför á laugardaginn ásamt
syni sir.um Halldóri sem var aðstoð-
armaður i'.ans á mótinu. Var þá mik-
ill mannfjöldi samankominn á Akur
eyrarflugvclli lil að taka á móti
kappanum. Þar á meðal margir
frammámenn íþrótumála í bænum
svo og margir félaga Jóhannesar úr
lyftingunum, auk annarra. Voru hon-
um færðir blómvendir frá iyftinga-
ráði Akureyrar og einnig frá íélagi
hans, Iþróttafélaginu Þór.
Eftir að heimsmeistarinn hafði
tekið við þessum gjöfum náði und-
irritaður að spjalla stuttlega við
hann. Aðspurður kvaðst hann ekki
hafa búist við að sigra, „en ég er
að sjálfsögðu mjög ánægður með
árangurinn". Að sögn Jóhannesar
voru keppendur frá mörgum þjóð-
löndum á þessu móti. Jóhannes
keppti í 100 kg flokki og í honum
voru Þjóðverji, Kanadamaður og
Frakki auk Islendingsins sterka.
Jóhannes sagði að langt væri síð-
an hann hefði ákveðið að taka þátt
í þessu móti og hefði undirbúning-
ur fyrir það nú staðið yfir í hálft
ár. Eins og áður hefur komið fram
sigraði Jóhannes með talsverðum
yfirburðum í sínum þyngdar-
flokki, hann lyfti 37,5 kg meira
samanlagt en sá sem varð númer
tvö. Þegar keppni í síðustu grein-
inni, réttstöðulyftu, hófst, var Jó-
hannes 7 kg undir fyrsta manni en
hann gaf sig ekki og reif upp 257,2
kg í þriðju lyftu sinni og trvggði
sér þennan stórglæsilega sigur.
En hváð skyldi vera framundan
hjá heimsmeistaranum Jóhannesi
Hjálmarssyni? „Það eru bara
áframhaldandi æfingar og keppni
— og vonandi næ ég að bæta mig
ennþá meira.“
— sh.
• Jóhannes lljálniarsson ásamt eiginkonu sinni Olöfu Pálsdóttur.
I.josm. Kcvnir.