Morgunblaðið - 01.07.1988, Blaðsíða 15

MORGUNBLAÐIÐ, FÖSTUDAGUR 1. JÚLÍ 1988
15
Kristján Jóhanns-
son syngur til heið-
urs Gianni Poggi
Frá Simone Mambriani
Fyrir nokkrum mánuðum var
Kristján Jóhannsson ráðinn að
Scalaóperunni í Milanó. Hann er
fyrsti íslendingurinn sem hlotnast
sá heiður að syngja við þess virtustu
óperu heims. Nú sem stendur er
Kristján að syngja við aðra fræga
óperu i Palermo „Teatro Masssimo".
Nafn þessa mikla tenórs er baðað
frægðarljóma um þessar mundir en
aðeins eitt símtal þurfti þó til þess
að fá hann til að koma fram í Piac-
enza í litlum sal sem rúmar aðeins
rösklega tvö hundruð áheyrendur.
Þann 30. apríl var hátíðardagskrá í
leikhúsinu Santa Maria í Torricella
til heiðurs fyrrverandi kennara
Kristjáns og vini hans Gianni Poggi.
Félagssamtök söngvina í Piacenza
sem nefnast „La Tampa Lirica" hafa
látið gera upp þetta litla leikhús. Þar
hefur lengi verið starfræktur kór og
með honum hafa ýmsir frægir söngv-
arar hafið feril sinn. Nægir þar að
nefna baritónsöngvarann Piero
Campolonghi og sjálfan Gianni
Poggi. Ákveðið var að setja Toscu á
svið þetta kvöld þar sem hún er uppá-
haldsópera Poggi. Það var því talið'
vel við hæfi að biðja Kristján Jó-
hannsson að syngja til heiðurs þess-
um fræga tenór sem á hátindi ferils
síns söng með Maríu Callas og Re-
nötu Tebaldi. Fyrir tólf árum kom
íslendingurinn ungi til Piacenza til
þess að ljúka söngnámi sínu undir
leiðsögn Poggi. Síðan hefur gagn-
kvæm vinátta og virðing einkennt
samskipti þeirra og nú þegar heilsa
læriföðurins er tekin að bila, kemur
nemandinn, þó frægur sé, til að votta
honum sína dýpstu virðingu.
Tosca var aðlöguð hinum þröngu
salarkynnum. Aðeins aðalhlutverkin
voru sungin við pianóundirleik. Auk
Kristjáns Jóhannssonar sungu hin
ungu sópransöngkona Donatella
Saccardi og baritónsöngvarinn Fran-
co Piva sem er gömul stjama frá
Scala og enn býr hann yfir einstak-
lega líflegri og tilþrifamikilli söng-
rödd. í lok hvers þáttar glumdi við
dynjandi lófatak í salnum. Enn ein
rósin í hnappagat Kristjáns Jóhanns-
sonar sem nú vinnur hvem listasigur-
inn á fæti öðrum. Gianni Poggi var
í sjöunda himni og þakkaði nemanda
sínum í viðurvist áheyrenda og geðs-
hræringin leyndi sér ekki í rödd hans.
Kristján Jóhannsson og Donatella Saccardi á sviðinu i Santa Maria
í Torricella
Hið íslenska náttúrufræðifélag:
Náttúruskoð-
unarferðir
Sunnudaginn 3. júlí verður farið í
dagsferð á vegum félagsins frá Akur-
eyri. Lagt verður af stað kl. 10 frá
Umferðarmiðstöðinni og ekið áleiðis
til Ólafsfjarðar. Á leiðinni verður
m.a. skoðaður sjávarfitjagróður hjá
Gásum, votlendis- og vatnagróður í
nágrenni Hrísatjamar í Svarfaðardal
og jökulmenjar á Ufsaströnd.
Afangastaður er Ólafsfjarðarmúli. í
Múlanum verður gróður kannaður,
en hann er dæmigerður fyrir hinar
snjóþungu útsveitir Norðurlands.
Leiðsögumenn verða þeir Hörður
Kristinsson grasafræðingur og
Halldór Pétursson jarðfræðingur frá
Náttúrufræðistofnun Norðurlands.
Fólk hafi með sér dagsnesti.
Ferð á Snæfellsnes 8.—10. júlí
Snæfellsnes hefur löngum verið
rómað fyrir náttúrufegurð en í ferð-
inni verður leitast við að kynna þátt-
takendum jöfnum höndum fjölskrúð-
ugt gróðurfar þess og dýralíf svo og
fjölbreytilega jarðfræði.
Lagt verður af stað frá Umferðar-
miðstöðinni í Reykjavík föstudags-
morgun kl. 8.30. A leiðinni vestur
er að mörgu að hyggja og má m.a.
nefna jarðlög og fomskeljar frá lok-
um ísaldar í Melabökkum. Við Brúar-
foss í Hítará má sjá dæmi um svörf-
un fallvatna. Rauðhálsar er ung eld-
stöð í Hnappadal og verður hugað
nánar að henni og öðmm eldstöðvum
á þessu svæði sem og frægustu og
vatnsmestu ölkeldu landsins, Rauða-
melsölkeldu. Þá verður komið við í
Lýsuskárði ogþar skoðað djúpberg.
Við Búðir verður slegið upp tjöld-
um til tveggja nátta. Þar er verslun
og hótel, sem landsþekkt er fyrir
góðan mat. Náttúrufegurð er mikil
að Búðum og þar er ein mesta skelja-
sandsfjara á Islandi.
Á laugardagsmorgun verður farið
í gönguferð um Búðahraun og litið
til grasa. Síðan verður ekið út á
Amarstapa og hin sérkennilega
strönd skoðuð. Þaðan er haldið að
Lóndröngum og Þúfubjargi J>ar sem
bjargfuglar verða skoðaðir. A leiðinni
milli Amarstapa og Hellissands má
sjá fjölda eldstöðva. Þá verður komið
við á Svörtuloftum en þau em mestu
sjófuglabyggðir á Snæfellsnesi. í
Ólafsvíkurenni verður athugað sér-
kennilegt móberg.
Á þriðja degi ferðarinnar verður
ekið frá Búðum um norðanvert Snæ-
fellsnes og Heydal til Reykjavíkur.
Meðal annars verður hugað að jarð-
lögum frá fyrri hluta ísaldar i Bú-
landshöfða, leitað að hnyðlingum í
Berserkjahrauni og skoðaðar skriður
Drápuhlíðarfjalls.
Þátttakendur þurfa að leggja sér
til viðlegubúnað (tjöld) og mat. Þeim
sem eiga sjónauka er bent á að hafa
hann með sér og svo flóm- og fugla-
bók.
Fólk er beðið um að skrá sig í
ferðina á Náttúmfræðistofnun í síma
29475 (fyrir hádegi) sem allrafyrst.
(Frá Hinu ísl. Náttúrufræðifélagi)