Morgunblaðið - 05.09.1991, Blaðsíða 48
48
MORGUNBLAÐIÐ FIMMTUDAGUR 5. SEPTEMBER 1991
NEYTENDAMÁL
Fj ölþætt þjónusta Lands-
bankans við neytendur
Bankar og aðrar fjármálastofnanir bjóða viðskiptavinum
sínum nú upp á margvíslega þjónustu sem lítið hefur verið
sinnt þar til nú. Ýmsar aðrar þjónustustofnanir hafa án efa
byggt upp samsvarandi þjónustuþætti fyrir sína viðskiptamenn
sem þörf væri á að kynna fyrir fólki almennt.
I Landsbankanum er viðskiptamönnum veitt fjölbreytt þjón-
usta og eru sum þjónustusvið þekktari en önnur. Vel þekkt
er Náman sem er til stuðnings námsmönnum. Aftur á móti
er Varðan, sem vera á eldri borgurum til halds og trausts,
minna þekkt meðal almennings. Neytendasíðan kynnti sér
málin.
Þjónustufulltrúar í aðalbanka Landsbankans. Sitjandi til vinstri:
Sigurdís Skúladóttir, Ásta Árnadóttir forstöðumaður aðalbankans
og Ragnheiður Gunnarsdóttir ásamt fulltrúum markaðssviðs,
Kristínu Rafnar og Ingólfi Guðmundssyni.
Markaðssvið Landsbankans
sér um þróun nýrra þjónustu-
þátta fyrir Landsbankann. Þar
var rætt við Kristínu Rafnar hag-
fræðing, forstöðumann markaðs-
sviðs, og Ingólf Guðmundsson
rekstrarhagfræðing á markaðs-
sviði, um þá þjónustu og aðra
aðstoð sem Landsbankinn veitir
viðskiptamönnum sínum um
þessar mundir.
Ingólfur sagði að nú væri boð-
ið upp á margs konar þjónustu
sem bankarnir hafi hingað til
ekki sinnt og fer langt út fyrir
það starfssvið sem þeir hafa
hingað til verið að fást við. Ing-
ólfur hafði umsjón með uppbygg-
ingu Vörðunnar. Hann sagði að
samkeppnin væri að færast meira
í þann farveg að bjóða upp á
víðtæka heildarþjónustu fremur
en að auglýsa sérstaka reikninga.
Varðan
Þau voru spurð hvaða þjón-
ustuþættir væru í Vörðunni?
„í henni felst heildarþjónusta
fyrir viðskiptavininn," sagði
Kristín. „Þar er saman komin
ýmis þjónusta sem sérstaklega
er sniðin að þörfum eldra fólks.
Þjónustan felst í því að litið er á
fjármálin í heild og reynt að haga
hveijum hlut eins og hann best
má fara. Það er byijað á því að
fara yfir fjárhags- og réttarstöðu
einstaklingsins, að peningar á
innlánsreikningum séu á hag-
kvæmum ávöxtunarformum
þannig að þeir ávaxtist betur og
kannað hvort viðkomandi eigi
rétt á bótum frá Tryggingastofn-
un o.s. frv. Einnig er boðið upp
á greiðsluþjónustu þar sem séð
er um greiðsiur á öllum reikning-
um, óski viðskiptamenn eftir því,
og er það gert án nokkurs kostn-
aðar fyrir viðkomandi. Ef fólk
óskar eftir, er gerð fýrir það fjár-
hagsáætlun. Kannað er hve mik-
ið fer til venjulegra útgjalda, síð-
an eru sett markmið og hvernig
best sé að stefna að þeim. í heild-
arráðgjöfinni er einnig aðstoð
varðandi tryggingar. Kristín
sagði að margir átti sig ekki á
því að þeir væru oft tví- eða jafn-
vel þrí-tryggðir. Hún nefndi sem
dæmi að ef viðkomandi væri með
heimilistryggingu væri hann oft
einnig kominn með farangurs-
tryggingu.
Aukin þjónusta við eldra fólk
Ingólfur sagði að þjónusta
Vörðunnar hefði í upphafi verið
bundin við eldri borgara, en í
framtíðinni stæði til að hún yrði
öllum opin. Nú væri lögð áhersla
á að sinna þörfum eldra fólks
betur en áður. Bankinn gerði
samning við sjálfseignarstofun-
ina Réttarholt um fjármögun á
íbúðum fyrir aidraða í Bústaða-
sókn. „Við leggjum áherslu á að
verð og afhendingartími stand-
ist,“ sagði hann. „Við höfum sett
sem skilyrðlað óháður eftirlitsað-
ili fylgist með framkvæmdum,
þannig að fólk fái í raun það sem
það er að greiða fyrir. Byggingin
hefur gengið mjög vel og verða
íbúðirnar afhentar nú í desem-
ber.“
Ingólfur sagði að einn þjón-
ustuþátturinn væri húsnæðis-
skiptamál. þ.e. að fjármagna fyr-
ir fólk svo það geti búið í eigin
íbúðum á meðan verið er að
byggja þjónustuíbúðir. Jafnfrámt
er rekin ráðgj’öf þessu tengd, þar
sem leiðbeint er um hvað viðkom-
andi getur ráðið við fjárhagslega.
Annar þjónustuþáttur snýr að
Tryggingastofnun ríkisins. Ing-
ólfur sagði að vitað væri að mjög
margir aldraðir átti sig ekki á
þeim réttindum sem þeir eiga til-
kall til. En allt sem kemur frá
Tryggingastofnun þarf að sækja
um sérstaklega. Bankinn hefur
gert samstarfssamning við
Tryggingastofnun og fær allar
upplýsingar þaðan. Þjónustufull-
trúar bankans hafa sótt þar nám-
skeið og hafa með höndum allar
upplýsingar frá stofnuninni,
eyðublöð og upplýsingar um hvað
þarf að fylgja með í umsóknum
eins og t.d. við niðurfeliingu á
fasteignagjöldum sem margir
virðast ekki vita af.
Þegar einstaklingar koma
hingað fyrst, er reynt að átta sig
á fjárhagsstöðu þeirra með því
að útbúa fjárhagsáætlun og fer
hún mikið eftir því hvort einstakl-
ingurinn er kominn á eftirlaun
eða er að undirbúa starfslók. Það
er staðið öðru vísi að málum ef
viðkomandi er að undirbúa eftir-
launaárin. Þá reynum við að gera
okkur grein fyrir eigna- og tekju-
stöðu hans með hliðsjón af því
hvernig hann ætlar að lifa á þeim
árum. Hvort hann ætlar minnka
við sig íbúðina eða hvað hann
vill hafa ^mikið í tekjur á mánuði
o.s.frv. Ut frá þeim forsendum
er reynt að skipuleggja íjármál
hans þannig að hann nái þeim
markmiðum sem hann hefur sett
sér.
Ávöxtun
Boðið er upp á heildarráðgjöf
um allt sem snýr að fjármagns-
markaðnum. í sambandi við áx-
ötun á innlögðu fjármagni er við-
skiptamönnum bent á hvaða innl-
ánsform henti þeim best. Þeir
geta fengið upplýsingar um öll
samkeppnisfonn hinna sam-
keppnisaðilanna og þar með talin
verðbréf og skuldabréf og spa-
riskírteini ríkissjóðs. Kristín
sagði að það kæmi fyrir þegar
farið væri að skoða fjármál hjá
ellilífeyrisþegum, að þá væru
miklar fjárhæðir á almennri spar-
isjóðsbók sem betra væri að
geyma á kjörbók sem er með
verðtryggingarsamanburði. Hún
sagði að yfirleitt væri fólk mjög
þakklátt þegar því er leiðbeint
með betri ávöxtun.
Grunnur
Ingólfur og Kristín sögðu að
„Grunnur" væri áræðanlega ein
hagstæðasta ávöxtunarleiðin
sem býðst í dag, bæði fyrir þá
sem ætla að fara að byggja hús-
næði og þá sem vilja byggja upp
sinn eigin lífeyrissjóð. Slíkan
reikning væri hægt að hafa í
gangi í 15 ár. Sá sem leggur inn
á reikninginn 62 ára fær innlagt
fé laust 67 ára eða eftir 5 ára
sparnaðartíma. Ef hann fer út í
framkvæmdir eða breytingar á
húsnæði eða kaupir íbúð þá er
innlagt fé laust eftir 3 ár. Ávöxt-
unin er mjög góð, t.d. er raun-
ávöxtun 23 prósent eftir fyrstu
3 árin. Þetta er skattafríinda-
reikningur og er bundinn við
bæði hámarks- og lágmarksinn-
lögn sem kemurtil endurgreiðslu.
Ingólfur sagði að einn fjórði af
því sem viðkomandi leggur inn á
reikninginn sé endurgreiddur af
skattinum. Kristín sagði að þetta
væri endurgreiðsla af greiddum
skatti. Segja mætti að þarna
væri um réttindi að ræða sem
menn missa ef þeir nýta sér þau
ekki.
Fjárhagsáætlanir fyrir fólk
vegna greiðslumats
Kristín sagði að ijárhagsáætl-
un væri verið að innleiða á fleiri
svið, eins og fyrir fólk sem er
að fara í greiðslumat vegna hús-
bréfalána. Lögð er áhersla á að
fólk setjist niður og skipuleggi
sín mál, en það hefur oft skort
á að það væri gert á markvissan
hátt. Ingólfur sagði að síðan
verðbólga hafi lækkað og væri
orðin stöðugri hefði myndast
grundvöllur til að skipuleggja
þessi mál betur og gera raunhæf-
ari áætlanir.
Störf þjónustufulltrúa
Kristín sagði að myndast hafi
persónuleg tengsl og traust á
milli þjónustufulltúa og eldra
fólks vegna þess að það getur
snúið sér til fulltrúanna beint.
Hún benti á, að fram hefði kom-
ið að mörgum öldruðum finnst
öryggi vera í því að aðeins einn
ákveðinn aðili þekki þeirra fjár-
mál, ef eitthvað skyldi koma fyr-
ir þá. Þjónustufulltrúar eru stað-
settir í öllum útibúum með að-
stöðu þar sem hægt er að ræða
máiin án þess að aðrir hlýði á,
einnig er hægt að hringja til
þeirra. Allt sem þeim fer á milli
er trúnaðarmál.
Fólk þarf að hafa einhvern
stað þar sem það getur leitað
ráða þegar erfið og viðkvæm mál
koma upp, eins og t.d. að ganga
í ábyrgðir. Ingólfur sagði að upp
hafi komið erfið tilvik þegar eldra
fólk hafi gengið í ábyrgðir fyrir
aðra án þess að gera sér grein
fyrir hvaða afleiðingar það getur
haft í för með sér. Þegar gjald-
þrotum fjölgar er hættan meiri.
Hann sagði að mörg sorgleg
dæmi væru um afleiðingar slíkrar
greiðasemi, eins og eignamissir.
J
Almennar bankabækur
Ekki er hægt að yfirgefa þessi
bankamál án þess að fá upplýs-
ingar um öryggi á innstæðum
almennra bankabóka. í gegnum
árin hefur bankabókum verið sto-
lið og óviðkomandi fengið fyr-
irhafnarlítið innstæðu bókarinnar
innleysta í bönkunum. Kristín og
Ingólfur voru spurð hvernig hægt
sé að fyrirbyggja að slíkt geti
átt sér stað?
Þau sögðu að fyrir hehdi væru
ákveðnir öryggisþættir. Hægt er
að láta skrá „merki“ í þessar
bækur og er það gert með því
að skrá þar leynimerki. Þá er
ekki hægt að taka út af bókinni
nema leynimerkið sé skráð á út-
tektarblaðið og er ekki afgreitt.
úr bókinni nema merkið sé rétt
skrifað. Undanfarið hefur það
aukist mjög að fólk setji leyni-
merki á bækur sínar. Hins vegar
hefur komið í ljós að gamalt fólk
setur almennt ekki þessi öryggis-
merki á sínar bankabækur. Aftur
á móti er fólki boðið að geyma
fyrir það bankabækurnar í bank-
anum og er mjög algengt að það
sé gert. í því tilfelli fær viðkom-
andi skírteini og er aldrei af-
greitt úr bókinni nema gegn
framvísun skírteinisins. Þau
vöktu athygli á að skipulögðum
innbrotum hefði fjölgað. í þeim
tilfellum er brotist inn hjá fólki
snemma morguns og oft nær það
ekki að tilkynna glataða bók áður
en þjófarnir eru mættir með hana
í banka. Geymsla á bankabók í
banka á að tryggja fólk gegn
slíkum stuldi.
M. Þorv.
Goldstar símkerfi, þarsem ekkert ergefið eftir.
Traust fyrirtœki sem tekur réttar
ákvarðanir, og er í góðu sambandi
við viðskiptavini sína. Það velur
traust, fullkomið og tœknilegt
símkerfi frá Goldstar.
Gœði, þœgindi og tœkni.
GoldStcir
Örugg þjónusta.
Rúmlega 800 fyrirtœki og stofnanir,
hafa kosið símkerfi frá Istel.
Komdu við í Síðumúlanum, eða
sláðu á þráðinn.
Og tryggðu góðan árangur.
%
X
Istel
SIÐUMULA 37 SIMI 687570