Morgunblaðið - 18.12.1982, Blaðsíða 42

A/*”v
42
MORGUNBLAÐIÐ, LAUGARDAGUR 18. DESEMBER 1982
Laugavegi lokað síðdegis
í dag og á Þorláksmessu
SKIPULÖGÐ hefur verið sérstök
hringleið frá Umferðarmiðstöðinni
að helztu verzlunargötum í miðbæn-
um í dag og á Þorláksmessu, en
þessa daga verður Laugavegurinn
lokaður annarri umferð en strætis-
vagna frá hádegi. í samtali við Eirík
Asgeirsson, forstjóra Strætisvagna
Reykjavíkur, kom fram, að á þennan
hátt verður reynt að gera fólki auð-
velt að komast í verzlanir við þessar
götur. Kinnig sagði Eiríkur, að for-
vitnilegt yrði að sjá hvort mikið yrði
um að fólk nýtti stórt bílastæði við
Umferðarmiðstöðina, sem sérstak-
lega verður útbúið þessa daga.
Morgunblaðinu hefur borizt eftir-
farandi fréttatilkynning vegna
þessa:
1. Laugavegi verður lokað fyrir
umferð annarra ökutækja en
strætisvagna í dag, laugardaginn
18. des., kl. 13—22 og á Þorláks-
messu kl. 13—23, þó með þeirri
undantekningu að öll umferð er
heimiluð þessa tvo daga á tímabil-
inu milli kl. 19 og 20 vegna vöru-
dreifingar í verslanir.
2. Með tilliti til takmörkunar á
umferð um Laugaveginn þessa
daga hafa Strætisvagnar Reykja-
víkur skipulagt sérstaka leið
(hringleið) til að auðvelda starfs-
fólki verslana og viðskiptavinum
að nota bifreiðastæði fjær Lauga-
veginum.
Við Umferðarmiðstöðina verður
útbúið bifreiðastæði og þaðan
munu strætisvagnar aka á 15 mín-
útna fresti frá kl. 13 til 23 í dag og
frá kl. 13 til 24 á Þorláksmessu.
Leið vagnanna frá Umferðar-
miðstöð liggur um Njarðargötu,
Sóleyjargötu, Fríkirkj uveg, Lækj-
argötu, Hverfisgötu á Hlemm og
þaðan um Snorrabraut, Hring-
braut að Umferðarmiðstöð.
3. Gjaldskylda verður í stöðu-
mæla fyrrgreinda tvo daga á með-
an verslanir eru opnar. Þá verður
bifreiðastæði í Tollhúsinu við
Tryggvagötu opið á sama tíma.
4. Vakin er athygli á því, að
vinstri beygja af Barónsstíg og
hægri beygja af Vitastíg inn á
Laugaveg eru bannaðar á mánu-
dögum og föstudögum milli kl. 16
og 18 til að greiða fyrir akstri
strætisvagna á Laugaveginum.
Þetta bann kom fyrst til fram-
kvæmda föstudaginn 10. desember
og verður framvegis til reynslu.
5. Lögreglan verður með aukna
löggæslu þar sem þess er mest
þörf í borginni fram að jólum og
mun þannig greiða fyrir og að-
stoða fólk í þeirri miklu umferð
sem framundan er.
6. Starfsmenn versiana og ann-
arra fyrirtækja í miðborginni eru
hvattir til að leggja bifreiðum sín-
um fjær vinnustað en venjulega
fram að jólum. Er þá sérstaklega
bent á nýlega gert bifreiðastæði
milli Vatnsstígs og Frakkastígs á
lóð Eimskips, sem Reykjavíkur-
borg hefur á leigu.
7. Fólki utan Reykjavíkur, sem
leið á til borgarinnar með lang-
ferðabifreiðum, er sérstaklega
bent á þjónustu strætisvagnanna
frá Umferðarmiðstöðinni laugar-
daginn 18. desember og á Þor-
láksmessu.
8. Fólk er almennt hvatt til að
notfæra sér strætisvagnana sér-
staklega dagana fram að jólum til
að létta á umferð og spara sér
tíma og erfiðleika við leit að bif-
reiðastæðum.
Umferðarnefnd Reykjavíkur
Lögreglan í Reykjavík
Strætisvagnar Reykjavíkur
PÉTUR GUNNARSSON: ljosmynd jim suart
PERSÓNUR OG LEIKENDUR
Sjálfstæð skaldsaga í flokki sem hófst með „PUNKTINUM" og „ÉG UM MIG“.
Mér þykir þetta vera skemmtileg bók. Sumir kaflar hennar eru stórkostlega fyndnir... Það hefur oft
verið minni ástæða til að óska höfundi til hamingju með bók sína.
ILLUGI JÖKULSSON, TÍMINN.
Persónur og leikendur er bráðskemmtileg saga og fjarska vel samin, hvert orð, hver líking, leikbragð
máls og hugsunar í sögunni vandlega valið og yfirvegað að sjá og þó svo áreynslulaust..."
ÓLAFUR JÓNSSON, DAGBLAÐIÐ-VÍSIR.
„Það sem einkennir Pétur Gunnarsson er hnitmiðaður stíll, einstaklega fyndinn og skemmtilegur á
köflum. Hann bregður upp myndum úr samtíð sinni... hann er málsvari kynslóðar sinnar og gagnryn-
andi um leiðJÓHANN HJÁLMARSSON, MORGUNBLAÐIÐ.
„Af ástæðum sem lesendur þessarar bókar (vonandi verða þeir margir) munu skilja getur ritdómari
naumast leyft sér að segja að með henni hafi Pétur Gunnarsson skipað sér á bekk með fremstu
rithöfundum þjóðarinnar. En ég ætla samt að láta mig hafa það!“
HEIMIR PÁLSSON, HELGARPÓSTURINN.
Zontakonur með jólabasar
Zontaklúbburinn í Reykjavík hef-
ur jóla- og kökubasar í dag, laugar-
daginn 18. desember, kl. 14 á Hall-
veigarstöðum.
Er þetta tekjuöflun fyrir
svonefndan Margrétarsjóð, en
hann er kenndur við Margréti
Rasmus, skólastjóra Heyrnleys-
ingjaskólans og fyrsta formann
klúbbsins. Hefur sjóðurinn í ára-
tugi styrkt heyrnarlausa, einkum
meðan málefnum þeirra var lítið
sinnt. En á síðustu árum með
kaupum á tækjum í heyrnar- og-
talmeinastöð og nú námsstyrk til
fólks sem sérhæfir sig á þessu
sviði.
Hafa Zonta-konur unnið ýmsa
hluti og bakað á basarinn. Þar eru
á boðstólum m.a. smákökur, laufa-
brauð, jólaskraut og munir til
jólagjafa, prjónaðir sokkar og
vettlingar og saumaðar svuntur
o.fl.
Zonta-konur með jólabasar. M.a. hafa þær bakað smikökur og sett í skreytt-
ar dósir.
Bamlaus, eignalaus einstaklingiir:
Fær 1.650 krónur 1 lág-
launabætur í desember
hafi hann haft 70.000 krónur í laun á árinu 1981
ÞANN 9. desember sl. var gefin út
reglugerð um sérstakar bætur til lág-
tekjufólks úr ríkissjóði að upphæð
50 millj. kr. Byggist þetta á ákvæð-
um bráðabirgðalaga ríkisstjórnar-
innar og er hugsað sem fyrsta
greiðslan af þremur. Er samtals ætl-
að að greiða 175 millj. kr. til lág-
tekjufólks i lok þessa árs og á fyrri
hluta ársins 1983 í samræmi við yfir-
lýsingu ríkisstjórnarinnar frá 21. ág-
úst sl. í þeim tilgangi að vega á móti
tekjuskerðingu bráðabirgðalaganna,
segir í frétt fjármálaráðuneytisins.
Ennfremur segir:
Bætur þessar byggjast á
skattframtölum ársins 1982 (tekj-
ur ársins 1981 og eign í lok þess
árs) og greiðist til u.þ.b. 50 þúsund
einstaklinga sem fá að meðaltali
um 3.500 kr. alls í þremur greiðsl-
um, í desember 1982, mars 1983 og
júní 1983. Fyrir meginþorra þessa
fólks nema þessar bætur 5—7% af
útsvarsskyldum tekjum liðins árs.
Bæturnar eru miðaðar við
launagreiðslur en ekki aðrar teg-
undir tekna. Opinberir styrkir eða
bætur veita ekki rétt til bóta. Að
öðru jöfnu fá þeir bætur sem voru
á launabilinu 25—100 þús. kr. á
árinu 1981. Sérstök áhersla hefur
verið lögð á fólk sem hefur fyrir
heimili að sjá og jafnframt eykur
barnafjöldi rétt til launabóta.
Verulegar eignir rýra bótarétt,
svo og ef veittur hefur verið nokk-
ur námsfrádráttur. Að öðru jöfnu
skerðast bætur ef hrein eign er
umfram kr. 326.250 hjá einstakl-
ingi, en kr. 652.500 hjá hjónum.
Til samanburðar má nefna að
fjögurra herbergja meðalíbúð í
fjölbýlishúsi í Reykjavík var met-
in á 430.000 til 470.000 kr. Þeir sem
eiga skuldlausa eign sem nemur
verulega hærri fjárhæð en verði
meðalíbúðar, fá því ekki greiddar
láglaunabætur.
Reiknaðar bætur skerðast
ennfremur um 40% af því sem
tekjur eru umfram 75.000 að teknu
tilliti til eignar. Hámarkstekjur
án skerðingar hækka um 10.000
kr. fyrir hvert barn og skiptist sú
fjárhæð til helminga milli hjóna.
Hámarksbætur fyrir barnlaus-
an eignalítinn einhleyping eru
þegar tekjurnar eru um 75.000 kr.
á árinu 1981 en fjara út við 98.200
kr. tekjur. Til samanburðar má
benda á að heildarárstekjur fyrir
dagvinnu skv. 7A taxta Dags-
brúnar námu 52.000 kr. árið 1981.
Tillit til framfærslubyrðar
hjóna er tekið með því að miða
skerðingu reiknaðra launabóta við
það sem hærra er, 80% af skerð-
ingarstofni viðkomandi eða 50%
af samaniögðum skerðingarstofni
beggja hjóna.
I framhaldi af þessu er gert ráð
fyrir hækkun tekjutryggingar,
þannig að þeir sem hana fá taki
ekki á sig neina skerðingu vegna
lækkunar verðbóta 1. desember sl.
Einnig munu heimilisbætur og
svokallaðir vasapeningar hækka
aukalega til að vega upp skerð-
ingarákvæði bráðabirgðalaganna.
Dæmi um launabætur:
1. Barnlaus einhleypingur með 70
þús. kr. laun og eignalaus hlýt-
ur 1.650 kr. í launabætur í des-
ember.
2. Einstætt foreldri með 1 barn og
80 þús. kr. laun en nettóeign 300
þús. kr. fær launabætur að upp-
hæð 2.000 kr.
3. Hjón með 3 börn þar sem annað
hefur 100 þús. kr. laun en hitt
50 þús. kr. laun fá samtals um
1.600 kr. í launabætur. Hér er
miðað við að hjónin eigi nettó-
eign að upphæð 750 þús. kr.