Morgunblaðið - 01.08.1991, Blaðsíða 21
MORGUNBLAÐIÐ FIMMTUDAGUR 1. AGUST 1991
21
A O E I N S
2.900.-
Greiöslukjör:
Ekkert út, 1. grei&sla í sept.
og eftirstö&var á þremur árum.
V estmannaeyjar:
Laxveiði í
Klaufinni
Vestmannaeyjum.
TALSVERÐ laxveiði hefur
verið í net í Klaufinni í Vest-
mannaeyjum. Hefur laxinn sést
stökkva þar og samkvæmt
heimildum Morgunblaðsins
hafa fengist upp í 20 laxar í
lögn.
Vart varð við laxinn fyrir
nokkrum dögum en samkvæmt
heimildum blaðsins tók hann ekki
er reynt var að veiða á stöng en
aftur á móti hefur náðst talsvert
af honum í net. Ekki er talið að
um eldislax sé að ræða og álíta
þeir er fylgst hafa með að hér
sé frekar á ferð hafbeitarlax sem
sé að villast.
Lögreglan í Vestmannaeyjum
sagðist í gærkvöldi ekki hafa
haft neinar spurnir af veiði þess-
ari og hefði hún því ekki haft
nein afskipti af veiðinni.
Grímur
Þú svalar lestraiþörf dagsins
ásíöum Moggans! J
2tl
Stígamót, samtök kvenna
gegn kynferðislegu ofbeldi:
Ráðgjöf fyrir þolendur
nauðgana á útihátíðum
STÍGAMÓT ætla að vera með ráðgjafa fyrir fórnarlömb nauðgana
á einni eða tveimur helstu útihátíðunum um verslunarmannahelg-
ina. Einnig hafa samtökin gefið út veggspjald til að vekja fólk til
umhugsunar um þetta mál.
Tveir ráðgjafar verða á Þjóð-
hátíðinni í Vestmannaeyjum og
einnig er stefnt að því að hafa tvo
ráðgjafa í Húnaveri. Stúlkur sem
hafa orðið fyrir nauðgunum geta
leitað til þessara ráðgjafa til þess
að fá ráðgjöf og stuðning. Ingibjörg
Guðmundsdóttir, starfsmaður hjá
Stígamótum, benti á að þolendur
kynferðislegs ofbeldis á öðrum úti-
hátíðum þar sem ekki yrðu ráðgjaf-
ar gætu hringt í Kvennathvarfið
en þar yrði vakt um verslunar-
mannahelgina.
Ingibjörg sagði að veggspjaldið
hefði verið unnið í samvinnu við
unglinga en með því er reynt að
ná sérstaklega til unglinga og for-
eldra þeirra til þess að vekja at-
hygli á þessu máli. Hún benti á
mikilvægi þess að unglingsstúlkur
hefðu vakandi auga með vinkonum
sínum og héldu hópinn, þannig
væri hægt með fyrirhyggju að koma
í veg fyrir að glæpur yrði framinn.
Ingibjörg sagði að veggspjaldinu
hefði verið mjög tekið en verið er
að dreifa því víðsvegar um landið.
Hannes G. Sigurðsson
Ráðinn aðstoð-
arframkyæmda-
stjóri VSÍ
HANNES G. Sigurðsson hag-
fræðingur hefur verið ráðinn
aðstoðarframkvæmdastjóri
Vinnuveitendasambands Islands
frá 1. ágúst að telja.
Hannes lauk MS-prófi í hagfræði
frá háskólanum í Gautaborg 1981.
Hannes hefur verið hagfræðingur
VSÍ frá 1986.
Kona hans er Hjördís Hannes-
dóttir og eiga þau þijá syni.
Sígnr á ógæfuhliðina í
vöruskiptum við útlönd
VÖRUSKIPTI við útlönd í júní voru óhagstæð um 0,2 milljarða
króna. Á sama tíma í fyrra var vöruskiptajöfnuður hagstæður um
1,6 milljarð, miðað við sama gengi. Fyrstu sex mánuði ársins var
verð inn- og útflutnings jafnt, en á fyrri helmingi síðasta árs fékkst
3 milljörðum meira fyrir útfluttan varning en látið var fyrir að-
keyptan.
Fyrir útflutning í júnímánuði
fengust 8,7 milljarðar króna sam-
kvæmt upplýsingum Hagstofu, en
inn var flutt fyrir 8,9 milljarða. Á
fyrri hluta þessa árs voru vörur
fluttar til landsins fyrir 46,4 millj-
arða og úr landi fyrir sömu fjár-
hæð. Verðmæti útflutnings frá jan-
úar til júlí reyndist hið sama og
fyrri hluta síðasta árs, á föstu
gengi.
Meira fékkst fyrir sjávarafurðir
fyrri hluta þessa árs en á sama
tímabili síðastliðið ár. Þær hafa í
ár numið 82% útflutnings, en 77%
í fyrra. Hins vegar hefur útflutning-
ur áls minnkað um 9% milli ára og
kísiljárns um 59%. Verðmæti ann-
ars varnings, að skipum og flugvél-
um frátöldum, var 9% minna fyrstu
sex mánuði ársins en fyrri árshelm-
ing 1990.
Á fyrri hluta árs var verðmæti
innfluttrar vöru 7% meira en sama
tíma á liðnu ári. Samanburðurinn
milli ára sýnir að innflutningur stór-
iðjuvarnings hefur aukist um 11%
en skipa og flugvéla dregist saman
um rúman helming. Þá er verð-
mæti olíuinnflutnings 4% minna nú
en í fyrra. Að þessum varningi frá-
töldum reyndist annar innflutning-
ur, 78% alls þess sem inn er flutt,
hafa aukist um 22% frá fyrra ári.
--------- ♦ ♦ ♦-------
Yfirmaður Atl-
antshafsflot-
ans í heimsókn
LEON A. Edney, aðmíráll, sem
er yfirmaður Atlantshafsflota
NATO (SACLANT) verður í opin-
berri heimsókn á íslandi fimmtu-
daginn 1. ágúst og föstudaginn
2. ágúst nk.
Hann mun hitta að máli forsætis-
ráðherra og utanríkisráðherra og
eiga með þeim fundi.
HUSTJALD
+ 2 SVEFNPOKAR (-5°C)
mn
- sem kemur ekki aftur!
5 MANNA TJALD m/fortjaldi
+ 2 SVEFNPOKAR (-5°C)
SEGLAGERÐIN
ÆGIR
Eyjaslób 7 • Reykjavík • s. 62 1 780
KÚLUTJALD DD-200
+ SVEFNPOKI (-5°C)
Ný ljóðabók
eftir Hallfríði
Ingimundar-
dóttur
BÓKAFORLAGIÐ Goðorð
hefur gefið út nýja ljóðabók,
I skini brámána, eftir Hall-
fríði Ingimundardóttur.
Þetta er fyrsta bók hennar.
í kynningu frá
Goðorði segir:
„Bókinni
skiptir höf-
undur í tvo
hluta og hafa
báðir, og einn-
ig bókin í
heild, ein-
kunnarorð
sem vísa til
Hallfríður
Ingimundardóttir
Laxdælu. Það er tilfinningatj-
áning ljóðanna sem hefur tengsl
við Guðrúnu Ósvífursdóttur en
annars túlka ljóð Hallfríðar
nútímaleg viðhorf og aðstæður
kvenna, svo og tilfinningar og
kenndir sem eru óháðar tíma.“
Ljósmyndir í bókinni eru eft-
ir Högna Sigurþórsson. Offset-
fjölritun prentaði. Bókin er
prentuð á endurunninn pappír.
Bókaútgáfan Goðorð er sam-
vinnufyrirtæki skálda sem kalla
sig Orðmenn og voru fyrstu
bækur Goðorðs gefnar út 1989.
Orðmenn hafa lesið úr verkum
sínum á ýmsum vettvangi, m.a.
í Borgarleikhúsinu og í Þjóð-
leikhúsinu.
í skirti brámána er tíunda
ljóðabókin sem Goðorð gefur út.