Morgunblaðið - 01.08.1991, Blaðsíða 37

MOUGUNBLAÐIÐ FIMMTUDAGUR 1. ÁGÚST 1991
37
Fjörufólk
í Norræna
húsinu
SÝNING á höggmyndum eft-
ir Sæmund Valdimarsson
verður opnuð fimmtudaginn
1. ágúst í anddyri Norræna
hússins.
Sæmundur fór að setja sam-
an myndir úr steinum og reka-
viði fyrir u.þ.b. 20 árum og
voru þessar myndir sýndar fyrst
í Gallerí SÚM árið 1974, á sýn-
ingu á alþýðulist sem þar var
haldin. Sæmundur hélt fyrstu
einkasýningu sína árið 1983 og
eru þær nú orðnar níu. Þar af
var ein í Ósló árið 1989. Auk
þess hefur hann tekið þátt í
nokkrum samsýningum, þ. á m.
í Haag í Hollandi í apríl sl.
Sýningin stendur til 26. ág-
úst og verður opin alla virka
daga frá kl. 9-19. Á sunnudög-
um verður opið frá kl. 12-19.
Lj óðatónleikar
haldnir í Aratungu
L J ÓÐ ATÓNLEIK AR verða
haldnir í Aratungu í Biskups-
tungum, föstudaginn 2. agúst nk.
kl. 21.00.
Á tónleikunum mun Sigurður
Bragason baritonsöngvari syngja
íslensk og erlend lög, við undirleik
Hjálms Sighvatssonar frá Miðhús-
um í Biskupstungum.
Sigurður Bragason stundaði
söngnám m.a. á Italíu og í Vín.
Áður nam hann við Tónlistarskól-
ann í Reykjavík og við Söngskól-
ann. Hann stjórnar nú Árnesinga-
kórnum í Reykjavík.
Hjálmur Sighvatsson stundaði
píanónám við Tónlistarskólann í
Reykjavík og síðan í Köln í Þýska-
landi, þar sem hann starfar nú.
Þeir félagar hafa haldið tónleika
úti í Þýskalandi nú í sumar og eru
fleiri tónleikar fyrirhugaðir síðar í
haust.
Á dagskránni eru lög eftir enska
tónskáldið Ralph Vaughan Will-
iams, íslendingana Atla Heimi
Sveinsson, Árna Björnsson og
Björgvin Guðmundsson og ítalana
Giuseppe Verdi, Vincenzo Bellini
og Gaetano Donizetti.
Tónleikarnir eru liður í M-hátíð
á Suðurlandi 1991.
■ SÉRSTÖK BLÚSMANNA-
HELGI verður haldin á Púlsinum
um verslunarmannahelgina. Blús-
mannahelginni er ætlað að vekja
athygli á blús f flutningi Trega-
sveitarinnar. Ýmsir kunnir blús-
menn vopnaðir munnhörpum,
gíturum og söngröddum stíga á
sviðið og sameinast Tregasveit-
inni. Sveitina skipa: Pétur Tyrf-
ingsson, gítar, söngur, Guð-
mundur Pétursson, gítar, söng-
ur, Sigurður Sigurðsson, munn-
harpa, söngur, Björn Þórarins-
son, bassi, og Guðni Flosason,
trommur. Stefnt er að því að
gera Blúshelgina að árvissum
tónlistarviðburði um verslunar-
mannahelgina, þar sem erlendir
gestir munu koma við sögu.
■ FIMMTUDAGINN 1. ágúst
spilar Rúnar Þórí Ölkjallaranum
og hitar upp fyrir verslunar-
mannahelgina.
Leiðrétting
Þau mistök urðu í blaðinu sfðastlið-
inn sunnudag, að rangt var farið
með nafn í æskumynd Irisar Grönd-
al. Hið rétta nafn móður hennar
er Erla Daníelsdóttir. Beðist er vel-
virðingar á þessum mistökum.
Einn meðlima Tregasveitarinn-
ar.
Leiðrétting
í frétt Morgunblaðsins í gær um
álagningu opinberra gjalda 1991
var ranglega hermt að heildar-
álagning á börn væri um 47,9 millj-
arðar króna. Hið rétta er auðvitað
að álagningin á bömin er 47,9 millj-
ónir króna. Morgunblaðið biðst vel-
virðingar á þessum mistökum.
Guðmundur Svein-
björnsson — Minning
„Þó ég sé látinn, harmið mig ekki með tár-
um, hugsið ekki um dauðann með harmi
og ótta. Ég er svo nærri, að hvert eitt tár
ykkar snertir mig og kvelur, þótt látinn þið
mig haldið. En þegar þið hlægið og syngið
með glöðum hug, lyftist sál mín upp mót
til Ijóssins. Verið glöð og þakklát fyrir allt
sem lífið gefur, og ég, þótt látin sé, tek þátt
í gleði ykkar yfir lífinu."
(Úr bókinni „Undir sólinni".)
Guðmundur Sveinbjömsson eða
Trixi, eins og hann var alltaf nefnd-
ur í vinahópi, lést á Borgarspítalan-
um þann 26. júlí sl.
Það er sannarlega mikill harmur
að Trixi skuli ekki vera á meðal
okkar lengur. Hann, sem var svo
myndarlegur, þróttmikill og sterkur
til líkama og sálar, tapaði óréttlátri
orrustu um að fá að lifa. Trixi sýndi
æðruleysi yfír örlögum sínum, hann
tókst á við veikindi sín af kjarki,
viljastyrk og hugviti, sem var hon-
um svo eðlislægt og lýsir persónu-
leika hans best.
Trixi gekk sínar eigin leiðir í líf-
inu. Hann bar mannréttindamál og
hina ýmsu minnihlutahópa fyrir
bijósti af einlægni, hann var einn
af stofnendum Samtakanna ’78 og
var mjög áhugasamur um fram-
gang og störf þeirra allt til hins
síðasta.
Trixi var einstaklega lífsglaður
og var með af lífi og sál, og þá
má ekki gleyma hinni stórkostlegu
kímnigáfu hans. Hann gerði óspart
grín að fordómum, sýndarmennsku
og sjálfur var hann hreinskiptinn
svo af bar.
Trixi ferðaðist mikið um heim
allan, var góður tungumálamaður,
hafði áhuga á sögu, þjóðháttum og
fólki. Ég átti þess kost að vera
samferða honum nokkrum sinnum,
og var Trixi ævintýri líkastur þegar
hann var í essinu sínu á ferðalög-
um. Síðast vorum við í Hollandi í
maí sl. Þá var Trixi orðinn mjög
heilsuveill, en hann fór á vilja-
styrknum og ákveðinn í að njóta
síðustu ferðar til hins ýtrasta, og
þá kom hans skemmtilega kímni-
gáfa í ljós, því hann gerði óspart
grín að sjálfum sér, eins og honum
einum var lagið. Ég á ógleymanleg-
ar og dýrmætar minningar frá þess-
ari síðustu ferð með vini mínum.
Trixi fæddist í Vestmannaeyjum
21. desember 1953, kjörsonur hjón-
anna Ingibjargar Kristjánsdóttur
húsmóður og Sveinbjörns Guð-
mundssonar útgerðarmanns. Trixi
átti góða bernsku í Eyjum, og var
honum tíðrætt um æskuárin. Hann
lauk hefðbundinni skólagöngu í
Eyjum, og að loknu stúdentsprófi
frá Menntaskólanum á Akureyri
ferðaðist Trixi og bjó um tíma í
Danmörku, Bandaríkjunum og víð-
ar. Síðar réðst hann til starfa hjá
Flugleiðum, og starfaði hann í gest-
amóttöku Hótel Esju í ein 12 ár,
eða þar til hann neyddist til að láta
af störfum vegna veikinda sinna.
Hans er nú sárt saknað af stórum
hópi vina og kunningja, sem horfa
á eftir enn einni hetjunni burt, á
bestu árum ævinnar.
Foreldrum Trixa og mömmu-
Mæju sendi ég mínar innilegustu
samúðarkveðjur. Þau kveðja nú
einkabarn sitt. Umhyggja Ingu-
mömmu var einstök. Starfsfólk
deildar A-7, Borgarspítalans fær
þakkir fyrir einstaklega góða
umönnun.
Ég kveð kæran vin minn með
þakklæti fyrir gleðina alla.
Einar Þór Jónasson
Mig langar í örfáum orðum að
minnast vinar míns Guðmundar
Sveinbjörnssonar, en hann lést á
Borgarspítalanum 26. júlí sl.
Hár, dökkhærður, myndarlegur,
já hann Trixi var sannarlega glæsi-
legur og eftir honum tekið. Einar
bróðir kynnti okkur fyrir nokkrum
árum, við urðum strax vinir. Við
gátum talað saman og tíminn leið
svo hratt, svo hratt. Trixi var
skemmtilegur og hugsandi og vildi
öllum svo vel. Og nú er tíminn lið-
inn, hann var ferðalangur allt sitt
líf. Fór í óteljandi ferðir til fjar-
lægra landa og kom heim reynsl-
unni ríkari og ennþá vitrari. Og nú
er hann lagður af stað í sína síð-
ustu ferð.
Mínum kæra vini óskar ég góðr-
ar ferðar.
Margrét
Sigurður Bragason bariton-
söngvari.
Hjálmur Sighvatsson pianóleik-
ari.
Borgarráð:
Raflýsing og salernisað-
staða í miðbænum bætt
BORGARYFIRVÖLD hafa gert ráðstafanir til að bæta aðstöðu
fyrir leigubíla í miðbænum, sorpílátum hefur verið fjölgað, verið
er að gera ráðstafanir til að bæta salernisaðstöðu og raflýsing í
miðbænum verður aukin fljótlega. Þetta kom fram á borgarráðs-
fundi á þriðjudag í svari Markúsar Arnar Antonssonar, borgar-
stjóra, við fyrirspurn frá borgarráðsfulltrúum minnihlutans.
Á fundi borgarráðs 23. júlí
lögðu borgarráðsfulltrúar minni-
hlutans fram fyrirspurn varðandi
hreinlætisaðstöðu og rekstur ungl-
ingahúss í miðbæ Reykjavíkur.
Borgarstjóri svaraði fyrirspurninni
á borgarráðsfundi á þriðjudag. í
svari hans kom fram, að í viðræð-
um við lögreglustjóra um ástandið
í miðborginni um helgar hefði
hann lagt áherslu á að löggæsla
yrði aukin og vel hefði verið við
því brugðist.
Einnig kom fram í svarinu að
af hálfu borgarinnar hefðu átt sér
stað viðræður við fulltrúa leigubíl-
stjóra um næturþjónustu þeirra á
miðbæjarsvæðinu og fyrirhugaðir
væru fundir með veitingamönnum
og eigendum söluvagna. Gerðar
hefðu verið ráðstafanir til að bæta
aðstöðu leigubílanna, sorpílátum
hefði verið fjölgað, salernisaðstöðu
væri verið að bæta og raflýsing
yrði aukin mjög fljótlega.
Varðandi hugmyndir um svo-
kallað unglingahús í miðbænum
sagði borgarstjóri, að skiptar skoð-
anir væru um að hvaða gagni slíkt
hús kæmi. Óvist væri með öllu,
að skipulögð starfsemi af því tagi
höfðaði til þorra þeirra unglinga,
sem safnaðist saman í miðborginni
um helgar.
+
Sonur minn og bróðir okkar
ÁRNI SVEINSSON,
Stakkholti 3,
Reykjavík,
sem andaðist 24. júlí, verður jarðsunginn frá Fossvogskapellu
föstudaginn 2. ágúst kl. 15.00.
Torfhildur Sigmundsdóttir
og systkini hins látna.
Þökkum innilega öllum þeim, sem sýndu okkur samúð og vinar-
hug við andlát og útför móður okkar og tengdamóður,
GRÉTU JÓELSDÓTTUR SKAFTFELL,
Dalbraut 18,
Reykjavík.
Þorgeir Skaftfell,
Sigrfður Skaftfell, Bergur Þorleifsson.
+
Innilegt þakklæti til allra þeirra, sem sýndu okkur hlýhug og
samúð vegna andláts og útfarar móður okkar,
JÓNÍNU B. GUÐLAUGSDÓTTUR.
Hjartans þakkir til hjúkrunarfólks á sjúkradeild Hrafnistu, Hafnar-
firði, fyrir frábæra hjúkrun og umönnun í veikindum hennar.
Sigurbergur Sveinsson,
Guðmann Sveinsson,
Ásdís Sveinsdóttir.
Lokað
Friðrik Ólafsson, bifreiðaverkstæði, verður lokað frá
kl. 12.00 á hádegi í dag, fimmtudaginn 1. ágúst,
vegna jarðarfarar HILMARS ÓLAFSSONAR.
Friðrik Ólafsson,
bifreiðaverkstæði.