Morgunblaðið - 09.03.1988, Blaðsíða 16

16
MORGUNBLAÐIÐ, MIÐVIKUDAGUR 9. MARZ 1988
BUXUR
STÍGANDI
AFSLÁTTUR AF
ÖLLUM
STÖKUM BUXUM
Helgi Hálfdanarson:
Að skrifa eða skrifa ekki
Fyrir skemmstu hripaði ég
greinarstúf vegna söfnunar undir-
skrifta, sem samtökin Tjörnin lifi
hugðust gangast fyrir til mót-
mæla gegn staðarvali undir ráð-
hús. Þar benti ég á, að slík söfnun
myndi aldrei sýna annað en ranga
mynd af hug Reykvíkinga í því
máli, og yrði vafalaust túlkuð
samkvæmt því. Ég gat um þá
raunalegu staðreynd, að hvort
sem ástæða er til eða ekki, getur
ýmsum virzt áhættusamt að setja
nafn sitt undir mótmæli gegn því
sem ráðamenn hafast að, ekki
síður en hitt, að neita að skrifa
undir stuðning við gerðir þeirra,
einkum þegar heitt er í kolunum.
Grein þessa, sem átti að vera
mín síðustu orð um ráðhús, gerir
Áslaug Ragnars að umtalsefni í
Morgunblaðinu 5. þ.m. Þar hvetur
hún eindregið til undirskriftasöfn-
unar, sem hún kallar örþrifaráð
„vegna þess frumstæða stjómar-
fars sem birzt hefur í sambandi
við þetta mál“.
Auðvitað hafa slíkar aðgerðir
ýmsar hliðar, og réttmætt er að
meta gildi þeirra að nokkru eftir
aðstæðum hverju sinni. Stundum
geta þær jafnvel orðið skoplegar,
eins og þegar dijúgur hluti lækna-
stéttarinnar hóar sig saman til
að skrifa undir kröfu um áfengan
bjór. Það kátlega er ekki það, að
mennina skuli langa í bjór, heldur
hitt, að þeir skuli ekki heimta
hann í nafni þorsta síns, heldur í
nafni læknisfræðinnar, sem telji
ólíklegt að við íslendingar förum
allt í einu að „missa fótanna" í
áfengismálum!
En því miður er ekki alltaf
gaman að undirskriftum. Mér
þykir leitt, að Áslaug Ragnars
skyldi blanda svo kölluðu VL-
máli inn í þessa umræðu. Ég hefði
haldið að bezt færi á að ræða sem
minnst um það.
Áslaug segir að margir telji,
að sú undirskriftasöfnun sem þá
fór fram, hafi verið „einn merk-
asti stjómmálaviðburður hér á
landi fyrr og síðar". Vissulega fer
hún þar með rétt mál, að svo er
af sumum talið. En hitt vitum við
líka, að sú aðgerð er af ýmsum
öðrum talin eitt skelfilegasta
hneyksli íslandssögunnar. Þar á
ég þó ekki við þann málstað, sem
um var dejlt; hér er hann ekki til
umræðu. Ég á einmitt við þá að-
gerð að safna undirskriftum, svo
sem þá var gert. Ég hygg að eng-
inn sé í vafa um það, hvorum
megin í þeirri deilu sá þjóðfélags-
hópur stóð, sem öðrum fremur
gat haft áhrif á örlög almenn-
ings, afkomu hans og gjörvallan
hag. Með söfnuninni tóku VL-
menn þá augljósu áhættu, að ein-
hveijir þættust þurfa á fleira að
líta en málstaðinn sjálfan, áður
en þeir neituðu að skrifa undir,
hvort sem þeir hefðu til þess raun-
verulega ástæðu eða ekki. Sjálfur
vissi ég dæmi til þess, að menn
settu nafn sitt á þessa lista ein-
ungis vegna þess' að þeir töldu,
að afkomu sinni og fjölskyldu
sinnar væri teflt í tvísýnu, ef þeir
neituðu að skrifa undir. Trúlegt
þykir mér, að slík dæmi hafi ver-
ið fleiri en mér var kunnugt um;
og ekki er ólíklegt, að ýmsir þeirra
sem urðu fyrir þeirri reynslu, hafi
ósjálfrátt reynt að hnika viðhorfi
sínu til samræmis við þennan
verknað sinn, þó ekki væri til
annars en að geta upp frá því litið
í spegil. Það var ef til vill það
sorglegasta um þennan gang
mála.
Þama er raunar sjálf megin-
ástæðan til þess, að í meiri háttar
deilumálum þykir einungis leyni-
leg atkvæðagreiðsla marktæk í
þjóðfélagi siðaðra manna.
Áslaug Ragnars lítur svo á, að
næstu alþir.giskosningar á eftir
hafi síðan sýnt hið rétta um fylgi
VL-manna. Ég tel að það sé mik-
ill misskilningur. Um þetta mál
fór aldrei fram nein allsheijar
atkvæðagreiðsla. Alþingiskosn-
ingar snúast um fjölmörg önnur
stórmál. Og trúlegt þykir mér, að
ýmsum hefði þótt það harðir kost-
ir að geta ekki sýnt andúð sína
gegn málstað VL-manna með
öðru en því að kjósa tiltekna
stjómmálamenn á þing.
Við þykjumst þess fullviss, að
mikill meirihluti Reykvíkinga sé
mótfallinn ráðhúsi í 'Ijöminni.
Hins vegar þætti mér það ekki
með neinum ólíkindum, að þeir
sem nú skipa meirihluta í borgar-
stjóm, yrðu endurkjömir í næstu
kosningum. Og ég veit að Áslaugu
dettur ekki í hug að túlka þau
hugsanlegu úrslit svo, að þau sýni
meirihlutafylgi Reykvíkinga við
Tjarnarráðhús, enda næði það
engri átt. Pólitískt fylgi ræður
kjöri borgarfulltrúa en ekki við-
horfi kjósenda til ráðhúss úti í
Tjöm.
Grein mín á dögunum þarf eng-
inn að skilja svo, að ég muni skirr-
ast við að skrifa undir, ef söfnun
undirskrifta skal þrátt fyrir allt
hmndið af stað. Enda hef ég ekk-
ert að óttast úr neinni átt. Og
kannski hefur enginn ástæðu til
að óttast neitt; það vona ég að
minnsta kosti. En hitt er alveg
víst, að ekki líta allir þannig á
spilin; og það er það sem máli
skiptir.
Niðurstaða mín er því þessi:
Það er óhugsandi að undirskrifta-
söfnun geti sýnt annað en mjög
skekkta mynd af viðhorfí bæj-
arbúa; og það má telja víst, að
niðurstaða hennar verði hraklega
rangtúlkuð. Þess vegna ræð ég
frá henni. En ef söfnun verður
samt hafin, þá skora ég á sem
flesta að taka þátt í henni, ef ekki
í von um árangur, þá af kergju.
Menntaskólinn á ísafirði:
Þróttmikil sólrisuhátíð
ísafirdi.
Sólrisuhátíð Menntaskólans á
ísafirði er orðin jafn árviss við-
burður og að sólin byijar að
skína á ný á bæjarbúa. Sólrisu-
hátíðin er venjulega haldin um
svipað leyti og sólin hefur náð
að skína inn um gluggann hjá
öllum íbúum bæjarins. Þó er sá
munur á Sólrisuhátíð og sól-
risunni sjálfri að sólrisan er
hvert ár með sama styrkleika en
Sólrisuhátíðin með misjöfnum.
Þetta árið virðist þó sem styrkur-
inn sé í meira lagi og stendur
fjölbreytt dagskrá hvern dag til
sunnudagsins 13. mars, en hátí-
ðin hófst 4. marz.
Menntskælingar hafa sett á stofn
útvarpsstöð í tilefni hátíðarinnar og
verður útvarpað daglega milli kl.
15 og 24, en allan sólarhringinn
um helgar. Auk þess má nefna að
Sigríður Ásgeirsdóttir myndlistar-
maður sýnir unnin glerverk í
Slunkaríki, Litli leikklúbburinn
frumsýnir Sveitapiltsins draum eftir
Guðjón Ólafsson og Pál Ásgeirsson
í sal Menntaskóláns á sunnudag. Á
miðvikudag heldur hljómsveitin
Svart/hvítur draumur tónleika í
Krúsinni og næsta kvöld á eftir
verður Bubbi Morthens með tón-
leika í sal menntaskólans. Anna
Júlíana Sveinsdóttir og Lára Rafns-
dóttir halda svo ljóðatónleika í sal
frímúrara fimmtudagskvöldið 10.
mars en seinni helgin í sólrisu hefst
svo með jasskvöldi á föstudag í sal
menntaskólans, þar sem Olafur
Kristjánsson, Magnús Reynir Guð-
mundsson, Vilberg Vilbergsson,
Gunnar Hólm Sumarliðason og
söngkonan Oktavía Stefánsdóttir
leika og syngja jass og blús við
kertaljós og huggulegheit eins og
einn nemandinn komst að orði.
Sama kvöldið verður sólrisudans-
leikur í Glaumborg í Hnífsdal þar
sem Stuðkompaníið frá Akureyri
leikur fyrir dansi. Á laugardag verð-
ur ráðstefna með Æskulýðssam-
bandi vestfirskra safnaða í sal
menntaskólans. Þar flytja erindi
Ragnheiður Sverrisdóttir djákni og
dr. Hjalti Hugason lektor.
Sunnudaginn 13. mars ætla nem-
endur svo að nota til að kynna al-
menningi húsnæði menntaskólans.
Jafnframt ætla þeir að skemmta
gestum með skíðadansi, gítar- og
harmonikkuleik, gjömingum og
ljóðalestri og leiksýningum. AFS
verður með kynningu á skiptinema-
starfsemi sinni og verða þar bæði
ísfírsk ungmenni, sem farið hafa
til námsdvalar erlendis á vegum
samtakanna, og erlendur skiptinemi
sem nú dvelur á ísafírði.
Um kvöldið verður svo skálda-
vaka á sal menntaskólans. Þar
munu ísfirsk skáld koma og lesa
úr verkum sínum en langt mun nú
orðið síðan ísfirskir höfundar hafa
látið til sín heyra opinberlega.
Menningarviti hátíðarinnar, en það
er sá kaliaður sem fer með forystu
f málefnum Sólrisuhátíðarinnar, er
Birgir Finnsson.
- Úlfar
Hárlos?
Blettaskalli?
Líflaust hár?
Sársaukalaus hár-
rækt með akupunkta-
aðferð ásamt rafmagns-
nuddi og köldum leiser-
geisla. 890 kr. timinn
(45-55 mín.). P.S. Varist
kvalafulla, heilsuspill-
andi okurgeisla.
Laugavegi 92
Sími 11275
Forsíða fræðsluritsins.
RNIC
LÍÐUf
i>4rí
Hjartavernd
gefur út
fræðslurit
FRÆÐSLURIT Hjartaverndar
„Hvemig líður þér er komið
út. Bæklingurinn er danskur að
uppruna en hefur verið þýddur og
staðfærður f samræmi við íslen-
skar aðstæður.
í bæklingnum er bent á leiðir til
að halda góðri heilsu og meðal ann-
ars spurt um fæðuval. Gerð grein
fyrir innihaldi hverrar fæðutegundar
og hvað ber að varast. Samkvæmt
rannsóknum Hjartavemdar veikjast
2 til 3 af hveijum 100 íslendingum
árlega af of háum blóðþrýstingi og
eru í bæklingnum talin upp nokkur
atriði, sem geta stuðlað að of háum
blóðþrýstingi.
Sem leið að betri heilsu er bent á
að hreyfing er allra meina bót en
fólk þyngist oft um 10 til 15 kg frá
tvítugsaldri til fertugs eða fimmtugs.
Þá er kafli um streitu, sem eykur
blóðþrýsting ef ekki er brugðist rétt
við vandanum. Spurt er nokkurra
spuminga og eiga svörin að gefa
vísbendingu um hvort hætta er á ferð-
um.
Bæklingurinn er prentaður í
10.000 eintökum og verður honum
dreift endurgjaldslaust í framhalds-
skóla, heilsugæslustöðvar og spítala
auk annarra stofnana.
(Úr fréttatilkynningu)