Morgunblaðið - 05.09.1991, Blaðsíða 39

MÖRGUNBLÁÐIÐ FIMMTUDAGUR 5. SEFTEMBER 1901
39
Minning:
Valur Kristinn Jóns-
son framreiðslunmður
Fæddur 8. september 1931
Dáinn 29. ágúst 1991
Kvaddur er í dag góður vinur,
Valur Kristinn Jónsson framreiðslu-
maður. Vaiur lést á heimili sínu hér
í Reykjavík þann 29. ágúst sl. eftir
meira en þriggja ára baráttu við erf-
iðan sjúkdóm, margar sjúkrahúsdv-
alir og nokkra erfiða uppskurði. All-
ah þann tíma var hann dyggilega
studdur af fjölskyldu sinni, læknum
og hjúkrunarfólki og ber að þakka
fyrir það í dag.
Valur var fæddur og uppalinn í
Grindavík, einn 6 sona þeirra sæmd-
arhjóna Jórunnar Ólafsdóttur frá
Hæðarenda í Grindavík, sem lifir son
sinn, og Jóns Péturssonar sjómanns
(d. 1954) frá Blómsturvöllum. Eftir-
lifandi bræður Vals eru: Halldót' sjó-
maður í Kopavogi, f. 1929, Guð-
mundur Ágúst símsmiður í Garðabæ,
f. 1938, látnir eru Ólafur Valgeir,
f. 1927 d. 1930, drukknaði, Ólafur
Valgeir yngri, f. 1942, deyr ung-
barn, Dagbjartur Már, f. 1945 d.
1990, drukknaði.
Árið 1946 flytur Valur aðeins 15
ára til Reykjavíkur og fer í þjónsnám
á Hótel Borg og í Iðnskólanum og
er þar til 1950 er hann verður þjónn
á Gullfoss hinum nýja og er meðal
annars á honum í siglingum á Mið-
jarðarhafinu.
Árið 1955 ræðst hann til Þorvald-
ar í Þjóðleikhúskjallarann og þegar
Þorvaldur opnar hinn vinsæla
skemmtistað Lídó árið 1959 verður
Valur yfirþjónn þar.
Árið 1963 er opnaður glæsilegasti
veitingastaður á landinu, á Hótel
Sögu, þá nýbyggðri, og er þá Valur
ráðinn sem yfirþjónn og varð þar
síðan hans starfsvettvangur í rúm
20 ár.
Árið 1958 verða þáttaskil í lífi
Vals því þá kvæntist hann góðri og
fallegri stúlku, Jónu Lóu Sigþórs-
dóttur, sem hefut' reynst honum
traustur lífsförunautur. Þau eign-
uðust eina dóttur, Kristínu hjúkruna-
rfræðing og flugfreyju. Kristín er
gift Jóni Finni Ögmundssyni fram-
reiðslumanni á Hótel Loftleiðum og
eiga þau tvö börn, Val Kristinn, 6
ára, og Maríu Klöru, 2ja ára.
Fyrir hjónaband átti Valur son
með Þórunni Helgu Felixdóttur
kennara, Felix lækni í Svíþjóð. Felix
er kvæntur Ragnheiði Alfreðsdóttur
og eiga þau eina dóttur, Áslaugu,
3ja ára, en fyrir átti hann Þórunni
Helgu, 9 ára.
Árið 1985 kaupir Valur ásamt
Dagbjarti bróður sínum gisti- og
veitingahúsið Víðigerði í Víðidal og
flytjast þeir þangað og reka það
ásamt eiginkonum á meðan Dag-
bjartur lifði og heilsa Vals leyfði.
Dagbjartur ferst sviplega á báti
sínum á Húnaflóa við annan mann
í nóvember 1990, en Valur var þá
fluttur til Reykjavíkur vegna veik-
inda sinna og hefur Jórunn Jóhann-
esdóttir, ekkja Dagbjarts, veitt veit-
ingastaðnum forstöðu síðan.
Valur var gefinn fyrir útiveru og
ferðalög á meðan heilsan leyfði,
stundaði hann veiðar í ám, Vötnum
en á seinni árum fór hestamennskan
að taka meiri hluta af frítíma hans.
Fyrir 2-3 áratugum fór vinahópur
úr Kópavogi og Reykjavík að ferðast
saman um landið og njóta nátt-
úrufegurðar þess með öllum sínum
fjölbreytileika og voru Valur og
Jónsa oftast með í þeim ferðum.
Ferðahópurinn kveður nú í dag kær-
an vin og þakkar honum fyrir sam-
fylgdina.
Arið 1979 keyptum við hjónin
sumarbústað með Val og Jónsu í
Eilífsdal í Kjós og áttum við þar
saman marga og góða daga á hvetju
sumri og kom þá vel í ljós hversu
barngóður Valur var, smástríðinn og
skemmtilegur, en fyrst og fremst
tryggur og traustur vinur vina sinna.
Að leiðarlokum er margs að minn-
ast en í dag er það fyrst og fremst
söknuður yfir fráhvarfi góðs vinar,
sem tengir okkur saman. Við biðjum
aldraðri móður, sem nú kveður annan
son sinn á stuttum tíma, eiginkonu,
börnum, barnabömum og venslafólki
Guðs blessunar og við huggum okkur
við það að nrinningin um hann er
góð og hlý.
Guðmundur Snorrason
í dag er til moldar borinn Valur
Kristinn Jónsson framreiðslumaður
eftir langvinn og erfið veikindi.
Ungur að árum hóf hann nám í
framreiðslu á Hótel Borg og lauk
námi 1950, og gekk þá þegar í Félag
framreiðslumanna. Snemma hóf
hann afskipti af félagsmálum og sat
um árabil í stjórn félagsins aðallega
sem gjaldkeri, auk ýmissa annarra
starfa sem honum voru falin.
Valur var góður fagtnaður og vel
látinn bæði af viðskiptavinum sem
samstarfsfólki.
Hann starfaði sem framreiðslu-
maður m.a. m/s Gullfossi, Leikhús-
kjallaranum og Lídó, en aðalstarfs-
vettvangur hans var Hótel Saga, þar
sem hann starfaði sem yfirfram-
reiðslumaður í Súlnasal og síðar
meir á Mímisbar ásamt undirrituð-
um.
Valur var glettinn og spaugsamur
og hrókur alls fagnaðar í góðra vina
hópi og einkar orðheppinn.
Árið 1985 festu þeir bræður Valur
og Dagbjaitur kaup á Víðigerði í
V-Húnavatnssýslu og gerðu þar
miklar og gagngerar endurbætur á
staðnum og ráku þar af rniklum
'myndarskap veitingasölu gistingu og
verslun allt þar til Dagbjartur fórst
í sjóslysi síðla árs í fyrra.
Foreldrar þeirra bræðra voru þau
Jón Pétursson sem látinn er fyrir
mörgum árum og Jórunn Ólafsdóttir
sem enn er á lífi.
Valur kvæntist eftirlifandi konu
sinni Jónu Lóu Sigþórsdóttur 7. des-
ember 1958 og eignuðust þau eina
dóttur Kristínu, sem gift er Jóni
Ögntundssyni veitingastjóra á Hótel
Loftleiðum, og eiga þau tvö börn.
Fyrir átti Valur son að nafni Felix
sem er starfandi læknir í Svíþjóð,
hann er kvæntur Ragnheiði Alfreðs-
dóttur og þau eiga eitt barn.
Ég vil að leiðarlokum færa eigin-
konu Vals mínar innilegustu satn-
úðarkveðjur svo og börnum, aldraðri
móður og öllum vinum og vanda-
mönnunt.
Félag framreiðslumanna þakkar
af alhug áratuga langt samstarf.
F.h. Félags framreiðslumanna
Haraldur Tómasson
Okkur langar að kveðja elsku afa
okkar og þakka allar góðu stundirn-
ar sem við áttum með honum.
Við vitum að honum líður núna
vel vegna þess að hann er hjá Guði.
Nú legg ég augun aftur,
ó, Guð, þinn náðarkraftur
mín veri vörn i nótt.
Æ, virzt mig að þér taka,
mér yfir láttu vaka
þinn engil, svo ég sofi rótt.
(S. Egitsson)
Við þökkum elsku afa fyrir allt.
Guð blessi minningu hans.
Valur Kristinn og María Klara
Honda
Accord
Sedan
2,0 EX
’91
Veröfrá 1.474 þúsund.
GREIÐSLUSKILMÁLAR
FYRIR ALLA
(H
VATNAG0RÐUM 24 RVIK., SIMI 689900
Fjölhæfur
pressubekkur
með fótatæki og
46 kg. lyftingar-
setti. Verð áður
stgr. kr. 24.490,-
Nú kr. 19.592,-
Skemmtilegur
sitjandi
pressubekkur
með fótatæki og
20 kg. af lóðum.
Verð áður stgr.
kr. 32.940,- Nú
kr. 23.554,-
Frábær æfinga
stöð fyrir
heimahús eða
stofnanir. Meira
en 30 æfingar.
Verð áður stgr.
kr. 69.750,- Nú
kr. 55.800,-
Stóri þrek-
stiginn með
töivumæli og 9
mismunandi
„þrekstigum".
Verð áður stgr.
kr. 23.655,- Nú
kr. 19.870,-
SENDUM I KR0FU UM LAND ALLT.
EUR0 - VISARAÐSAMNINGAR.
TAKMARKAÐAR BIRGÐIR.
HREYSTI
■■IILfJÖLikMLilAVMiinaP
-friskandi verslun-
SKEIFUNNI 19 - SÍMI 681717 -'FAX 83064