Morgunblaðið - 18.12.1982, Blaðsíða 2

2
MORGUNBLAÐIÐ, LAUGARDAGUR 18. DESEMBER 1982
Nú er sá timi er yngstu borgararnir halda litlu jól, en það er viðburður sem fæstir æskumenn vilja missa af. Meðfylgjandi mynd var tekin i
Fellaskólanum í gær og er ekki annað að sjá en unga fólkið lifi sig inn í skemmtunina. Morininbia«i«/ rax
Algengt að öryggisbúnaður sé í
ólagi og haffærisskírteini útrunnin
187 kíló af
smyglaðri
kjötvöru
gerð upptæk
TOLLG/EZLAN hefur að undan-
förnu kannað hvort eitthvað væri af
smyglaðri kjötvöru í umferð í
Reykjavik, þar sem þótt hefur bera á
smyglvarningi af þessu tagi og orð-
rómur þar að lútandi verið á kreiki.
Við leit fundust 187 kíló af
smyglaðri kjötvöru í fjórum verzl-
unum og einni smurbrauðsstofu í
borginni, og var lagt hald á þenn-
an varning. Af smyglvarningnum
reyndust 67 kíló vera kalkúnar, 26
kíló spægipylsa, 63 kíló skinka og
31 kíló af hamborgarhrygg.
Önnur prentun
af Kvistum
í lífstrénu
KVISTIR i lífstrénu, samtalsbók Árna
Johnsen, er nú uppseld hjá forlaginu
Erni og Örlygi, 3.000 eintök. Bókafor-
laginu hefur tekizt að fá prentuð 1.000
eintök í viðbót fyrir jól og fær það þær
bækur til dreifingar eftir helgina, segir
í fréttatilkynningu frá Erni og Örlygi.
Nafnasamkeppni
Flugleiða:
— segir skipaskoðunarmaður Siglingamálastofnunarinnar
„ÞETTA EFTIRLIT hefur gefið
góða raun og á þessu ári hefur
mörgum skipum verið vísað til
hafnar þar sem haffærisskírteini og
ýmiss lögboðinn öryggisbúnaður
hefur ekki verið í lagi eða hann
hreinlega vantað. Einnig vitum við
að mörg skip hafa haldið til hafnar
til að ganga frá sínum málum þegar
þau hafa orðið vör eftirlitsmanna í
nálægum skipum. Það er því miður
alltof mikið um að lögboðinn örygg-
isbúnaður sé ekki í lagi og að haf-
færisskírteini séu útrunnin. Ég held
þetta sé hið almenna kæruleysi
okkar fyrir lögum og reglura miklu
fremur en menn séu að reyna að
koma sér hjá því að hafa þessa hluti
í lagi,“ sagði Páll Guðmundsson,
skipaskoðunarmaður hjá Siglinga-
málastofnun, er hann var spurður
hvort algengt væri að lögboðinn ör-
yggisbúnaður íslenzkra fiskiskipa
væri í ólagi og haffærisskírteini út-
runnin.
Páll sagði að Landhelgisgæzlan
hefði litið eftir því hvort þessir
hlutir væru í lagi þegar farið
væri um borð í fiskiskipin til að
athuga veiðarfæri þeirra. Á sein-
ustu þremur vikum hefur gæzlan
haft afskipti af 11 netaveiðibát-
um fyrir Suðurlandi, Vesturlandi
og Norðurlandi. Bátar þessir hafa
verið á netaveiðum ýmist án þess
að hafa haft tilskilin veiðileyfi,
eða þeir hafa verið með ranglega
merkt veiðarfæri eða ómerkt, og
einnig hefur verið um að ræða of
Langt í land að samkomulag
verði um stjórnarskrármálið
„ÞAÐ hefur enn engin endanleg niðurstaða fengist í stjórnarskrármálinu,
hvorki varðandi efnisatriði né málsmeðferð,“ sagði Ólafur Ragnar Grímsson
formaður þingflokks Alþýðubandalagsins í samtali við blaðamann Morgun-
blaðsins í gær. Olafur sagði að næsta skref i málinu yrði væntanlega það, að
stjórnarskrárnefnd lyki við að ræða vinnutilhögun í málinu, og sendi það
síðan til þingflokkanna.
Þá kæmi að þingflokkunum að
ræða málið, og hlyti það að fara
eftir því að hve miklu leyti þeir
yrðu sammála, hve fljótt málið
gengi fyrir sig. Er Ólafur Ragnar
var spurður álits á þeim ummæl-
um forsætisráðherra, að frumvarp
að nýrri stjórnarskrá yrði lagt
fram í janúar, sagði hann að þar
gætti væntanlega nokkurs mis-
skilnings. Vinnutillögur gætu
hugsanlega legið fyrir í janúar, en
því sem næst útilokað væri að
lagafrumvarp gæti birst þá. Sagði
Ólafur að ef svo ætti að verða,
yrðu þingflokkarnir að vera sam-
mála í flestum greinum málsins,
en ekkert benti til þess að
heildarsamkomulag væri í sjón-
máli. Framsóknarflokkurinn hefði
til dæmis lagt til að haldið yrði
stjórnlagaþing um málið, alls ekki
væri búið að ganga frá hugmynd-
um um afnám deildaskiptingar
Alþingis, flestir teldu að veita
þyrfti mun fleiri aðilum en þing-
flokkunum tækifæri til að kynna
sér málið, og ekki væri nema eðli-
legt að um breytingar á stjórn-
arskránni færu fram miklar um-
ræður úti í þjóðfélaginu. Stjórn-
arskrárnefnd hefði starfað að
mestu á lokuðum fundum í all-
mörg ár, en opna þyrfti umræðuna
áður en málið yrði lagt fram. Þá
sagði Ólafur að margt af því sem
nú væri á vinnslustigi í stjórn- I
arskrárnefnd, væri enn órætt inn-
an þingflokkanna. Miðað við ým
islegt annað, mætti gera ráð fyrir
að umræður um þessi atriði tækju
mánuði. Það hlyti því að vera mis-
skilningur er forsætisráðherra
talaði um að leggja frumvarpið
fram í janúar nk.
Þá kvað Ólafur Ragnar gæta
nokkurs misskilnings varðandi
hlutverk stjórnarskrárnefndar í
þessu máli. Hún væri í rauninni
ekki annað en vinnunefnd þing-
flokkanna, og því væri eðlilegast
að fulltrúar þingflokkanna í
nefndinni gerðu flokkunum nú
grein fyrir störfum nefndarinnar.
Einnig sagði Ólafur Ragnar það
alls ekki ljóst eða frágengið, hver
legði frumvarpið fram þegar þar
að kæmi. Það gætu verið fulltrúar
þingflokkanna, hugsanlega for-
menn flokkanna, eða ríkisstjórnin
og hugsanlega forsætisráðherra.
Allt væri það órætt enn, og þyrfti
að taka ákvarðanir um það innan
þingflokkanna.
mörg net í sjó. Var viðkomandi
skipum stefnt til hafnar.
Nú í vikunni kom varðskip að
togaranum Gylli ÍS 261 frá Flat-
eyri úti fyrir Vestfjörðum. Við
skoðun reyndist haffærisskírteini
Gyllis hafa runnið út fyrir þrem-
ur mánuðum, og gaf skipherra
varðskipsins því fyrirmæli um að
togarinn skyldi strax sigla til
hafnar. Sigldi hann til ísafjarðar
til að koma málum sínum í lag.
„Það kemur alloft í ljós, að ár-
leg skoðun á björgunarbátum,
slökkvitækjum og öðrum örygg-
isbúnaði hefur ekki farið fram, en
því má bæta við, að stundum eru
þessir hlutir í lagi þótt haffær-
isskírteini sé útrunnið. Haffær-
isskírteini eru gefin út árlega og
eitt ár í senn, og eiga að vera
staðfesting á því að allt sé í lagi
um borð í skipunum, gagnvart
tryggingum og öðru,“ sagði Páll.
Hátt á áttunda
hundrað til-
lögur bárust
SÆMUNDUR Guðvinsson, frétU-
fulltrúi Flugleiða, sagði í samtali við
Mbl., að hátt á áttunda hundrað tillög-
ur hefðu borizt um nöfn á flugvélar
félagsins í samkeppni þar að lútandi,
en tillögurnar eni frá liðlega 400 ein-
staklingum.
Þess má geta, að vélar Flugfélags
íslands og Loftleiða báru allar nöfn á
sínum tíma, en eftir sameiningu félag-
anna hafa einungis einkennisstafir ein-
kennt þa r.
Sérstök dómnefnd, sem er skipuð
þeim Birni Theódórssyni, fram-
kvæmdastjóra markaðssviðs Flug-
leiða, Leifi Magnússyni, fram-
kvæmdastjóra flugrekstrarsviðs
Flugleiða, og Ólafi Stephensen, mun
síðan kveða upp úrskurð í sam-
keppninni fyrir 15. janúar nk.
Ingólfur Jónsson:
Styð Eggert Haukdal
„MÍN skoðun er sú sama og fyrir
síðustu alþingiskosningar, að ég
mun styðja Eggert Haukdal í kom-
andi kosningum og tel, að hann
Launataxtar skertir um
43% frá því í júní 1979
„ÞEGAR þetta er ritað í byrjun des-
ember er Ijóst að launataxtar hafa
verið skertir um 43% frá því í júní
1979. Þetta hefir verið gert með niður-
skurði verðbóta á laun. Þetta er það
sem á vantar til þess að umsamdir
launataxtar séu í gildi,“ segir Sigfinn-
ur Sigurðsson, hagfræðingur Verzlun-
armannafélags Reykjavikur, í grein er
hann ritar í nýjasta VR-blaöiö, sem er
málgagn félagsins.
„Grunnkaupshækkanir á tímabil-
inu hafa numið 28% á sama tíma og
ná því ekki að jafna skerðinguna.
Ýmsar félagslegar ráðstafanir hafa
á þessum tíma náð fram og hafa
þær verið mældar af stjórnvöldum
til kjarabóta, nú síðast fyrirheit um
lengingu orlofs.
Þetta er af hinu góða. En það er
skemmst frá því að segja, að engar
ákvarðanir stjórnvalda geta þó
reynzt svo góðar, að þær komi í
staðinn fyrir frjálsan samningsrétt.
Frjáls samningsréttur er meðal
annars í því fólginn, að samnings-
aðilar komi fram sem fulltrúar
andstæðra hagsmuna og beiti áhrif-
um sínum til að ná samkomulagi. í
slíkum tiifellum er það óþolandi að
annarhvor eða báðir aðilar eigi sí-
fellt yfir höfði sér ógildingu samn-
ingsákvæða af hálfu ríkisforsjár.
Slíkt endar ekki nema á einn veg, —
á því að ríksivaldið tekur samn-
ingagerðina í sínar hendur. Vilji til
samningagerðar hjá eiginlegum
samningsaðilum hlýtur að dofna
við slíkar aðstæður.
Það verður því að segjast eins og
er, að boðuð lenging orlofs með lög-
um án samráðs við aðila vinnu-
markaðarins, er ekki í anda þeirra
vinnubragða sem æskileg eru á
þessu sviði. Menn mega fagna leng-
ingu orlofs, en sú lenging verður
ekki ókeypis. Hún er hluti ai-
mennra kjarabóta. En aðstæður eru
víða þannig í dag, að margir hefðu
viljað taka kjarabæturnar í annarri
röð eða a.m.k. að undangenginni
umræðu um kjaramálin í heild,"
segir Sigfinnur Sigurðsson.
hafi ekki unnið til annars,“ sagði
Ingólfur Jónsson, fyrrverandi
ráðherra, í samtali við Morgun-
blaðið í gær er hann var spurður
um afstöðu sína til prófkjörsfram-
boðs Eggerts Haukdal að gefnu
tilefni fréttar í Helgarpóstinum í
gær, sem sagði að Ingólfur hefði
látið af þeim stuðningi.
„Ég veit ekki til að fylgi Egg-
erts hafi minnkað í Rangár-
vallasýslu eða kjördæminu yfir-
leitt," sagði Ingólfur Jónsson
ennfremur.
Ingólfur Jónsson var spurður
um afstöðu hans til ákvörðunar
fulltrúaráðs sjálfstæðisfélag-
anna á Hellu um að frambjóð-
endur í prófkjöri sjálfstæð-
ismanna í Suðurlandskjördæmi
skyldu vera þrír. Hann sagði:
„Ég var ekki á þessum fundi og
hef ekki tekið afstöðu til þess,
hvort Rangæingar eigi að vera 3
eða 5, sem taka þátt í væntan-
legu prófkjöri, en verði þeim
fækkað í þrjá tel ég ófært, að
það verði ákveðið af fámennu
fulltrúaráði, heldur verði að
fara fram almenn skoðanakönn-
un í sýslunni um það.“