Morgunblaðið - 03.11.1981, Blaðsíða 27

MORGUNBLAÐIÐ, ÞRIÐJUDAGUR 3. NÓVEMBER 1981
27
errier • Kappa
• Hið fræga New York-maraþonhlaup fór fram fyrir skömmu. Alls tóku
16.000 keppendur þítt í hlaupinu. A efri myndinni má sjá hvar hlaupararnir
fara yfir Verrazno-brúna. En á neðri myndinni má sjá hvar sigurvegarinn í
hlaupinu Alberto Salazar kemur í mark. Alberto setti nýtt heimsmet, hljóp
vegalengdina 42,2 km á 2:08:13 klst.
• Þessi mynd er af einu nafntogaðasta knattspyrnuliði Akureyrar um langt skeið. Þessir kappar kalla
lið sitt „Early sunrise". Lið þetta hefur marga hildi háð og oftast komið út sem sigurvegari. Eins og sjá
má á myndinni eru í liðinu margir kunnir knattspyrnumenn. Meira að segja fyrrverandi landsliðskappar
eins og Skúli Ágústsson og Kári Árnason. Þegar þessi mynd var tekin af liðinu höfðu kapparnir nýlokið
keppni við skipverja af portúgölsku skemmtiferðaskipi sem kom til Akureyrar síðastliðið sumar. Kraman-
af leiknum höfðu leikmenn „Early sunrise" umtalsverða yfírburði. En er líða tók á bar á mikilli gestrisni
þeirra norðanmanna og Portúgöiunum tókst að jafna metin undir lokin. Leiknum lauk með jafntefli
5—5. Það kunnu portúgölsku leikmennirnir vel að meta og buðu heimaliðinu til skips eftir leikinn í
góðan fagnað.
Early Sunrise Akureyri
• Koy Amundssen sá er sló þrjá
niður í leik í 3. deild.
• Dómarinn í leiknum, Tor Moyen, liggur meðvitundarlaus á vellinum.
Rotaði dómarann
og sló tvo niður
ÞAD er ekki oft sem leikmenn
ganga berserksgang í knattspyrnu-
leikjum. En það skeði nú samt síð-
astliðið sumar í 3. deildinni í Noregi.
Landslidsniarkvörðurinn Koy
Amundssen gerði sér lítið fyrir og
rotaði dómara leiksins og sparkaði
síðan í hann liggjandi og sló tvo
leikmenn úr liði mótherjanna niður.
Þetta gerðist í leik Snögg og
Assiden. Dæmt var fríspark á
mótherja Amundssens. En að
hans mati var mótherjinn að
handleika boltann of lengi og lét
hann ekki strax af hendi. Og áður
en hann vissi af fékk hann hnef-
ann í andlitið frá Amundssen.
Dómarinn kom þegar í stað og gaf
markverðinum rauða spjaldið. En
í staðinn fékk hann rothögg og þar
sem hann lá á jörðinni kom
Amundssen og sparkaði í hann
liggjandi. Þegar einn leikmaður
ætlaði sér að ganga í milli fékk
hann líka hnefahögg. Nú skarst
lögregla í leikinn og Amundssen
var fjarlægður, dómarinn fluttur
á sjúkrahús og leikurinn stöðvað-
ur.
Roy Amundssen sem er fyrrum
Noregsmeistari í fjölbragðaglímu
sagði eftir leikinn að hann skildi
bókstaflega ekkert í því sem hann
hefði gert. Ég var í öðrum heimi.
Hann fékk 3 ára leikbann fyrir at-
vikið.
• Það er á ýmsan hátt sem kapplið undirbúa sig fyrir leiki. Leikmenn kyrja hróp, jafnvel baráttusöngva. Þetta lið
sem er frá SuðurKóreu undirbýr sig á óvenjulegan hátt. Þegar út á leikvöllinn er komið leggjast allir á hné og fara
með bænir sínar, og biðja sjálfsagt um sigur í leiknum.