Morgunblaðið - 01.08.1991, Blaðsíða 33
MORGUNBLAÐIÐ FIMMTUDAGUR 1. ÁGÚST 1991
33
sama dag og Hilmar ásamt þriðja
frændanum, Gunnari, og því var
fagnað með sameiginlegri stórveislu.
Upp úr þessu tók Hilmar nokkrum
breytingum. Hann varð hlédrægari,
en vinsemdin og velviljinn voru alltaf
hans aðalsmerki. Hann var sein-
þreyttur til vandræða og í samskipt-
um við aðra kom fram vilji til að
sameina og sætta, en hann skildi
ekki öfund og rógburð í mannlegum
samskiptum, fannst það engum til-
gangi þjóna. Leiðir okkar frænd-
systkina hafa skilið nokkuð á fullorð-
insárum, en Hilmar hafði mikinn
áhuga á að koma á meira sam-
bandi. Eftir að hann keypti sér íbúð
bauð hann okkur heim til sín, því
honum var umhugað um að end-
umýja fyrri kynni. Snemma í vetur
hitti hann eina frænkuna og tóku
þau af skarið og hringdu í öll frænd-
systkinin sem búa hér fyrir sunnan
og hittumst við næsta kvöld hjá
Hilmari og áttum þar saman
ánægjulega stund. Við reyndum að
binda þau bönd sem tengdu okkur
í æsku og hugðumst hittast oftar.
En því miður verður Hilmar ekki
með okkur á næsta fundi, en við
þökkum honum fyrir framtakið. Þar
sem Hilmar var bifvélavirki áttum
við frændur hauk í horni. Hann gaf
okkur holl ráð varðandi farartæki
okkar af hvaða gerð sem þau vom
og hjálpaði upp á sakirnar, ef þau
biluðu.
Við söknum frænda okkar og
erum leiðir yfir að samfundir urðu
færri á seinni árum. Við biðjum Guð
almáttugan að geyma hann og
vemda. Foreldrum og systkinum
vottum við dýpstu samúð og biðjum
þeim Guðs blessunar.
Á síðasta andartakinu
hættir sólin að hníga
og flýgur í lausu lofti
eins og brennandi skip
í §arlægum skýjum.
Gullin rák brúar öldurnar
og ég geng
inní endalaust sólarlagið
og kem aldrei
til baka...
(S.H.)
Arnar og Jón Bender
Fregnin um að vinur okkar Hilm-
ar Ólafsson hefði látist af slysförum,
kom sem þruma úr heiðskíru lofti.
Ungur og glæsilegur maður í blóma
lífsins hafði verið tekinn frá okkur.
Missirinn er mikill því Hilmar var
frábær félagi sem átti fáa sína líka.
Við kynntumst Hilmari fyrir um
það bil sex árum er leiðir okkar lágu
saman í gegnum sameiginlegan vin.
Á þessum sex árum sem við fengum
að njóta samvista hans var margt
brallað, og ævinlega þegar eitthvað
mikið stóð til hóaði Hilmar öllum
mannskapnum heim til sín, þar sem
allar meiriháttar ákvarðanir voru
teknar. Hann átti yndislegt heimili
og þar fannst okkur alltaf gaman
að vera, við kölluðum það oft félags-
heimilið okkar.
Hilmar hafði unun af ferðalögum.
Honum þótti vænt um landið sitt,
og þær vor ófáar ferðirnar sem við
fórumn saman um landið þvert og
endilangt, þar sem Hilmar kappkost-
aði að samræma gleði og fróðleiks-
söfnun um landið sitt. Minningarnar
sem við eigum með Hilmari úr þess-
um ferðum eru ógleymanlegar, og
þær munu varðveitast okkur sem
ein af okkar skemmtilegustu æsku-
minningum.
Hilmar var lærður bifvélavirki og
starfaði sem slíkur. Á þessu sviði
var Hilmar í essinu sínu. Hann þótti
frábær verkmaður og var virtur í
starfi sínu fyrir góðan frágang og
mikla nákvæmni. Það var ósjaldan
sem við þurftum að leita til Hilmars
þegar bílar voru annars vegar. Hon-
um þótti það virðing og sjálfsagður
hlutur að fá að hjálpa vinum sínum,
og það var ekkert hjá honum sem
hét að slá hlutunum á frest, hann
vildi fá að gera þá strax.
Hilmar lifði hratt, hann var fram-
sýnn, metnaðarfullur og ætíð að
keppast við stór verkefni. Hann var
glaðlyndur, fullur af lífsorku, hann
var mikill vinur vina sinna. Hann
var drengur góður.
Við þökkum fyrir allar þær sam-
verustundir sem við áttum með
Hilmari. Yið kveðjum hann sem mik-
inn vin. Mynd hans lifir í huga okk-
ar og hún mun aldrei dofna.
Foreldrum, systkinum og öðrum
nánum aðstandendum Hilmars vott-
um við okkar dýpstu samúð. Megi
Guð styrkja þau í þessari miklu sorg.
Ási G. og Mundi.
Laugardagurinn 20. júlí var einn
af þessum fallegu sumardögum og
var það okkur sérstakt ánægjuefni
þar sem hann Hilmar okkar hélt upp
á 26 ára afmælið sitt þennan dag.
Fyrstu kynni okkar fjölskyldunnar
af Hilmari hófust árið 1973 er við
fluttum í næstu götu við hann í
Hlíðunum. Fljótlega varð þessi rauð-
hærði, hægláti en jafnframt glettnis-
legi strákur heimagangur í Úthlíð-
inni. Hilmar var frá upphafi óijúfan-
legur hluti af fjölskyldulífi okkar og
það var nær óhugsandi að gera eitt-
hvað án hans.
Minningarnar streyma fram. Þeg-
ar litið er yfir farinn veg, uppgötvum
við það, að aldrei hefur borið skugga
á neina af okkur ótal samverustund-
um. Enda var Hilmar einstakt ljúf-
menni og góður drengur sem vildi
öllum vel. Hann var góður félagi,
vinur vina sinna, tryggur og hjálp-
samur.
Hilmar þurfti alltaf að hafa eitt-
hvað fyrir stafni. Þegar farið var í
útilegur eða veiðiferðir, þótti honum
í raun skemmtilegast umstangið og
undirbúningurinn í kringum þessar
ferðir. Seinustu helgina í júlí ár hvert
fer öll fjölskyldan saman í útilegu
sem er þá sérstaklega til vandað.
Af ýmsum ástæðum var nú ákveðið
að fara fyrstu helgina í júlí. Hefði
sami háttur verið hafður á og undan-
farin ár hefði Hilmar ekki farið í
þá ferð, þar sem hann lést í hörmu-
legu bílslysi 24. júlí sl.
Hann var rifínn burt á þeim tíma-
mótum í lífi sínu þegar aldrei höfðu
verið jafn bjartir tímar framundan.
Hann var búinn að koma vel undir
sig fótunum og var ánægður í sinni
vinnu. Bílaviðgerðir og bílar voru
hans atvinna og aðaláhugamál.
Hann var fær í sínu fagi og var
bæði öruggur og mikilvirkur þegar
bílaviðgerðir voru annars vegar. Það
átti í raun við um allt sem hann
gerði. Þegar það þurfti að vinna eitt-
hvert verk, voru engin vandamál til
staðar í hans augum. Það var bara
að byija. Hann hafði líka alltaf tíma,
hvort sem það var að koma í kaffi,
fara í sund, mæta með málningarr-
úlluna eða að dytta að bílum fjöl-
skyldunnar. Þökkum við honum fyr-
ir alla greiðviknina og ekki síst allar
ánægjustundir sem hann veitti okkur
með þægilegri nærveru sinni.
Afmælisveislan 20. júlí er okkur
eftirminnileg. Hilmar var svo
ánægður þetta kvöld, honum fannst
allt vera bjart framundan. Við rifj-
uðum upp gamlar minningar og
töluðum um allt það sem við ætluð-
um okkur að gera saman í framtíð-
inni. Hann ræddi m.a. af áhuga um
hvað hann langaði mikið til að leggja
stund á nýtt áhugamál og var þar
búinn að velja skíðaíþróttina. Þetta
kvöld var fastmælum bundið að
stefna á skíðaferð erlendis eftir ára-
mót. Sú ferð verður aldrei farin því
Hilmar er lagður af stað í aðra ferð.
Söknuði okkar verður ekki lýst
með orðum. Foreldrum og systkinum
Hilmars vottum við okkar dýpstu
samúð og biðjum Guð um að styrkja
þau í sorginni. Minningin um góðan
dreng mun iifa hjá okkur öllum.
Hvíli hann í friði._
Eyfi, Elsa, Linda, ÓIi og Fríða.
Á lífsleiðinni eru víða vegamót.
Við ættingjar og vinir Hilmars
Ólafssonar stöndum nú á einum slík-
um og horfum á eftir ungum elsku-
legum manni yfir á annað tilveru-
svið. Þá er sem sól hafi brugðið
sumri og við misst áttir, því erfítt
er að sætta sig við slys og skyndi-
legt fráfall ungs manns. Hilmar
frændi minn fórst í umferðarslysi
miðvikudaginn 24. sl. Hann var á
leið austur á land á ættarmót föður-
ættar sinnar, en hugðist fyrst dvelja
tvo daga hjá móðurfólki sínu á
Fremstagili í Langadal. Þar hafði
hann verið mörg sumur á unglingsá-
rum sínum og var það heimili honum
afar kært. Hann lagði einn af stað
í þessa ferð um morguninn fullur
tilhlökkunar að hitta ættingja sína
og vini, en þessi ferð breyttist í aðra
mikilvægari ferð. Þá ferð sem við
öll hljótum að fara sem sagt á fund
guðs sins, sem ekki ætlaði honum
lengri tíma eða meiri störf á jarð-
neska sviðinu. Mennirnir álykta, en
guð ræður þó við skiljum ekki alltaf
tilganginn, sem felst á bak við skýja-
hulu fávisku mannanna barna.
Hilmar var fæddur 15. júlí 1965,
sonur Halldóru Hilmarsdóttur frá
Fremstagili í Langadal og Ólafs
Heiðars Jónssonar frá Gunnhildar-
gerði í Hróarstungu. Hann var elstur
af fjórum börnum þeirra hjóna. Hann
ólst upp í góðri og samhentri fjöl-
skyldu. Sem fullorðinn maður varð
hann henni styrk stoð. Við sem höf-
um fylgst með þessum frænda okkar
frá fæðingu eigum margar góðar
minningar um hann, því á slíkum
vegamótum lítur maður ósjálfrátt til
baka og rifjar upp horfnar stundir.
Við munum Hilmar á æskuárunum
glaðan, kröftugan og kjarkmikinn
dreng. Við minnumst afmælisveislna
frændanna þriggja, sem voru jafn-
aldrar. Allir voru þeir fermdir sama
daginn og héldu upp á fermingar-
heit sín saman. Við munum hann
sem fullvaxta mann, prúðan með
bjarta brosið, góðvildina og greið-
viknina, sem var honum í blóð bor-
in. Þeir eru margir sem hann rétti
hjálparhönd, þegar þeir áttu í vand-
ræðum með bilaða bíla, en um borg-
un var ekki að ræða. Hann þekkti
þau grundvallarsannindi að þegar
upp er staðið á maður ekkert, nema
það sem hann hefur gefið. Og nú
kemur sá gildi sjóður honum vel.
Nú eiga aðstandenur aðeins eftir
minningarnar, en um góðan dreng
eru góðar minningar. Þær eru fjár-
sjóðum betri.
Ég vil þakka stórfjölskyldu föður
Hilmars sameiginlega fyrirbæna-
stund í Kirkjubæjarkirkju 20. júlí sl.
og allan þann hlýhug sem hún sendi
nánustu aðstandendum.
Ég bið guð að blessa Hilmar á
nýjum leiðum. Hafi hann bestu
þakkir fyrir góða samfylgd. Foreldr-
ar og systkini, ég bið almættið að
styrkja ykkur og milda sársaukann.
Guðrún I. Jónsdóttir
í dag kveðjum við góðan dreng,
hann Hilmar frænda minn. Það var
eitt af þessum hörmulegu slysum
sem tók hann frá okkur. Af hveiju
hann? Þessari spurningu fáum við
aldrei svarað.
Hugurinn reikar, ég á góðar og
skemmtilegar minningar um hann
Himma, hve oft var hann ekki búinn
að hjálpa manni með bílaviðgerðir
þegar verið var að fara út úr bænum
og oftast fóru þessar viðgerðir fram
seint á kvöldin. Allt var þetta sjálf-
sagt mál og á meðan þessu stóð var
rætt um heima og geima, mikið um
bíla. Þessum fátæklegu en góðu
stundum mun ég aldrei gleyma.
Guð geymi þennan góða dreng.
Elsku Halldóra, Ólafur og systkini,
Guð styrki ykkur í þessari miklu
sorg.
Sigga.
R
FARIÐ LÉTT KLÆDD
í FERÐALAGIÐ
Það er óþarfi að láta veðrið liafa áhrif á ferðalagið. *
I réttum klæðnaði njótið þið útiverunnar í hvaða
veðri sem er.
FIS sport — KOBRA — KEBNE — REGN
SPORT (úr SOFITEX 2000, efni sem hleypir út
gufu) er vandaður sport- og regnfatnaður
framleiddur af 66°N.
Hann fæst í fjölbreyttu úrvali lita, sniða og efna í
flestum sport- og fataverslunum landsins.
66‘N
Léttur og réttur fatnaður á góðu verði,
sem allir njóta.
Sumir bílar
ero
betri en aðrir
UHONDA
Honda Accord er búinn
miklum góðum kostum.
Kostagripir liggja ekki alltaf á
lausu, en þessi er það og til-
búinn til þinnar þjónustu. Bíll
fyrir alla og við allra hæfi.
Greiðsluskilmálar fyrir alla.
Verð frá kr. 1.474.000,- stgr.
ÍHONDA
HONOA A (SLANDI, VATNAGÖRÐUM 24, S-689900