Morgunblaðið - 01.07.1988, Blaðsíða 44

44
MORGUNBLAÐIÐ, FÖSTUDAGUR 1. JÚLÍ 1988
Steinar h.f.:
Fjórar nýjar hljóm-
plötur í júlímánuði
STEINAR h.f. gefa út fjórar
nýjar íslenskar plötur í júlímán-
uði. Hljómplata með Stuðkomp-
aníinu kemur út í dag, föstudag-
inn 1. júlí, plata með Greifunum
kemur út 8. júlí, safnplatan
„Bongóblíða" , með 7 islenskum
hljómsveitum, kemur út 15. júlí
og 20. júlí kemur út plata með
hljómsveitinni „Sálin hans Jóns
míns“.
A plötu Stuðkompanísins eru tvö
lög í tveimur útgáfum hvort lag.
Höfundar laganna eru þeir bræður
Karl og Atli Orvarssynir. A plötu
Greifanna eru einnig tvö lög í tveim-
ur útgáfum hvort, höfundar eru
Kristján Viðar Halldórsson og
Sveinbjörn Grétars'son.
Safnplatan Bongóblíða innihled-
ur 12 lög í flutningi sjö hljóm-
sveita. Þær eru Greifarnir frá
Húsavík, Stuðkompaníið frá Akur-
eyri, Jójó frá Skagaströnd, Herra-
menn frá Sauðárkróki, Sálin hans
Jóns míns, hljómsveit Magnúsar
Kjartanssonar og hljómsveit Birgis
Gunnlaugssonar.
Plata hljómsveitarinnar „Sálin
hans Jóns míns“ ber heitið „Syngj-
andi sveittir" og kemur hún út 20.
júlí eins og áður segir. Hljómsveitin
mun í sumar fylgja plötunni eftir
með dansleikjahaldi víða um land.
(Ur fréttatilkynningu.)
Nokkrir félagar úr Fallhlifaklúbbi Reykjavíkur og feijuflugmaður-
inn við komu flugvélar klúbbsins til Reykjavikur.
Ný flugvél fall-
hlífastökkvara
FYRIR nokkru kom til landsins
á vegum Fallhífaklúbbs Reykja-
víkur eins hreyfils flugvél af
gerðinni Cessna 206 sérútbúin
fyrir fallhlifastökk. Flugvélin er
m.a. með stóra hurð sem opnast
upp og stórt þrep þar fyrir neðan
sem auðveldar útstökk.
í Fallhlífaklúbbi Reykjavíkur,
sem var stofnaður árið 1974, eru
nú um 40 virkir félagar. Það hafa
skiptst á skin og skúrir í sögu
klúbbsins og má m.a. um kenna að
lengi vel hafði hann ekki flugvél til
umráða. Það var oft á tíðum erfið-
leikum háð að fá flugvél til að
stökkva út úr þegar vel viðraði og
hafði það þau áhrif að nemendur
sem voru stutt á veg komnir misstu
fljótlega áhugann þegar þeir gátu
ekki stokkið langtímum saman.
Breyting varð það á fyrir þremur
árum þegar klúbburinn tók á leigu
sex manna Cessna 185 flugvél, sem
var síðan eingöngu notuð í þágu
klúbbsins. Með því var lagður sá
grunnur sem félagsstarf Fallhlífa-
klúbbsins byggist á í dag.
Fyrirhugað er að Fallhlífaklúbb-
ur Reykjavíkur haldi fljótlega nám-
skeið fyrir byrjendur. Ennfremur
býður klúbburinnn upp á farþega-
stökk fyrir þá sem áhuga hafa.
Klúbburinn vinnur ná að útvegun
framtíðarstökksvæðis og ættu hug-
myndir þess efnis að skýrast á
næstu vikum. Formaður Fallhlífa-
klúbbs Reykjavíkur er Rúnar Ragn-
arsson.
Líf og land:
Lýsa yf ir áhyggjum
á versnandi umgengni
AÐALFUNDUR Umhverfissam-
takanna Lífs og Iands var hald-
inn fyrir nokkru.
I skýrslu formanns kom fram að
hápunktur á starfi samtakanna á
liðnu ári var ráðstefna um gróður-
eyðingu og landgræðslu undir yfir-
skriftinni „Sjá nú hvað eg er beina-
ber...“.
Umræður urðu á fundinum um
ýmis brýn verkefni í umhverfismál-
um og var samþykkt að beita sér
fyrir ráðstefnu um endurvinnslu
úrgangsefna.
Samþykkt var einróma ályktun
þar sem lýst var yfir áhyggjum á
versnandi umgengni almennings á
víðavangi og í byggð. Jafnframt eru
yfirvöld hvött til að setja strangari
viðurlög við umhverfisspillandi um-
gengni og til að setja upp sorpílát
á almannafæri. Þá eru skólayfirvöld
hvött til að efla vitund barna fyrir
umhverfi og umgengni.
Formaður umhverfissamtakanna
Lífs og lands er Herdís Þorvalds-
dóttir, en aðrir í stjóm eru Hróbjart-
ur Hróbjartsson, Daníel Gestsson,
Bryndís Schram, Hilmar Þór
Björnsson og Skúli Ingimundarson.
(Ur fréttatilkynningu)
4